Japuonjre majahigni 14 oresi e keny mohiu yoo Kogelo, Asego sub county, kar chung od bura ma Homabay


Japuonjre moro maja class 8 ne oresi e lwet dichuo moro majahigni 32 kendo ja Boda Boda ma osebedo kokawe kaka chiege e gwenge mag Kogelo, Asego sub location, Homa bay town constituency.

Rawerano majahigni 14, mosebedo kokendi gi jalno kuom koro dweche 3 ne oresi okinyi makawuono gi apisas mane owuok e bad migao mar nyithindo e kaachiel gi apisas mag obila bang yudo muya maling ling kuom jopiny

Apisa ma ochungne bad migao mar nyithindo e county ma Homabay kod Rangwe sub coutny migosi Joseph Otieno wachoni achijno ma oseyangi ni Dennish Okoth ne okendi nyathindo e dwe mar 11 kendoni gisebedo kagidak kaka dhako gi chuore e od achijjno manitie yoo kokelo. Otieno wachoni nyathno mawuok yoo Ndhiwa osebedo kasomo e skund primar mae alorano kowuok ei od achijno chakre ne yau skunde ne somo ma higani

Kane olero wachni e apise to migosi Otieno ne oleroni kane gitemo dayo dhoo rawerano to ne oleronegi ni rawerano okonegi ni jonyuolne ema ochiwe ne jalno kane gimakore gi way mare mane rik odakgo e boma ma Homabay