Gikundi gia Tangatanga nwagikuthii na mbere na micemanio ya BBI


Ambunge a Tanga Tanga na aria mai mwena wa munini wa raisi nimatecaniritie mivango yao ya mbere ya kuthondeka micemanio ngurani ya BBI.

Matongoretue ni mutongoria wa aria engi thiini wa mbunge ya senate Kipchumba Murkome na chief whip wa aria engi mbungeri ya vururi Benjami Washiali nimaugite magakorwa micemaniori yonthe ya BBI na atongoria aria engi ,guku makiuga makambiriria na mucemanio a Kitui muthenya wa ruciu.

Makiaria na andiki a movoro ciikarori cia mbunge umuthi,atongoria aya aria mucemaniori wa Naivasha kiumia kithiru maugite magakorwa na micemanio yao mwanya ya BBI ,riu nimauritie kamiti ya BBI kuthii na mbere na mivango ya micemanio ya BBI ,iria ina mworoto wa kureta urumwe vururi.

 

Ambunge aya makiuria raisi Uhuru Kenyatta, munini wa raisi William Ruto na mutongoria wa kiama kia ODM Raila Odinga gukorwa micemaniori yonthe.

.

Mau makithii na mbere raisi Uhuru Kenyatta na munini wake William Ruto maigite kambi mwena wa gitaru gia gatagati kuria maracukuma mwingi kugwata mbaru ripoti ya BBI iria ina mworoto wa kureta urumwe vururi