Ciana 3 gatagti ka 7 iria ciiriga kuura kuonekana, ingi 3 cikinyitwo migwate Eldoret


 

Mabithaa a ruhonge rwa DCI aria matangikagira ngero cia wuici wa ciana nimarikiitie kuhonokia tuiritu 3 gatagati ga tuiritu 7 turia tuoriire na njira iri kiriga kuma kwao mucii guku mucii wa Nairobi kiumia kimwe githiru.

Kugerera mutambo wa tweeter ruhonge rwa  DCI rugiite mihango ya kuhonokia tuiritu tuu tungi noirathii na mbere.

Twana tuu twamenyekanire ni turiite thutha wa mundu wa family ya kairitu kamwe guikira mbica ya video mitambo-ini ya ukinyaniria wa kiiriu,,akiuga mwari wa tatawe mari na tuiritu tungi 6 mahenereirio ni mundurume muthungu matha-ini ma utuku na matiacokire kuonekana ringi.

Namba ya thimu ya kuuma bururi wa America iria yahuthikire kwaraniria ta tuiritu tuu yacokire ikihorio thutha wa wa ciana icio kwaga, na gutiri kuramenyekana kana mundurume ucio niaikiitio ngono.

Ihinda-ini riu maabithaa a borithi mwena wa Eldoret county-ini ya Uasin Gishu nimarathuthuria ngero ya kunyitwo migwate gwa ciana 3 cia family imwe, iria cioriire muuthi wa mwambiririo kiumia-ini giki.

Kurerikana ciana icio iria ni 2 cia nyina umwe na ungi wa nyumba yao, ciaumiite gichagi-ini kia Langas cigithii town-ini ya Eldoret kugura iratu cia guikira hindi ya igongona ria gukunguira guciarwo kwa mami wao uria uri na ukuru wa miaka 50, no indi ikinyitwo migwate ni andu 8 aria mehananagia na maabitha a borithi.

Munene wa borithi county-ini iyo Ayub Ali augiite nimagacirithiitie mihango ya guthuthuria kiria giathir na mbere hamwe na gwethana na ciana icio.