Gavana wa Mombasa niwaumiw’a mwiao kuvika kotini


Koti munene wa Mombasa niwamukulya gavana wa kaunti ya Mombasa Ali Hassan Joho kuvika mbee wa koti usu itina wake kukwatikanya na mavityo ma kuthi uvathukanu na mwamulo wa koti na kuomboa ukuta wa kitonga kimwe kwa isyitwa Ashok Doshi itina wake kutula muti kitonga kiu kwa kuya kitheka kya sukulu wa secondary wa Changamwe kauntini isu.

Ikoani yithiitwe yiendee kuma mwaka muthelu matuku 6 mwai wa katatu itina wa MCA wa ward ya Changamwe Benard Ogutu e vamwe na gavana wa kaunti ya Mombasa Ali Hassan Joho mavithukiie kitheka kiu vala matwaiisye mukutano na enenthi na itina maomboa ukuta usu undu ula watumie kitonga kiu kithakya ikoani kotini

Willis Oluga ula ni lawyer wa kitonga kii vala ukuweta ta manengie silikali ya kaunti ya Mombasa valua wa koti kusiia maikaomboewe ukuta usu vala ukuweta gavana Joho ta waendie uvathukanu na mwamulo usu na kutongoesya kuombowa kwa ukuta usu.

Ona uu wivo musili munene wa makoani kotini usu wa Mombasa Silas Munyao niwaumya mwamulo wa gavana Joho e vamwe na MCA wa ward ya Changamwe Bernard Ogutu kuvika mbee wa koti usu utwo utanaumwa wa kyovo kya nwai 6 kwa kuthi uvathukanu na mwamulo wa koti