Covid 19; Vorithi na maovitha a ugima wa mwiri gucerania na mwanake wa ukuru wa miaka 17 uria utorokete kuma Embu level five hospital


Maovitha a vorithi na a ugima wa mwiri County ya Embu nimambitie piligisheni ya gucarania na mwanake wa ukuru wa miaka 17 uria uratorokire kuma thivitari ya Embu level 5 vuva wa gwoca kwao mucii mwena wa Karurina na kurerikana araumite Nairovi.

Mwikuirwa arerikana gukinya mucii aimurwaru na mwingi wa itura wavura ripoti kwi utongoria uvoro wigie kimwana kiu na maovitha a ugima wa mwiri mekinyia na kumwoca nwati atoroka kuma ward ya thivitari iyo.

Ndeto ino ikiritwe kirore ni avitha wa ugima wa mwiri county ya Embu Rosaline Kaugi uria ugite aratorokire riria maovitha a ugima wa mwiri marai muvangori wa gwoca ithimi ciake niguo mamenye kana araina na dariri cia murimu wa Corona Virus.

Kaugi augite matai ruvonge rwa ugima wa mwiri matikirite kirore kana mwanake ucio aina murimu wa Covid 19 tondu ratorokire kuvitukira dirisa ya thivitari atekiritwe ithimi cia murimu ucio.

Ni undu ukumitwe ni bishopu wa kanitha wa Embu Catholic Bishop diocese Paul Kariuki uria ugite aria maratoroka kuma gutengwa kana thivitari na miena iria ivingitwe kana gwikirwa lockdown nimarikira mwingi wa vururiri ugwatiri wa murimu wa Covid 19.

Undu auritie mwingi kuvura ripoti kwi utongoria wa matura macemania na giko ta kiu.