Kaibet sobet ketindetab boda boda kosupkei ak nyasutietab oret nekabit eng komasta nebo Brevan eng oret neo nebo Bomet-Longisa.


Kaibet sobet eng yotok ketindet nebo boda boda ak konyor kakotonosiek cheyachen kiprutoiyot nekaimuti kosupkei ak nyasutietab oret nekabit eng komasta nebo Brevan eng oret neo nebo Bomet-Longisa.

Kamwa baorinik kole boda boda inotok katokchingei Longisa ko kariachgei togoch eng togoch ak garit nebo Private nekatokchingei nganasetab Bomet.

Kakimut kiprutoiyot nekamite boda boda inotok kwo siptalitab Longisa county referral eng kanyoiset ak keib bortaab chito nekaibet sobet kwo got nekikonore borwek nebo siptalinotok.