Ja apiko moro ne otho e masira mar apaya e apaya maduong mawuok Awendo kochimo Migori


Ja apiko moro ma hike nie 40 ne otho e masira mar apaya mane ojuko apikeno kod lori moro e junction ma Sugarland e boma ma Awendo e Sub County ma Awendo e County ma Migori

Kanegiwuoyo ewii wachno joneno ne jowacho ni ja apikono mane rik oting’o jawuoth ne rik donjo e apaya maduong mawuok e boma ma Awendo kochimo Migori ema lorino ne otuomogie ma onego ja apikono

Moses Obonyo nowacho ni ja apikono mane oyango nyinge ni Isaiah Agola ne otuomo matatu mar Nissan mane oyiengi e geng apaya ma junction ma Sugarland kanyo ni ema kaeto apikono okier ma oluar e ndara ni ema kaeto lori moro mane rik biro ochwe okalo kuom ja apikono ma onego

Magi ne oyangi gi jalup ruoth ma gwengno mikai Beatrice Awuor mane owacho ni ja apikono ne otho mana kanyo gi kanyo

Awuor nowacho ni jawuoth mane ja apikono oting’ono ne otony tho kane oyudo mana hinyruok moko matin

Jalup ruothno nowacho ni ringre ja apiko mane othono ne oter e kar kano ringre joma tho ma kar thieth ma Rapcom Hospital ka obila jodhi nyime gi timo nonro ewii wach thogno