Kaesio Mps chebo Tangatanga eng chamaitab Jubilee logoiywek chekimwoe kele mategisi President Kenyatta.


Kaesio Mps chelulchin komasta nebo Tangatanga eng chamaitab Jubilee logoiywek chekimwoe kele mategisi President Uhuru Kenyatta.

Kamwa Mps ichotok igochin kasubet rubeiywotab President William Rutto kole kakwautionnywa nebo kokochi kasubet Rutto komanyalu keboisie kele matinge tegisto President Uhuru.

Ye kangongololi eng Murang’a eng igorta nebo konoret nekaitita Rutto komwa kandoichotok boto kandoindet nebo senetaek chechang eng bunge nebo Senate Kipchumba Murkomen Mps Ndindi Nyoro,Rigathi Gachagua, Kimani Ichung’wa, Moses Kuria, Senator Harun Cheruiyot ak alak kole agoi koitita tuiyosiek tugul chebo BBI.

Kora kokamwa Mps ichotok mite Tangatanga kole kaimutiet neo eng emoni kotinyegei ak Uchumi ak rarunetab boroinwekab boisionik eng neranik kates kole nyalu eng Report nebo BBI kongalale agobo notok nekatangolole kaimutik chebo ngalekab bolotet chekale ibu kandoikab bolotet.

Eng let kokamwa Rutto kole bo kamanut kibakenge nebo emet kale agoi keepchi iit keret kobun chito agetugul ak kikochi nyikisindo eng ngalalutik chebo BBI.