Category Archives: vuuka fm

Avandu viigaliywi kulya imbwa India


Avahavini vizihaki zyi mitugu mulidala lya Nagaland mukivala cha Indian ,vavola ndi vakusangalla amalago giigalla uvugulizi vwi nyama yiimbwa .

Vavoola ndi amalago yaga gaziiza kokonyala muliinda iziimbwa iziimwa ihaki yazyo.
kali ndio avandu vaandi vaakovola ndi amalago yaga giima avaandi ihaki yukulya ikindu cha veenya.




Avana sigenyekana vatumikilwi kuguliza ivindu


Avayinzili vamatatu nizibasi mu county ya Migori ,viiganila ilimedeka lya vana mulidala yilyo avageendanga nukuguliza ivindu muzistendi zyi midoga.

Avayinzili yavo niviimillwa na George Rarieda, vakovoola ndi vaziiza kugimila avana yava nukuvahaana kuvasigali.

avoola ndi avana yava vanyala kuhambizwa covid 19 ,chigila vaagana navandu izing’ano lugano nalugano.

avoola avasigali genyekana vagimili kandi aviivuli vavugillanga avana vaavo kuzya kuguliza iviindu muzistendi zyi midoga.




Avandu veenya imiyinzi jiigulwi


Umwamishi wikivala kinu Uhuru Kenyatta ,yakovoola ndi yiiguli aikivala ku avandu vajage kuyinzila ,nivalondanga amalago gukwiilinda vavuli kuhambizana ulukuzu lwa Covid 19.

Avamenyi vi Luanda ,viigana ndi inzila iziiza kwiitila avandu hango.

avandi vavoola ndi iziisukulu zizizagilli kuhanwa ,ma avandu va Nairobi vahaniliywi yo vavuli kusiene ku yeengo chigila ilidala lya nailobi liveye navandu avanyingi avaave kuhambizwa ulukuzu lunu.




Izisuli zimaliyi avandu Emuhaya


Avamenyi volosoma lwa Em’mabwi mukedonye chi bunge ichi Muhaya mucounty yivishiga yinu viiganila kudambizwa ligali nizisuli .

mulondelli wa Chifu wa Em’mabwi Em’mabwi Josphat Okwako ,avoola ndi izisuli yizi zihulla ulunyasi dav




Umusaza yiisambili mukivala chi Vuganda


Umusaza wimihiga 29 mukivala chi Vuganda oveye umushili wa Bodaboda ,yakukuza ulwa yiisambili mukedeseni cha vasigali

Gvoleka avasigali vaali nivakugimila ikibigabigi cha Hussein Walugembe,mulosoma lwa Masaka,ma avasigali vaali nivakumuteeva atuungi izielefu 4 kuvamwiilanyili ikibigabigi chiiche.

umusaza oyu gavoleka yaanyolechi niyakugiinga umundu kukibigabigi yiichio hambeta namalago ma nichio ikivuni chaajili ikibigabigi chiiche nikigimilwa.

ikivala yiichio chayigala avandu va bodaboda kugiinga avandu kuli inzila yukwiigalla ililanda lyu vulway vwa Covid 19.

kulwumusaza oyo aloli ndi avula uvunyali vwukutunga amang’ondo gayali nateveywi atuungi yago,amanya navugula ologendo lwukwiisamba nakuza.




Mabese gukutunga vayinzili vuvwahili avatulizwa kumiyinzi gavula


Amabese si gaviikwa mu bajeti iya eserekari yikaunti yinu kutuunga avayinziri ava esekta iya uvwahiri, avaari nivang’odwa imiyinzi ma nivirana nivarekizwa imiyinzi zana.

Gavana Dr. Wilbur Otichillo, yakuvora ichiina kurondekana na avayinziri yavo chaveye nikikiri mu mayarizu na nicho ikivuni icha amabese gavo kuvura kovetwa mu ibajeti.

Ku roveega rwiirwe, Uwendeve uwa ikamiti iya ibajeti mu bunge yikaunti, Patrick Akwale, yakuvora amabese gukutunga avayinziri yavo gaza gaviikwi mu bajeti nguzuzu irangwaa Supplementary budget vwangu ndi.




Vandu vuvulwaye vwisukali na pressure vaveye mu vuhiimwa zaidi


Avandu avaveye nuvurwaye vwisukari nindi uvwa ipressure vaveye mu vuhiimwa ovonenene niiva varahamba ivirusi vya Corona.

Umusingili wuvwahiri mu Kenya, Dr. Patrick Amoth, yakuvora amarwaye gaviri yago, harara nindi Cancer, yigo agitanga avandu vwangu nivakuhamba ivirusi yiivyo.

Yakuvora avarwaye 29 ava COVID-19 vaveve mu vitanda ivya avarwaye vakuvuyika ivya ICU mu Kenya mwoosi ku ing’inga yinu.

Dr. Amoth kandi yakuvora eserekari yaveye kujaga kuvugila avarwaye va COVID-19 avataminikaa ligari kwahirwa yengo, kase igarama yukuvahira mu sivitari eveye yiguru ligari.

Yakuvora ku vuri umundu oveye nivirusi vya Corona nitari avura ivimanyiru, eserekari itumikiraa izierefu 21 kwidiiku, na igharama yeyo emedeka urwa umundu avuyikanga ma iduka izierefu 71 kwidiiku.

Nigatari ndyo, yakuvora eserekari si inyara kutungira avandu igharama iya uvwahiri niiva varenya aveene kuzya mu zisivitari zya binafsi.

 




Isabu yavandu va Corona iduki 7,188


Umukurundu wa imihiga 100 numwana wumuhiga murara ni varara ku vandu 247 vakunyoreka nivirusi vya Corona mu Kenya kujagira mugorova.

Umurondeli wa Waziri wa uvwashi, Dr. Rashid Aman, yakuvora isabu yeyo yakunyoreka mu vibiimu 4,147 ivikoreywi mu ng’inga yeyo, yiyi nidukizaa avandu 7,188 avaveye kuhamba Corona mu Kenya kujagira mweri wa kavaga.

Ikaunti ya Nairobi yakwimila mu sabu yeyo navandu 153, nerondwa ku na Mombasa navandu 35 nindi Kajiado navandu 15.

Busia na Kiambu ziveye mu navandu 12 vuri ndara.

Avandu vaandi vaviri vamari kukuza kuturana nuvurwaye vwa COVID-19, ovoretangwa na Corona, nitari avandu 39 varakuriywi kutura mu sivitari nivakasoosa.




Vudamanu nikivihili Ivuluhya


Avana avanyingi ava irikura ryukuzya nasukuru vaziril’laa kogenda vudamanu izimbega zya Chavakali.

Chifu worosooma yiirwo, Omwami Benson Munavo, yakuvora avivuri vahana uvurakuri uvunyingi ku vana vavo, na ndyo avana zana vagendaa za kuri venyaa.

Yakuvora tayari umwana muyayi murara yaveye kugumirwa izimbega yiizyo ku magoso aka okodekiza umusoomi.

Mu kaunti ya Kakamega, avana vaviri ava ikikana vakugumirwa nukuvikwa mukedeseni icha Kabras mukedonye cha Malava urwa vakunyoreka nivasangaa ovogono nindi avasaza vaviri avamanyi niviruka.

Vaviri yavo, mula wikirasi cha katano wimihiga 13 na uundi wikirasi cha sita wimihiga 16, vanyoreki mu nyumba ndara iya kukondesia muridara rya Kambi ya Mwanza.

Vavorekaa vingiriziywi mu nyumba yeyo na aviikura mugorova hamugorova, ma vakamanya vanyolizwi nindi avamenyi karunu.

Umurondeli wa Chifu mu rosoma rwa KAKUNGA, JACKTONE AMBULWA, yakuvora avasaza vaviri yavo vivuyangwa na varinyoreka vazaa kuyarwa.

Yaga gazaa yiyi Omwamishi Uhuru Kenyatta navoraa avachifu varavarizwi magoso niva avana mu zisooma zyavo varanyoreka nivaveye avariitu.




Ngilu imbili wumusee gwe Senate ugwa mang’ondo


Gavana wi county ya Kitui charity Kaluki Ngulu ,kalunu yaali imbili wumusee gwe senate ugwa mang’ondo.

Governor Ngilu ,aviitilanga mukika ikihandallu yiyi avabunge viziwadi mu county yeyo ,niveenyanga kumukubila ikula yukuvula kuva nilisuvila naye,umuyinzi gwaave kusingilizwa na mayalizu.

Gavana Ngulu ya kwambakana agavooleka ndi atumikila vudamanu amang’ondo giikaounty yeyo.