Ebunge engima ye esenate gotegerera engana yo okomorusia obisi Waititu


Ebunge ye esenate yatuguteire are amagani yo omorai bwo omobaro omonene ase ebunge eyio kipchumba murkomen yo okogania ekomiti ya abanto 11 koroisigwa gochi gotuka engana yaetigwa ne ebunge ye ecounty ya kiambu komogania omogavana bwe ecounty eyio Ferdinand waititu korusigwa obisi.

Abange ba abasenator nigo baiyeria engana eyio igoro yo okoroisigwe gwe ekomiti eyio no omonogeri bwe ebunge eyio ken Lusaka eyio yarenge gochia korau no omosenator Cleophas malala amo no omokonyi oye susan kihika kwarigania oroboti rwabo igoro ye obotuki obwo ase amatuko 10 na rika riaye goetia ebunge engima etuke oroboti rwe ebunge ya kiambu igoro ye engana eyio magega ya abasenator 28 kogania ebunge engima na 16 kogania ekomiti koroisigwa.

Abwo bosio okongusanana ogotindi nigo kwaenekigwa gati ya bari baete engana eyio okoboko ba kieleweke amo na bari bakwamereria engana eyio ba tanga tanga ase egeikaro ekio kia beene kiariganigwa rero gokwanera engana eyio.