Category Archives: wimwaro fm

Jaji Sankale kuvungwa mavuri ni Dci


Jaji wa igoti ria gucokia cira riko Sankale Ole Kantai, kavindari gaka aravungwa mavuri ni maovitha a uthingati ovisiri cia Dci guku Nairobi. Kantai aikirue ngono muthiari wa kiumia nwati akirekua na bond ya polithi na aravungwa mavuri akirikana niwaranirie na mutumia wa Tob Cohen Sarah Cohen, uria ni mwikuirwa munene wa mburagoi ya muthuri wake. Kantai arerikana kwaraniria na Sarah Cohen wana mbere ya mwiri wa Cohen utonekanite na nginya akimuva mataro ma uria agetetera mbere ya igoti.




Munene wa Dci George Kinoti gwikinyia mucii kwa Kenei


Murugamiriri munene wa ruvonge rwa DCI George Kinoti niwikinyirie mucii kwa ovitha uria urarutaga wira ovisiri ya munini wa Rais William Ruto kuthuthuria vuva wa ovitha ucio kwonekana akuiririte nyomba iturari ria Imara Daima akuite na njira ina kiriga kiumia kithiru. Kinoti avungire mavuri andu aria maravakanite na ovitha ucio vamwe na arangiri a muthenya a plot iria arekaraga. Kavindari wakau family na arata ya mutigairi matinda mavandite magema nja ya mortury ya Chiromo guku Nairobi kuria mwiri wake wigitwe niundu wa mivango ya postmoterm . Kevin Kenei uria ni muru wa nyina na mutigairi Kipyegon Kenei, niuritie thirikari ithondeke uthuthuria nevenya.




Aruti wira a thirikari kwigwatira nyomba cia rahithi mweri wa mugwanja


Thirikari yugite gwa kavinda ka mieri itano yukite nyomba makiria wa 200 iria ciakitwe rungu rwa muvango wa nyomba cia raithi niikorwa irikite gutumwa. Kuringana na county commisioner wa Embu Abdulahi Galgalo kwambia tariki 1 mweri wa mugwanja mwaka uyu wa 2020, aruti wira a thirikari aria mataina nyomba nimakagia na mwanya wa kugura nyomba kuma kwi thirikari. Muvango uyu uria utumirite ciringi milion 892 wambiririe miaka 3 mithiru . Nyomba imwe ya room igiri kana two bedroom irendua na ciringi milion 3.5 guku nyomba ya bedroom 3 ikiendua na ciringi milion 4.8. Galgalo aritie miario ino vuva wa gucera itura ria
Spring Valley kuria nyomba ino iratumea. Nyomba ino ciavatii kurika gutumwa mwaka muthiru nwati niundu wa mathina ngurani kavinda kau gakiongererwa. Muvango uyu wa gutuma nyomba ni agenda imwe ya Rais Uhuru Kenyatta ya gutigirira kwina nyomba cia kwigana guku vururiri.




Ragita mugwanja cia county ya Embu kuvingirwa ni mwonjoria umwe ni thiiri


Ndeto yakumakania niyathithurua na iria irauga ragita mugwanja vai ikumi iria ni cia county ya Embu niciocetue ni garage imwe ya mundu kiumbe niundu wa county kuremwa kuriva mathiiri, Bunge ya county ya Embu niiritwe varavara iria ithukite county ino itiravota kuthondekwa niundu ragita cia kurua wiira uyu irigiriritue cukururi wa Don Bosco Technical Training College, kuria ithondekagirwa. Mca wa Makima Phillip Nzangi niwititie ndumitiri kuma kwi ruvua rwa ounty ino rwa kuramata mavaravara ndeto igii ragihta ino niundu wa kuthukanga kwa varavara nwati amenyithua ithatu ntheri nicio ciivo, speaker wa bunge ya embu Josiah thiriku niwerekeria utwiria wa mathiri mama matumite ragita ivingirwe gutwirua. repoti ino yathomwa bunge ni Mca wa Nthawa Nathan Mwari.




Raila kuga nimakuthiria thina wa arimu mwena wa North Eastern


Thina uria ugumirite ruvua rwa Arimu kuma mena wa N.Eastern kumana na ndeto ya arimu aria mataumite gicigo kiu gutoroka mwena ucio na engi kuthamithua niwamurikwa muno mucemaniori wa kwendekithia kugarura gatiba BBI na uria weika mwena wa Garissa na wamutongoria waukira kwaririria BBI akiaririria thina uyu na uria umanite na wagi wa uitiri county ino cia N.estern, ndeto ya gutura arimu yumanite na ikinyo ria komishoni ya kwandika arimu TSC kuthengutia arimu aria matai ekari a gicigo giki niundu wa kuthithukirwa ni magaindi. Raila augite mathina maria magumirite ruvuarwa kithomo mwena wa N.eastern nimakuramatwa.

Mutongoria uyu wa kiama kia ODM niwendekithitie ekari kuramata mogaruruku maria marendekithua ndari ya BBI ndeto igwatitwe mbaru ni senata wa siaya James Orengo uria ugite aina mwivoko ithurano cia kura ya mawoni igekika kageci gatai kuraca. Mutongoria wa aria engi Adan Duale na uria wi mwena wa munini wa rais william Ruto, ndanekinyia mucemaniori uyu wa igori na umunthi wanavuva ya gukorwa maundu mama matwarithuanambere gicigobunge giake kia Garissa town, Mucemanio uyu wa BBi niwekinywa ni magavana meganona, na abunge.




Munini wa rais kuga niukugwithia bbi reggae.


Agakorwa reggae kana BBI iria turamenyithua ndikirugamikia ni ya kureta mugaukano kwi mwingi wa vuriri ..gwatukumigwithia, ni miario ya munini wa rais Wiliam Ruto uria waritie ai kanithari wa Full Gospel Gatunduri gicigombunge kia manyatta county ya Embu varia maraumagaranitie na atongoria a kuma gicigo giki vamue na engi. Gavana wa Embu Martin Wambora ndanoneka icerari ria munini wa rais Ruto mwena wa Embu guku ambunge a icigobunge cionthe cia county ya Embu magikinyia na kugwatanira na Ruto icerari riake miena ngurani ya gicigobunge kia Manyatta. Akiaria icerari riake, Munini wa rais William Ruto niwavecana mukana wa kurungamia kiria kiramenyekana muno ta Reggae ndetori igii kura ya mawoni BBI. Ruto augite agakorwa micemanio ino ino ya bbi yathinambere kuvunjia rumena na ukabika nwaginya amirungamie.

Akiaria kanithari wa Full Gospel Gatunduri gicigombunge kia manyatta county ya Embu , munini wa rais Ruto augite akenya mai na kivoto kia gutura na gukorwa na utonga kundu wakuonthe guku vururiri guku akiuga mucemanio wa BBI urie urekikire mwena wa Narok Igoro urai wa gutambia rumena na guoya kwi andu amwe.

Ruto marai vamue na mumbunge wa manyatta  Hon Muchiri Рmurungamiriri wa atumia Jane Wanjuki Mp wa Mbeere North Muriuki Jagagua wa Mbeere South Geofrey Kingangi, Eric Muchangi Karemba wa Runyenjes, Hon Rigathi Gachagua wa Mathira, Ndindi Nyoro wa Kiharu vamue na Moses Kuria Рwa Gatundu South. Kuria augite mai ta atongori a kiama kia Jubilee nimagekinyia micemaniori ya Bbi County ya Meru guku akiuga tiyari BBI niivariritue na kamiti iria itongoretue ni Senator yusuf haji nikwo iravenereria akenya. ndeto ino niigwatititwe mbaru ni mp Ndindi Nyoro wa Kiharu. Mp wa Manyatta John Muchiri augite matikagwata mbaru kura ya amwoni bbi akorwa ndikaramata maundu maria maravutia mwingi wa matura guku akiuga kwina njama ya ateti amwe kugarura gatiba na kithuri.




Rais Uhuru kuga wamukenya ai na wagiririku wa kurua na ungumania.


ais Uhuru Kenyatta augite akenya mai na wagiririku wa gutwara mateta mao na gutigirira macindano ma uteti matigacungirira mbara guku vururiri ringi na wangani wa indo cia mwingi
rais Uhuru augite wendekithia wa kugarura gatiba kuvitukirira BBI, ni undu ukuva akenya mweke wa gucindana na maundu maria magwika vanduri va kuria maumite undu uria kurerikana nikio kiumo kia mathina maria magumirite vururi, Rais Uhuru augite wamukenya ai na wagiriru wa kurua na ungumania na thina monthe maravutia uthiiwanambere wa vururi




Ruto kuga ODM maratumira BBI kugaukania akenya


Munini wa rais Dr William Ruto kageci wakau niwava mukana atongoria a kiama kia ODM matige kwambia kugaukania mwingi na micingi ya kuria maumite ndetori iria mainayo ya BBI. Akiaria na etikia kanithari wa Tunyai parish mamburari ma Harambee umunthi, munini wa rais Ruto niworota aria maratumira BBI kworota atongoria aria engi na kugaukania akenya na micingi ya unduriri guku akiuga wamukenya ai na wiathi wa kuruira utongoria wa vururi gutakumakania ruriri ruria aumite




Ekari a gatituri guteta ni thina ya manji


Ekari a itura ria Gititu ,Giciche gicigo ubunge kia Runyenje county ya Embu riu nimauritie ovici ya murandi wa manji wa kyeni Water And Sewerage company (KYEWASCO) kurumbuyania na thina wao wa manji maria matakoretwe makimakinyira kuma mweri wa Oktober mwaka muthiru.

Mateta mama mao maukite guku makigweta thavari ndaca iria makoretwe makithie gucarania na manji ,maria kunai uguo maugite maramekira ugwatiri wa kunyitwa ni mirimu .

Wauguo nimarendikithia kwongererwa kwa mithenya yao iria makundagua manji mama wona macokua waundu umwe na kurutirwa mita cia manji mao iria marauga ivurutagwa ni rukungi wana gutai na manji guku makivirirwa kuriva mbeca cia mana .




Marivi ma thivitari ma Dj Evolve makinyite millioni 7


Riu bill ya thivitari ya Felix Orinda na uria wi ngumo na ritwa DJ Evolve ikinyitie mwigana wa millioni mugwanja ,wariri mucii wake urauga ugima wake wa mwiri wi vatikari.

Mumbunge wa Embakasi East Babu Owino niwarivite mwigana wa ngiri magana matandatu vindi iria dj uyu akomire thivitari vuva yake kumurathi kiravuri gicikene ta B-Club mwena wa Kilimani guku muciiri wa Nairobi.

Mucii wake riu ugikirwa vatikari ni marivi mama wariri mumbunge uyu akinyitie ciira igotiri akiendekithia bodi yake kumurikwa uceru.

Igoti riamurithirie Babu kuriva bodi ya millioni ikumi na arive na itina inya niguo kurugamirira marivi ma dj uyu.

Ripoti makiiria ikiuga dj ndavotaga kwaria na avecagwa irio na tubes.