CoG kuuga mugomo wa maafisa ba ugima bwa mwiri uri kinyume na watho


Kanju ya magavana nirutiite mukana kiri maafisa ba ugima bwa mwiri bara bari mugomoni, ikiuga mugomo uyu uthiite mbere kinyume na watho.

Mukariri giti wa kanju inu Wycliffe Oparanya augiite thirikari cia kaunty ikaathukiria matagaaria maafisa bara batagichoka ngugini kulingana na watho.

Naugiite maafisa babu beekire kirore na ministry ya ugima bwa mwiri na bataari oogo, gitumi kira gitemeete barega guikira kirore ngwataniro inu mwanka indiugu.

Nkuruki, Oparanya augiite kinya weegua ibaguitiganiiria na mamwe ma matheta ma maafisa babu ukeegua buri buumu thirikari cia kaunty kumauyuria gutari kiwango kira gikwendekana kia mbeca.

Nauriitie maafisa babu guchoka ngugini wa rira ngerekana ithiite mbere guchuirwa matheta maago nontu mwingi wa akenya bara bachwaga utungata cibitari cia mwingi nwaka uthiite mbere kurea kinyamara.