Gavana Kiraitu kuria ariti ngugi ba ugima bwa mwiri baria bagomete bacooke ngugine


Gavana kaunti ya Meru Kiraitu Muurngi nakuria ariti ngugi ba utungata bwa ugima bwa mwiri kauntine iu baria bagomete kuria kuingirua mobatu mwanya jontu gwitithirua ndagaca na kwagirithua kwa riera ria uriti ngugi bacooke ngugine.

Kiraitu nakuuga nkucanio mbungene ya senate nicio icerithiritie mugao jwa mbia kiri kaunti, akiongera ati mobatu jao jatiumba kuingua nandi mbere ya nteto iu ya senate gucwirwa ngerekana.

Kunari uu naugite nibaathurite kigina kiri mbajeti ya mwaka juju gutungatira mobatu ja ariti ngugi bau indi kaunti no itiraamukira mbia.

Aritie jau kagita ka ndiunga cibitarine nene ya Meru Level 5, aria nyomba ya ajie baria boombwa, ICU, ikiri itanda 9.

Iguru ria nteto ya withuraniri gutungata ajie ba murimo jwa Covid19, gavana Kiraitu naugitie nteto ati kaunti iu itikinyaniritie mung’ana juria jukwendekana jwa itanda 300.