Kakobarasta serkali kakimitetab kalyet eng komasta nebo murot katam kongasis nebo emoni asikobit katestai somanet komakaimutik


Kakobarasta serkali kakimitetab kalyet eng komasta nebo murot katam kongasis nebo emoni ko oret agenge nebo koker kole katestai somanet komakaimutik alak tugul.

Kabit nitok kosupkei ak rarunetab kalyet nekikebaoryonchi eng komasatak ak koyai kanetik chekimakesikchin komasatak kokikchi commission nesire boisiet kanetik TSC koyapta icheg koba sukulisiek alak amu iweichin agobo kalyenywa.

Ye kangongololchin sirikab logoiywek eng gorik chebo bunge komwa sirindet neo nebo kibakengeitab kanetik nebo KNUT Wilson Sossion ak Mp nebo Eldas eng county nebo Wajir Adan Keynan komach icheg commission nebo TSC kongong tetutik chetinyegei ak keborie kaimutik chekokoitchi sekta nebo somanet eng komasatak bo murot katam kongasi nebo emoni.

Agot kounotok kokamwa ngololindetab serkali Col nekikwo kamunget Cyrus Oguna kangongololchin sirikab logoiywek kole koketet tetutik cheterter cheboto kakimitetab kalyet eng komasatak asikomuch kotestai ak somanet kipsomaninik koma kaimutik alak tugul.

Kamwa Oguna kole boisie serkali ak kandoik kobun komaswechotok eng tokchinetabgei nebo konyor walutiet nebo koigeny.