Dichuo gi chiege otho ei buk Molases Kamenya, Kajulu Kisumu East sub county


Rumbi mar lit gi achiedh nade okwako gwenge mag Kamenya ei Kajulu, Kisumu East sub county kama dichuo moro gi jaode ne othoe e yoo magala gala miwuoro kane gikier magilwar ei buk molases.

Jogo ne oromogi thogi malichno bang kane jatijgi moro mane oriko odhi tuomo Molases ei bugono kier kendo lwar ei bugono mabende nigi molases maliet kendo joneno wachoni dhako ema ne okuongo oringo kane odhi reso jatijgino kendo kanyo ema enbende ne okierie ma olwar ei buk molasesno

Bende gidhi nyime gileroni wuon pargi miyono mabende ne odhi kanyo ging’wecha dhi reso chiege gi jatijno bende ni kuom hawi marach ne okier ma en bende ne olwar ei bugono maen kaachiel gi jaode negiwito ngimagi. Jopiny mane ochopo kanyo ne otemo resogi to katakamano jatijno ema ne ogol kangima kendo ne oring oter e kar thieth ma Jaramogi Oginga Odinga Teaching and Referral Hospital (JOOTRH) ka ngimane nitie kamarach

Dichuogno gi chiegeno osebedo kokunyo bugo mar molases ei dalagi kanyo magisebedo kagiloko kaka ohala