Ebinyinyi bia corona ebigendererete komentekana


Abanto bande 8 bakure gwetera ebinyinyi bia corona na igo goikia omobaro bwa abanto bakure gwetera ebinyinyi bia corona aiga kenya goika 181.

Gokwanera abariki amangana ime ye ecounty ya kilifi omowaziri bwo obochenu mutahi kagwe nigo aichana buna omobaro bwa abanto bakure nigo ogendererete komentekana mono ase boigo araria ogokwa gwa Dr Doreen Adisa Lugaliki oyio okwera ase enyagitari ya aga khan ase konye akorwarigwa magega yo okwambokerigwa ebinyinyi ebio chingaki arenge ase emeremo yo okwenana obogwenia gochia ase abarwaire bande..

Dr Adisa nere obeire omonyagitari omotangani gokwa gwetera ebinyinyi ebio aiga kenya.

Nakerakio ekeombe kia abanyagitari chidoctor KMPDU boigo kiamoreire omonyagitari omwabo na kogania chinyagitari chionsi chie eserekari amo na chiri chitari chie eserekari kwenekia buna abaobisa bo obochenu imbabwate ebinto bionsi biganeirie gotumeka gwetangera kwambokeriga ebinyinyi bia corona.

Boigo kagwe nigo ateba abanto bande 473 banyorekanire ne ebinyinyi bia corona korwa ase abanto 6,979 barengetwe na igo goikia omobaro bwa abanto bambokerigwe ebinyinyi ebio aiga kenya koba 9448.