Kaibet sobet chitoab boda boda kosupkei ak nyasutietab oret eng Duka Moja eng kiwotetab Elgeyo Marakwet ak Uasin Gishu.


Kaibet sobet eng yotok chito nekakwerie pokipikit nebo boda boda kosupkei ak nyasutietab oret nekabit eng komasta nebo Duka Moja eng kiwotetab county nebo Elgeyo Marakwet ak nebo Uasin Gishu.

Ye kangoyani imandaab logoiywechu komwa commander nebo polis eng county nebo Elgeyo Marakwet John Mwinzi kole chichotok yoe boda boda nekikure Noah Kibet kokatokchingei komasta nebo Iten komariachgei togoch eng togoch ak garitab Padri nekatokchingei Kapsowar.

Kakon kurset Mwinzi koitchi derevaek chebo garisiek ak bik chekwerie boda boda koek cheribegei eng kasarta nemite oret kale nyasutik chechang chebitu eng county inotok kotinyegei ak kwerietab garisiek ak pikipikisiek eng chebchebindo nemite barak.

Kakiib bortaab chichotok kwo got nekikonore borwek nebo siptalitab referral nebo Iten.