Jocham ringó e boma ma Rongo, Migori county yuago nengo ringó moidho e aluorano


Jocham ringó e boma ma Rongo ei Rongo sub county jowuok oko kagikwedo wach medo nengo ringó e butcheries manie aluorano ka giyuakni neok onyisgi ondamno. Jogo machamo ringó rongogo jokoni medo nengo ringó kilo achiel koa e siling 300 nyaka 400 kod steak manengone omedi nyaka siling 500 moa e siling 400 kuom kilo en gino maok ginyal yiego

Ngátoni Erick Odhiambo manigi hotel e boma ma Rongo yuakni nengono nyo omedi maok omigi notis moro amora ka koro okwayo weg butcheries mondomi oduok nengono kaka ne en.

Wechenego ne osir lwed gi migosi Solomon Oluoch mane okoni pod ok gingéyo gima omiyo omed nengo ringó e aluorano. E kar tarik 5 dwe mar 2 higani jakom riurwok mar weg butcheries mae boma ma Migori, migosi Michael Odero momo ne olandoni nengo ringó nedhi iidho kochakore tarik 14 dwe mar 2 higani kane ochiwo ler ni medgruok makamano en kaluwore gi nengo jamni mabende nimalo. Migosi Odero ne oleroni dhiang achiel mane iuso enengo mar siling elfu 20,000 sani nengone oidho nyaka siling elfu 25,000 kadhi malo kendo ni yoo kende mar keto ohala e wangé en medo nengo ringó.