Ene ngari cia ukui wa muingi gutetia mawatho maritu ma kurigiriria homa ya Corona


Ene ngari cia ukui wa muingi maugite ni magumiirwo ni moritu mangi muoroto-ini wa gukinyaniria mawatho maria maheanitwo ma kurigiriria gutherema kwa homa ya Corona.

Aria maaritie na Inooro Ruciini, maugite kuona ni marabatara kwandikithia ndumiriri cia athii othe, amwe maraheana namba cia maheni cia ibandi ohamwe na thimu.

Indi ona kuri uguo ni meraniire kurumirira mwerekera wa thirikari wa kwaga gukiria namba ya athii, kuria matatu ya athii ikumi na ana yathitwo gukua andu anana.

Ngari nyingi cia ukui muingi iri mihang’o-ini ya gukinyaniria mawatho macio niguo iheo marua niguo icokererie thutha wa mihaka kuhingurwo.