Jii maromo 279 oyudi ni jokalee midhiero moko matindo tindo mikelo gi chanjo mar Astrazeneca


Ripot mane wayudo wacho ni jii ma kwan gi romo 279 josebedo kod midhiero moko matindo tindo mikelo kod yadh chanjo mar Astrazeneca ka mamoko 7 bende oyangi ni kalee midhiero mapek moloyo kaluwore kod chanjono

Katakamano nenore ni pogruok mapek nitie e wach chanjono e kind migao mochungne yoore mag thieth kod board mochungne weche yedhe e thurka -Pharmacy and Poisons Board bang Pharmacy and Poisons Board ne yango ni nitie ng’at achiel mane otho bang yudo chanjono

Laktar Peter Ikamati mar PBP  ne okuongo oyango wach thogno kaeto bang’e oduogo olero ni jalno ne nyalo tho kaluwore kod chal mar ngima mare mane onyalobedo godo .

Wach tho mane iwacho ni ne obedo nikech chanjono ne okwed malit mokalo kod laktar Tabu maen jatelo mochungne chenro mag chanjo e migao mochungne yoore mag theith e pachoka