Kakolos President Uhuru Kenyatta boisionikab Nairobi Metropolitan Service (NMS)


Kakomwa President Uhuru Kenyatta kole boibochin ofisaek chekikigochi boisiet kondochi county nebo Nairobi notok ko Nairobi Metropolitan Service (NMS) eng mwaet kole kokolong boisionik chebo county notok.

Kamwa President kole boibochin ole kokoyaita boisionikchik NMS eng mwaet kole kokosuldae eng oret ne nyalunot ngatutik chebo boisonikm che kikigochi kongete yekingelumda eng tarikit 18 arawetab somok eng kenyini.

Kamwoei ngalechu President Kenyatta eng ofisinyi nemitei gotab Harambee eng yutok Nairobi yekangotaachei nebo boisionik che kikoyai NMS eng kasarta nebo betusiek 100 kongeete angigochi boisionotok.

Kamitei igoratak kandoik cheboto senator nebo Nairobi Johnson Sakaja, ole kakon cherset President Koityi NMS kogilchigei boisionikwak ak kogeer kole kawal nganasetab Nairobi konamgei bandaptai ak muswoknotetab kasari.