Category Archives: wimwaro fm

OUTCRY OVER OVER-SPEEDING MIRAA VEHICLES CAUSING ACCIDENTS ALONG MWEA-EMBU HIGHWAY


OUTCRY OVER OVER SPEEDING MIRAA VEHICLES

Ekari aa Kirinyaga nimatariritie kiagago kiao niundu wa kwongerereka kwa mitino ya varavara iracungirirwa ni ngari cia miraa varavara-ri ya Mwea kuthii Embu.
Umunthi, mundu umwe avonere vanini vuva wa ngari yake kuringwa na vuva ni ngari ya miraa iria irerika gukorwa irathiite na ivenya rinene, na ndereva wayo atoroka.
Agikira kirore ndeto ino, OCPD wa Gichugu Anthony Mbogo augite vorithi nimambiriritie utuiria wa mutino uyu nanimaracarania na ndereva ucio wa ngari ya miraa.




CoG THREATENS TO SHUT DOWN AS CASH CRUNCH PERSISTS


COUNTIES CASH CRUNCH  3RD SEPTEMBER

Thirikari cia kaunti niigumiritwe ni unyivu wa mbia, kuumana na ndugamano ya senate igii ugai wa kigina kuri thirikari cia kaunti, undu uracungirira thirikari cia kaunti kuremererwa kuvecana mautungata matiganite na njira iria yagirire. Mwikariri giti wa kanju ya mangavana Wycliffe Oparanya niurutite mukana na kuuga kaunti cionthe 47 igakorwa ikirugamia mautungata macio, kunginyia tariki 17 mweri uyu senate itatuithanitie ndeto ya ugai wa kigina. Wauguo, kanju ino yugite yaaca kwandikithia ndereti ya gutecaniria mbunge ya senate, makiuga niiremetwe ni wira.
Kunari uguo, muviuria wa mucarica wa aria engi thiini wa mbunge senate Irungu Kangáta niureganite na magweta ma gukorwa senate itururitie thirikari cia kaunti kwamukira mbia cia gutwarithia mautungata macio, guku akiuga watho niwitikiritie ikorwe ikiamukira gicunji kia 50% gia kigina giki.




FOUR SUCCUMB, 212 TEST POSITIVE FOR COVID-19


COVID UPDATE

Ministry ya ugima wa mwiri yugite gutamba kwa murimu wa coronavirus guku vururi-ri nikuthiite nthi, nwati akenya mavatii kuthii na mbere kurumirira mitaratara iria ikiritwe ni thirikari niguo gutigirira vururi niwakinyia gikiro kiria kiravatarika gutuika murimu niunyivite. Kuringana na ruvonge rwa ugima wa mwiri thiini wa nthi, WHO, vururi ungiandikithia gicunji gitakirite 5% gwa kavinda ka ciumia igiri, nirio ungirwa murimu uyu niunyivite.
Umunthi, Kenya yandikithia gicunji kia 5.4% vuva wa andu engi 212 kwonekana na murimu uyu kavinda-ri ka mathaa 24 kuumana na ithimi 3,937 na riu gukinyia ciiko cia coronavirus guku vururi-ri 34, 705.




COVID SUPPLIES PROBE: MANJARI ON THE SPOT


COVID SUPPLIES PROBE

Maavitha aa ruvonge rwa ndawa vururi-ri KEMSA riu maroneka makierekeria kiara murugamiriri munene Jonah Manjari, uria uragamitue wira kavinda-ri gaka, niundu wa magweta ma kwagarara watho thiini wa uguri na uvecani wa kandarathi cia indo cia kuvurana na coronavirus guku vururi-ri.
Mwikaririgiti wa board ya KEMSA Kembi Gitura, avitha murugamiriri wa uguri wa indo Charles Juma na Eliud Muriithi wa wendia nimethengutanitie na ndeto ino, na kuuga Manjari nike uvatii gucokia ciuria ciigii undu uyu…




Women rep wa Embu kwendekithia county ivingue kumana na gutamba kwa Covid 19


Mumbuge wa kaunti ya embu Jane Wanjuki Thitima niwedekithite kuvingwa kwa kuanti niguo kigiriria murimo wa covid 19 gutumba na gikiro kia neguru watauria uthiete nambere kwambatirira.

wanjuki niagute wana gukivigagwa vaina vata ya wakuanti kwambiria kuthima andu ayo niguo kuvota gutethereria kurua na murimo uyu ndari wa kuanti nauguo kunyivia gutamba kwa guo na namba ya arwaru aria mai kuantiri iyo kurigitwa matagutambia kwi aria engi.

Akiaria vingo ya kwamukira irio kuma kwi bengi ya Diamond Trust cia gutethia micii ihana rimwe ria mirongo itano wanjuki wanario niugite kuati iria ithandikithitie giko nai kimwe kia murimu COVID 19 ithii nambere gwikara uguo .

kavidari wakua niauritie mwingi gitikira aria mathite nambere kwirikana maina murimo uyu niguo kithithiria muthutokaniao uria uthutenambere kugumiria aria maranyitwa nimurimo uyu mavora.

mwenari wake manager wa bengi ya Diamond Trust Paul Kinyua nigaute irio iria mavecanite nicia gutethia makiria aria mathite nambere kugumirwa ni mathina maria maumanite na gututhoka wa COVID 19.

Kinyua Niagute niguo kuthiria munyamariko wa avori mbiacara aria mathite nambere kuremerwa nikuriva loan ciao nwanathiute nambere gutankigirwa na njira ya kwongererwa muthenya ya kuriva loan rwao.




Ekuirwa a uragani gwikua ngono Kirinyaga


Ekuirwa athatu aria marekuirwa kuraga murangiri umwe thiini wa mwako umwe wa murandi wa thirikari mwena wa ndomba,location ya kutus sub county ya mwea-east county ya Kirinyaga nimaikitwe ngono.

Agikira kirore ndeto iyo OCPD wa Mwea east Emmanuel opuru augite ekuirwa acio mai aruti wira thiini wa mwako ucio wa kuthondeka sewage ya mwigana wa siringi billioni 1.6

Thiini wa giiko kingi thokori ya Gathoge varavarari ya Mwea kuthii Embu andu arume airi nimethiritwe mamamite ngariri imwe muthemba wa prado.

Airi acio nimatwaritwe thivitari na ngari yao gutwarwa stationiri ya vorithi.




Gucerania na aria magwatite Covid 19 kuthii nambere mwena wa Embu kulingana na ruvonge rwa ugima wa mwiri


Director wa ugima wa mwiri wa mwingi kuatiri ya Embu Rosaline kaugi augute namba ya aria maracaranua nao niundu wagukorwa macemanitie na aria maina murimu wa Covid 19 county iyo niwambiriritie kwambatarira.

Kaugi augite kumanagia na nadu ana aria magwatitwe ni murimu ucio county ya Embu riu ruvonge rwa ugima wa mwiri ugite niuracarania na makiria ma aundu magana mairi aria macemanirie na arwaru acio.

Wauguo niauritie mwingi gukurwa matagwikara vandu vamwe invida riraca makiria macakayari niguo kunyivya gutamba kwa murimo uyu kumanagia na aria makogorwa maina guo.

Kavidari wa kua kaugi niauritie mwigi gucera wikiri wa mask ma urito niguo kwigitera mundu kiumbe vamwe na ariaeangi riri maumira mwigiri.

Guku Mbuge wa Manyatta John Muchiri akiuria mwigi gutiga gweterera porothi kana wathani wa matura kumaririakania kwigitira niguo ni itemi ria wamundu kwi mwenyerara.

Muchiri niagute mikana iria yabikitwe nithirikari ya kugitira gutamba kwa murimo wa COVID 19 niagutethe mwigi guo mwene nwati aria mathiete nambere gukurwa matukumitha thikira nakorwa makivira ugwatiri vamwe na aria maia vakuve nao.




Muruiri ivoto cia arimi a kuawa Kauntiri ya embu John Njiru Kathangu niwedekithite ruvonge rwa ngirigaca rucokue rungu rwa thirikari nene


Muruiri ivoto cia arimi a kuawa guku Kauntiri ya embu John Njiru Kathangu niwedekithite ruvonge rwa girigaca rucokue rungu rwa thirikari nene angirwa arimi nimakwenda gutetheka kumanagia na urimo wao.

Kathangu niagute thirikari cia kuanti niremetwe kugwatirira ruvonge ruru nakuga wedekithia wa arimi vingo ya wocania wa maoni mao nimedekithetie rucokuwe kwithirikari nene niguo rutugatwe kuma thirkariri ino.

nwati wanario kathangu nigute arimi a kauwa mathite nambere gukorwa matagukinyira matunda ma urimi wao wanathengie ya gutumwa gwa kithie gia kuawa guku kuantiri ya embu kiria kivoketwe kwambataria urii uyu.

wauguo niagute nikeva gukinyia kavindari gaka society imwe cia kauwa itiri iraruta rate ciao naguo arimi makorwe makirivwa mbia ciao wariria makethire na kwendia kauwa kao guku akiogerera nakuga arimi mathite nambere kurirwa makiria ma cirigi inga rimwe.

Riu niaurite atongoria kwiyumiria na kwambiria kuruira arimi guku vururire kumangia nigukorwa urimi niguo munyinginyigi wa utonga wa vuriri naniguo adu aria agi maroretie iguru.

 




Arimi mwena wa Runyenje guteta niundu wa migunda yao kutharikirwa ni nthereru


Ekari a itura ria Kanginga Kyeni gicigo ubunge kia Runyenje county ya Embu matie na undu wa gukenera .

Ndeto ino igiukania na kavinda karito karia maravitukira kuma na nthereru iria igumirite migunda yao .

Ino ni guku magitara athara iria makoretwe makivirirwa ni nyamu ino migundari yao iria ni vamwe na kwanangirwa irio ciao guku magitigirirwa kurima muthara na uria wanaguo marauga utirakura na thayu ni kunangwa ni nthereru ino .

Kuringana na Njue wa Njuki uria ni mwikari wa itura riri kwina vata wa thirikari kuvitukira kwi ruvua rwa nyamu kwingirira na kumavonokia kwona ati matingienda gwoca watho njarari niguo kuvurana na nyamu ino .

Mateta mama make magiukania na maria ma Elijah Muriithi uria ugite thina uyu uthiete nambere na kumagumira wanathengi yao kuvura ripoti kavinda gwa kavinda kwi anene a matura vamwe na thirikari guku mateta mama mao matagutungatirwa.

Riu ekari aya nimathiete nambere na kwiyuria ciuria karundo iguru ria thina uyu guku magitia gutangikirwa .




Covid-19: Mumbunge wa Kasipul kuvurwa faini ya sh 15,000 vuv wa kuna watho wa mikana ya kurua na Corona


Mumbunge wa gicigo mbunge kia Kasipul Charles Ongodo niuvuritwe faini ya siringi 15,000 vuva wa gwitikira mavitia ma kwagarara mikana iria yambikitwe ni thirikari ya kurua na murimu wa Covid-19.

ino ni kulingana na igoti vuva wa Ong’ondo Were gwikua ngono na kuvungwa mavuri stationiri ya vorithi ya Oyugis niundu wa kuthii mugaru na mikana ya thirikari ya kurua na Covid 19 ndeto irekiritwe kirore ni munene wa vorithi mwena wa Nyanza Mwivanda Noah.