Kaketigon kandoikab emoni koek chebo iman eng kandoinatenywa ak koistoegei boriet eng kwenunywa


Eng county nebo Nakuru kokaituiyogei kandoikab dini ak kayonik chekotesetai ak sautik ak karugutetabgei eng Kuresoi murot tai ak bik alak chebo emoni kocochi emet.

Kakon kurset kandoichotok bo kanisa koitchi kandoikab emoni koek chebo iman eng kandoinatenywa ak koistoegei boriet eng kwenunywa ngotkomache kosor Mungu ak konyaa emoni.

Kaindochin sautichotok kakiyai eng kanisetab Power of faith world wide Olenguruone Bishop nebo kanisanotok Vincent Rutto, rubeiywotab Pastor nebo kanisetab Church of God Reuben Korir ak kandoindet nebo kwonyik eng kanisetab seventh day church of God Beatrice Koskei ole kasom Mungu konyochi gaat emoni.