Kaikimit President Uhuru Kenyatta agobo kamanutiet nebo konget emoni eng kibakenge ak kachomiet eng kasari


Kakokimit President Uhuru Kenyatta agobo kamanutiet nebo konget emoni eng kibakenge ak kachomiet eng kasari baoryonchin emoni ngoiyondit nebo miondoab Corona Virus.

Ye kangongololi kangobata sautik chekakisochi emoni chekakiyai eng gotab bororiot nebo Nairobi nekaindochin kandoik chebo dinisiek cheterter eng emoni komwa President Uhuru kole bo kamanut eng chito agetugul kowekchigei Mungu ak kosaa kobit kanyoiset ak kosom Mungu koistochi emoni ngoiyondinotok kokotumtum emotinwekab ngony eng oret nebo kwonget.

Kora kokanerekchi Uhuru icheg chemwoe kole matoreti kiy sautik eng miondoab Corona ak komach kocheng walutiet kipngamotinik chebo Sayansi kale eng iman kobendi koyoe chigilisiet kipngamotinichotok ak konyor kericheg kobate kale lazima kesom Mungu kotoret kobit kerichechotok eng chokchinet asikosor ngony komugul.