Covid19 kunyamaria nthi ng’ima


mavururi ma Tanzania, Samalia na Liberia nino ma kageci gatai kuraca kwanirira kugumirwa ni murimu ugwati wa Coronavirus gitaruri kia Afrika. kageci wakau vururi wa America tiyari niuvingita cukuru na kundu kwa ikeno muciiri wa New York, rais wao Donald Trump akianirira mataoni mengi matano maria maundu mamba kurungamua. Gitaru kia East Africa mavururi ma Kenya, Tanzania na Rwanda tayari nimaniririte mai na arwaru mai na murimu uyu wa Covid 19, Tanzania nimekirite kirore murwaru umwe varia minister wa ugitiri tirikariri ino ya rais John Pombe magufuli, Ummy mwalimu akianirira murwaru uyu ni raiya wa Tanzania na arakinyire vururiri uyu kuma Belgium Igoro. Mogadishu vururiri wa Somalia thirikari ya rais Mohammed Farmajo kuvicukirira minister wao wa ugima wa mwiri Fawzia Abikar akianirira gukinya kwa murimu uyu wa Corona na murutwa umwe uria wakinyire jumamosi kuma muciiri wa wuhan china.

Vururi wa Liberia wanao nimaniririte murwaru ambere kugumirwa ni murimu uyu ugwati guku ministry ya ugima wa mwiri umunthi ikira rais George Weah murwrau uyu ni ovitha wa ruvua rw amaria maturigiciritie na aria maracerete vururiri wa Switzerland jumaa ya kiumia kithiri. Guku Africa vururi wa Misri niguo utongoretue na namba nene ya aria mai na murimu uyu ugwati wa Coronaviorus na igikinya umunthi kivwai andu 126 nio magwatitwe ni murimu uyu na tiyari andu airi nimakwite, Vururiri wa SouthAfrica rais Cyril Ramaphosa niwanirira kuvinga ndege iria irauma China, America . Italy na mavururi mengi mariamagwetanitue na murimu uyu.

Nthi ngima vururi wa China niguo wina andu engi muno mai na Virus ino ya Corona varia andu 80,880,mekiritwe kirore kunyitwa ni murimu uyu na engi ngiri 3,213America thirikari ya rais Donald Trump niyanirira kuvinga kundu kwa ikeno muciiri wa Newyork, Massachusetts, Ohio, Washington, Boston na Californiam. gukinyagia riu america andu aria magwatitwe ni murimu uyu ni andu ngiri 3,802 na aria makwite ni andu 69 guku rais trump ai umwe wa aria mathimitwe na kwamatikana matina Covid19. Vururiri wa Germany thirikari niivingite mivaka yayo umunthi kirauko niguo kurigiriria raiya engi kugukuma mwena ucio nginya riria murimu uyu ugwati wa corona ukanyiva, kunai ugio bangi nene ya vururi niyagwatanira na bangi cia America, France , Cananda, Japan na Switzerland kubyivia faita wa mikovo nigio kurua na ndeto ya ciringi kuthira vinya.

Spain andu ngiri 8,744 nio mai na murimu uyu guku engi 297 magikua kumana na Virus ino ugwati ya Covid 19. Kuringana na Fernando Simon Ovitha munene wa ugima w amwiri spain, augite mivango nirakinyanirua kurua na ugutamba makiria kwa murimu uyu ugwati guku makirungamia mivango yonthe ya mithako , Gukinyagia riuy andu 174, 134 nio mai na murimu uyu nthi ngima guku andu ngiri 6684 makianirirwa kuragwa ni covid 19.