Gavana Mutua kuria thirikari yeberie marii ja ruuji na stima utumirine bwa nja


Gavana wa Machakos Alfred Mutua nandi nakuria thirikari yeberie marii ja stima na ruuji niuntu bwa utumiri bwa nja kuthiria akenya murigo jwa kuuma gwa uchumi kumana na murimo jwa covid-19.

Mutua nakwendekithia ati kambuni ya mainya ja stima Kenya Power yeberie marii ja stima ja utumiri bwa nja aki kwa mieri 6 ijite na kambuni cia mwingi cia ruuji kunthe aja nthigurune kugita uju kiri nduuji cia nja aki gwa kagita o kau.

Gavana uju nkuurki nakuria rwangi rwa kigina rweberie ugoti bwa VAT kiri gas ya kuruga na maguta ja taa gwitikiria nja nyingi kwonokia mbia cia kugura biakuria na into bingi bia utumiri bwa ntuku cionthe.

Kurio kiumia giki, gavana Mutua noritie rais Uhuru Kenyatta athondeke gikundi gia ataalamu ba gicayanci gucwaa dawa ya coronavirus.