Lit kod kuyo okwako  skund primary  ma Kadie  e Location ma Kawuor , Rachuonyo east sub county  e county ma Homabay  bang apisa moro majarito majaigni 45 oyud ka onegi kod jonjore mane omonjo skundno  otieno kendo okwalo omenda.

Joseph Obudho ne onegi kod jonjorego mapod ok oyangi kendo ringre ne oyudi gokinyi  kod japuonjre moro majaclass 8 mane omondo eskul saa apar gariyo okinyi.

Ruoth ma gwen’gno  Samuel Okoko owacho ni japuonjreno ne oyudo ka oyie kidi maduong  but wiye  ka remo mathoth bende ne wuok edhoge.

Okoko bende omedo ni jonjorego ne joturo apis japuonj maduong mar skundno ma olal kod omenda maromo sh 65,000.