Ikundi bia ekuru Ganga, Maara, kuthumbia women rep Nkatha ni kubatejaniria


Indiria ikundi bia ekuru kuuma guntu kungi betite mbere kugunika na mbia cia ekuru kuuma kiri mujumbe wa antu aka Tharaka Nithi Beatrice Nkatha, baingi ba miena ya Maara no baguteta ni kiria bakuuga ni kwaga kugunika na mbia iu kinya nyuma ya kugeria njira cionthe kwiromba.

Bakiaria na Muuga FM na muthuro, ekuru baba ba gikundi gia Kathituni wadi ya Ganga Maara nibakuuga iratu nibithiririte barabarene gwikia fomu cia kuromba mbia na mwanka narua gutikio bagwete.

Iromba riao ni kiri mujumbe uju Nkatha Nyaga kubarikana ja uria agitirite ikundi bingi bia Tharaka na Chuka.