Kakolos sigik ngatutiet kobun kandoik chebo Nyumba Kumi eng Kapsir eng Konoin nekongat kipsomaninik komatko ombenot eng dugosiek


Kakolos sigik chechang ngatutiet kobun kandoik chebo Nyumba Kumi eng kokwetab Kapsir eng Konoin county nebo Bomet nekongat kipsomaninik missing che tibik komatko ombenot eng dugosiek kongete betutab mutai anan kenome icheg ak keipchi kerkonyiet.

Ye kangongololchin sirikab logoiywek komwa nebo ngecheret eng Nyumba Kumi Francis Langat kole tokchingei ngatutionotok keborie kaitet nekokwo barak nebo tibikab sukul chekokomonokso.

Kamwa Langat kole nguni komite gaa lagokab sukul kingeker sukulisiek kosupkei ak miondo nebo Corona koombenoti lagochotok kit neikochin koyai ibetabgei.