Ciana 10 gukua thutha wa kuhobanirio ni mwaki thukuru-ini bururi-ini wa Tanzania.


Mbutu ya borithi bururi-ini wa Tanzania ni yaambiririe utuiria kurumirira ikuu cia arutwo ikumi aria marahobaniirio ni mwaki thukuru-ini umwe gicigo-ini gia Kagera rugongo rwa bururi ucio.

Uhoro makiria urauga ciana ingi mugwanja iratangikirwo thibitari-ini iri na nguraro cia mahia.

Nyumba ya toro iria irahobaniirio ni mwaki ucio iraikaragwo ni imwana cia gatagati ka miaka itandatu na miaka ikumi.

Munene wa borithi Simon Sirro augite mwene thukuru ucio ni arikitie guikio ngono oriri utuiria wa kihumo kia mwaki ucio urathii na mbere.

Ikuu cia arutwo acio ikumi ciukite mieri iiri tu thutha wa angi atatu gukua mutino-ini ungi uria wagumiire nyumba ya toro thukuru-ini umwe wa Secondary mucii-ini munene wa Dar es Salaam.