Gavana Njuki kurekua na bodi ya Kshs 6m mbeca baribari


Koti ya Nairobi nirekeetie gavana wa kaunty ya Tharaka Nithi Muthomi Njuki na bodi ya Kshs 6m mbeca baribari nyuma ya kuregana na nthitango cia wamba wa Kshs 34m cia kaunty.

Nkuruki, Njuki ura nwee muthitangwa wa mbere nauriitue kunenkanira passport cionthe cia ngendo kotini na kuurua atigaakinye ubicini mwanka rira igamba riru rikaathikiirua na kugiitwa.

Muthitangwa wa bairi mwanka wa batano kinya bo ibarekeetue na bodi ya Kshs 6m wa rira wa bathanthatu mwanka wa 10 na wa 17 barekeetue na bodi ya Kshs 1m mbeca baribari.

Aruti ngugi bonthe ba kaunty bara barumiiritwe i nthitango inu bumwe na gavana Njuki ibarungikiitwe gukinya ubicini ciago.

Bonthe 11, gutiri wee ubatiiri kwaraniria na ankuyi na njira yonthe ira.