Chief officer wa ministry ya ugima wa mwiri Grace Mureithi kumurikwa


Maavitha a ugima wa mwiri county ya Embu nimarateta ni kiria marauga gutie na ugitiri wa kwigana uravewa maavitha a utungata wa urigiti thivitariri itiganite.

Makiaria na metha ya movoro nimaugite chief officer wa ugima wa mwiri akoretwe akiamurithia aria marekuirwa gukorwa na ndariri cia covid 19 kuvewa dawa cia kuthiria ruo na kuthimwa temperature ciao na wauguo gwitikirua kwinuka.

Kuringana na mwenegiti wa mungano wa arigitani vururi KNUN na uria ni mwandiki wa mungano uyu mwena wa Embu Joseph Ngwaci,nio mai ugwatiri makiria nundu nio maracemania na arwaru aya imwe kwa imwe na kuuga nginya mativotete kuthomithua uria mavatie kurumbuiya arwaru aya.

Ngwaci augite indo cia kwigita ciigitwe oviciri cia chief officer na riria magia mundu wina ndariri guciitia irakorwa kivarua kinene magikagia indo cia kwigita na uguo kwiiga ugwatiri munene .

Aloise Njoka uria ni mwandiki munene wa mungano wa Clinical officers akiuga maramukira watho kuuma kwi chief officer Grace Murithii uria mavatie kurumbuiya arwaru.

Riu makiuria thirikari ya county ndigetikire kiio kiria marekira kuvurana na covid 19 ,kivaraganue ni mundu umwe na gwikira miturire ya mwingi wa Embu ugwatiri.

Kunai uguo chief officer Grace Mureithi nukanite maundu mama na kuuga indo cia arigitani kwigita niirikitie kuvirwa thivitariri ya Embu Level 5 na itie oviciri yake.