Ithokoo Nakuru Njoro


Andu 4 evo Muteti umwe nimekiwa mbini ni volisi, kumana na ithokoo sya mbai 2, ila syeethiwa iyoo kisioni kya Nessuit Mariashoni vaya Njoro ngaliko sya Molo kauntini ya Nakuru.

Kiu ni kumana na kau muvyu ula umilile, vala uyusya utiiye andu 3 matiwa ni thayu na angi 30 masembwa sivitalini syi kivathukanio mena maumiisye ma kuathangwa na maangi na angi na matumo.

Mukwatanithya wa maundu ma muuo kisioni kyu kya Rift valley George Natembeya, iyoo niwaumya mwiao wa Curfew kwa andu oonthe kisioni kyu mekale nyumba matekumaaluka kwambiisya saa kumi na ili sya kuituka nginya uni uungii saa umwe sya Kioko.

Nake Komishna wa kaunti ya Nakuru Erastus Mbui, niwakuna muungu wia wa kukuwa kwa matumo, ayasya kau usu nivatonyeka ukethiwa uniiwe ngu ni ngusanisyo sya itheka.

Imwe sya isio ila ikunikite muno kumana na ithokoo isu ni vamwe kisio kya Tiritagoi na Nessuit.