Gavana Wambora augite gutina murimu wa Corona Embu


Embu Governor martin Wambora niwaregana na ndeto cia kwirikana kwina andu mekiritwe kirore mai na murimu wa Corona virus county ya Embu guku akiuga raiya ana na aria maumite mavururiri ma Netherlands na ngeretha kageci gaka nikwo merigiriritie miciiri kwao. Wambora kageci wakau augie motaratara nguran niyocetue niguo gutigirira nimarua na gutamba kwa mjrimu uyu kwi mwingi wa county ino ya embu,, iria ni vamue ana kutondeka ward cia kurigita ariamarekuira kana aria mangikorwa na murimu uyu, Undumwe na kuvundithia maovitha a ugima w amwri. Wambora augite timavinga motungata na biashara ngurani nwati nikwo makuramata uria iratwarithuanamnere. Kavindari wakau gavana wambora augite mwingi ndugetikagirua kuthii kwona arwrau thivitari tiga akirekererua guku akiuga aria makamatwa mavandithitie indo kana motungata niundu wa ndeto ino ya gututhuka kwa murimu wa CoronaVirus nikwo magacunwa marua ma gutungata kana Licence.

Wambora na uria waritie ai waviciri nene cia county mai vamue na kamiti iria ithondeketue ya kuramata mbara ya kurua na murimu uyu ugwati wa corona virus, niugite mikawa, iravu na miena ingi ya wonjoria ta mathoko timavingwa wona onjoria marumiriria mawatho monthe ma thirikari megii kurigiriria gutamba gwa Corona ta gutigirira aria marekinyia biasharari ino nimethamba njara na thamu ino cia kuraga bacteria. Iravu iria irutaga wira mathaa ma utuku na kundukwingi kwa ikeno kunai uguo nimerekerua kuvinga tigu ciao vai mithenya 30 namo mathiko gwatwika magekagwa ni andu a mucii na andu mekarage mita imwe varaca na mundu uria wingi. Onjoria a Miraa aria mai taoniri ya Embu nao riu gwatwika nimathamithua nginya kivarori kia Embu stadium kuma muthenya wa ruciu nwati Gavana Wamboraniwanirira makarivagia mwendia ciringi 50,aria mai na probox cia miraa marivage ciringi magana 200 nacio lori cia miraa ikarivagua ciringi magana 500,Aria mendagiria miraa thokori ya Kiritiri Mbere nao nimathamithua nginya kivarori kia Umau na endia miraa Siakago mathamithua nginya kivaroro gia Siakago niguo kurigiriria gikundi kinene kia mwingi gucemania vamue na kumaiga ugwatiri wa kugwatwa ni murimu uyu ugwati wa Corona. Wambora niwauria mwingi kurutithania wiira vamue na thirikari na matigane na cavari cia kuma mwena wa Embu kwerekera county cingi.