Category Archives: wimwaro fm

Covid 19; andu a wendi mwega gutethereria county ya Embu gukinyaniria wendekithia wa itanda 300


Niguo gukinyanithiria mawedekithia magukurwa nia itanda makiria ya magana mathatu watauria thirikari cia kuanti ciathetwe nimutongoria wa vururi uhuru Kenya gugikinyia mwicio wa mweri uyu thirikari ya embu nwaithite nambere kwirutaniria niguo wedekithia uyu uvinge.

Gavana wa embu embu nike martin wambora nithithorotie thirikari ya Kuanti niyamukirite million managana manana cia gutethia gukinyianiria wedekithua uyu nwati wanario ruvoge rwa ugima wa mwiri nwa tumiria itanda iria cievo niguo gutugiria arwaru na rigitirwe thibitariri cia embu.

Wauguo addu awedi mwega nimakoretewe makiyumiria na gitethia thirikari ya embu niguo ivote kuvingia wedekithia uyu guku itanda cia kiriu iria iredekena cia ma million mambia ikivecenanwa.

Bengi ya family nivecenati itanda 14 cia ICU na 51 cia isolotaion udu uria CEO wa Bengi ino Rebbeca Mbithi agute kwirutera kwa bengi kumanatie na thirikari cia kaunti kunyivirirwa na kigina gia kwingana gia kuvingia mautugata ma rovonge rwa ugima wa mwiri makiria ivinda riri vururi ugumiritwe ni murimo wa COVID 19.

Guku nayo Bengi ya Coop ikivicena iitdanda 10 isolation niaguo kuvira njeki mbara ya kurua na murimo uyu guku kauntiri agikorwa namba cia irwaru na cigive mithenya tukite.

Wanaario Minista wa Uguma wa mwiiri Mutahi Kagwe nake ikivecena macini cia gutethia arwaru aria marakandwa kuvivia vamwe na itadnda igiri cia ICU.

Nwana wanamevaria mama makithicaga nambere niritana ria wamukenya kuthie nambere kwigitira kumanagia na murimo wa corona.




Ovisi cia huduma centre vuva wa kuvingwa gwa kavinda vuva wa gututhuka kwa Covid 19


Mautugata nimacokerete thiinie wa Huduma centers ciaothe mirongo itano na igiri guku vururire vuva wa kuvingwa kumanagia nagututhoka kwa murimo wa covid 19 .

Akiria vingo iria arecerete huduma center ya embu Chief Executive officer James Buyekana niagute mautugata maria marevecanagwa nia ruvoge ruru nimacekerete vuva wa kuvingia mawedekithia mara marutwe ni ministry ya ugima wa mwiri magutethia kugitira gutamba kwa murimo uyu.

Buyekana niagute huduma center ciavigire vuva wa gukurwa kwina namba nene yamwigi irekinyia kuguo gucaria mautuganata ivida rimwe na koguo gwikiria ugwatari aruti wira vamwe na mwigi kugwatwa nimurimo wa covid 19.

Niagute mautugata mairia cikoretwe ni woci wa ivande vamwe na birth certivicate na maria mengi vuva wa kuregeruwa kwa mawedethia mandu kuma kaunti iria cia vigetwe.

mwenari wake Peter Itumu uria urugamiririte huduma center ya embu niagute nwa mautugata mairie maria maredekithia mundu kuruta mask riria aramamukiria kumangia nwaginya avurwe mbica.

wauguo niagute mautuga mothe maria mavecanagwa centeri ino nimaceketue nakuria mwingi kuthie wanambere gwikinyia niguo kumamukira.




Thirikari kurua gwikira mitaratara ya kuriukia utonga wa vururi


Thirikari nitugiritue niundu wa mitaratara iria yambiriritie kuiga niguo kuriukia utonga wa vururi uria uravaraganite kumana na king’uki gia covid-19.

Kuringana na mutaaramu wa maundu ma utonga wa vururi, Bosco Kiura, thirikari ivatie gutigirira akenya onthe mari na uvoti wa gukinyira mbeca na muvango uria yambiriritie wa kuvotithia mbeu mbithi kuvitukira Kazi mtaa ni imwe ya mitaratara iria igutuma akenya kugia mbeca.

Nwati wana kuri noguo, augite thirikari nivatie kunyivia marivi ma goti vari indo kuma gicunji kia 14% niguo andu onthe magie na uvoti wa kugura indo.

Kumana na ngucanio iria ikoretwe kuo thiini wa bunge ya Senate ya ugai wa kigina kia thirikari cia counties, augite ngucanio iyo ingithira nevenya, thirikari cia counties cikariva aruti wira na ene kandarathi aria nao gwa gicunji kinene matethagia ukuriari wa utonga wa vururi.




Arimi a manjani kurira kurwa ni marivi ma bonus mwaka uyu


Arimi a manjani nimerethie kiagago kiao gakumanagia mavota gutura mbia ciao cia bonus kana inyive mwaka uyu.

Matogoretue ni mwene giti wa Tea Producers Association of Kenya TEPAK Harrison Kathuri nimauritie minista wa ngirigaca Peter Munya kwiyumiria na gutariria arimi kiria kirathie nambere wariria arimia marakethire manjani mengi iitinari riri.

Nimaugute arimi matikaverithwe kumanagia na murugamo wa minsita wa kugeria kwagiria sector ino ya manjani na KTDA invo gutigirira arimi nimaregwatiria thithino yao kumanagia na urimi wao.

Kathuri niagute kiria kigiviirura arimi gutura ka mbia ciao kunyiva nawaaginya matariru nakinyi nigukorwa manjani makoretwe makigirwa factorire ciao wamuthenya nakigwatio kia corona gitivoo gutumirwa.

Wauguo nimagute maita arimi nwamathite nambere kunyita mbaru minista wa giricaga mbarari ya kurua na aria makoretwe magitongia na mbia cia arimi vamwe na mawedekithia makwagaria urimi wa manjani guku vururire




Andu 418 kuthimwa na kwonekana na covid 19


Namba ya aria maina murimu wa Covid 19 nwaithiite na mbere kwongerereka vuva wa kwongerereka na gukinya andu 13,771.
Ministry ya ugima wa mwiri nithiite na mbere gukanyiriria akenya kurumirira mawatho maria maniriritwe ni ministry ya ugima wa mwiri tondu murimu uyu niuratamba nevenya muno na makiria county ya Nairobi




aria maina wathe county ya Embu kuga matirakinyirwa ni mbeca ciao


Wana thengi ya thirikari kuvecana mbeca cia kuguna andu aria makoragwa na wathe, mbeca ino itikoretwe ikimatethia. Riu andu aya marendekithia thirikari gucinjia mutaratara uria utumagirwa kumakinyiria mbeca ino na kwendekithia makagirwe thiini wa account ciao niguo kuthiria mwanya wa turia nime kwiguna na mbeca ciao.




Thirikari cia county gutura mbeca vuva wa senate kurega kwigusanira njira mbega ya kugaa utonga wa vururi


County niigumiritwe ni wagi wa mbeca vuva wa bunge ya senate kurega kuvitukia ndereti iria ina njira njeru ya kugaa mbeca cia county. Kunai uguo spika wa Senate Ken Lusaka aina mwiviko maseneta ruciu nimakegusana na kuvitukia niguo county ciamukire mbeca. Gukinyagia riu mangavana nimarateta maina thina wa mbeca cia mwaka wa 2020/2021 vuva wa matumiri ma mbeca cia mwaka wa kigina wa 2019/2020 gukinya muthia tariki 30 mweri muthiru




Mwingi kurua utigatumira mask imwe andu engi


Ruvonge rwa kithomo kia ugima wa mwiiri wa mwingi rugite namba nene ya mwingi riu niithite nambere guteceniria na gukorwa itakurumiriria mawedeekithia maria marutetwe ni ruvonge rwa ugima wa mwiri ma kugitira gutamba kwa murimo wa corona.

James Njagi uria nike urugamiririte ruvonge ruru gkauntiri ya embu augite kavindari wakau aria engi mathite nambere kuvoana turembeko na gutumira undu augite uratethereria gutamba kwa murimo uyu.

Njagi augute riu niguo gutoria murimo uyu nwanginya mwingi ucengie mitugo yao nakwambiria kwathikiria mikana iria yambikitwe ya kurua na murimo wa COVID 19.

Wauguo niuritie mwingi gukorwa muvariri wa mbere thiini wa mbara ya kurua na murimo wa Corona na tigutigira ruvonge rwa ugima wa mwiri rwi rutheri .

Antony Ndwiga na ndeto makiria




Makanitha matikarugurwe matarumiriritie mitaratara ya kurua na Covid 19 atongoria a makanitha kuga kuma Embu


Mwenegiti wa ngwataniro ya Mabishop na mapastor kuantiri ya Embu nike Silvanis Nyaga niuritie aria makanithaa mao matakinyaniritie mawendeekithia maria marutitwe ma gutethereria kugitira kutherema kwa murimu wa Covid 19 matikambe kuivingura.

Nyaga uria nwaake Bishop wa kanitha wa Full Gospel Churches of kenya augite ati kwina makanitha mataina ndirica cia kwigina niguo gwitikitiria riera gutonya undu riu auritie mambe matigirire nimavingia undu uyu mbere ya kuvingura kanitha ciao.

Waugo nauritie aria mataina gwa kithambira njara vamwe na macini cia kuthima urugari wanao meterere nginya makinyanitherie mawedekithia mama.

Mwenari wake Rev John Ireri wa Kanitha wa ACK manyatta niagute kithimo kiria mavetwe gia kwandika maritwa maria marathimwa urugari makanithari nimakuvotithia kurumirira aria mangikorwa na murimo wa COVID 19.

Riu Nyaga na Ireri magikanyiriria akristiano mathii nambere kwathikiria mikana iria irutetwe ya kugitira gutamba kwa murimo wa corona.




muthaki wi ngumo wa mithako ya ngerekano Charles Bukeko uria wicikene wega ta Papa Shirandula niukuite


Mutongoria wa vururib Uhuru Kenyatta niutumite ndumiriri ya macakaya kwi arata na andu a family ya muthaki wi ngumo wa mithako ya ngerekano Charles Bukeko uria wicikene wega ta Papa Shirandula uria ukuire umunthi kiroko. Thiini wa Ndumiriri yake, president ni ukumitie Shirandula ta muthaki uraina kiveo kia mwanya , akiuga niurerutirite gukuria ruvonge rwa cedema guku vururiri. Wana munini wa Rais William Ruto niutumite ndumiriri yake ya macakaya akiuga gikuu gia Shirandula ni kivuro kinene kwi ruvonge rwa mithako ya ngerekano guku vururiri. Andu a family ya Shirandula maugiite akuire kavinda kanini tu vuva wa gukinyua thivitari ya Karen guku muciiri wa Nairobi aina ukuru wa miaka 58,,na atiga mutumia Beatrice Andega, na ciana ithatu iria ni Tony, Charlie na Wendy