Chieng tich abich tarik 31 dweni oyangi kaka odiechieng yueyo mar hingo odiechieng nyasi mar Idd-Ul-Adha


Chieng tich 5 mar jumani maen tarik 31 mar dweni koro oyangi ni dhi bedo odiechieng yueyo ne pachoka mabende idendo gi dho bwana ni Public Holiday mar hingo odiechieng nyasi mar oganda jo islam mar Idd-Ul -Adha

Magi ne oyangi gi jatend migao mochungne arita kwee mapachoka laktar Fred Matiang’i

Kanomedowuoyo ewii wachno laktar Matiang’i nowacho ni nyasi duto mag hingo odiechieng Idd -Ul -Adhano ibiro mana timo koluwore gi chike mane oketi gi migao mochungne yoore thieth mag kedo kod midusi mar Coronavirus

Jatelono nowacho ni ik gibi duaro kata matin mondo dhano jodhungre kamoro achiel e yoo moro amora kowacho ni jii nyaka bi luu mana chike mane oketne dinde duto mapachoka mane mag gayo landruok mar tuono