Category Archives: vuuka fm

Manjari yakuvula kuduka imbili wu musee


Umusee gwe Senate ugwi zing’inga  ugwukulwana uvulwaye vwa covid 19 ,nigwimillwa na  senator Michael Mbito na  senator Kasanga,kwakusingiliza iviikallo vyagwo   ,inyima wuwaveezanji umusingilli wumuganda gwa  KEMSA Jonah Manjari ,uwenyekananji kuduka imbili wumusee yiigwo  gavoleka numuminiku na siyaali anyala  kuzya mu,avasenator vakulanga ndi veenya ibalua ya dakitali imanyia ndi nagiligali numuminiku.

senator Mbito  avoola veenya kolola ibalua yeyo kudukila iziisaa  mnane  umasu gwakalunu.

Manjari  genyekananji aduki imbili wumusee yigwo nukuhana amativuli kolondekana  nuvutumikili uvudamanu uvwa ,makandi  umuganda gwa Kemsa kutumikila izila iteenyekana  kugula  ivindu  nukujila selekali egotizi  izibilioni 7.7.

Umusee yigwo nagove nichakallo kindi  ilisiiza ,na ebodi isingilla umuganda gwa Kemsa vakulangwa vave mu.




Amazi amalengellu konyoleka umuhiga guuza


Avamenyi izilefu 200 avicounty yivishiga yinu gavooleka vaziiza kuva nivanyolanga amazi kudukila umuhiga guuzanga lwa selekali yicounty yinu olombanga umuyinzi gwa mazi agenyekana kulandizwa mumadala,yaga namageni ga kwakovoolwa numusingilli wa vayinzili vicounty yinu umwami james otari muhanji




Avimilli mu Africa vakudula amajeshi ga Mali


Aviimilli vivivala vya  nivimillwa  nuwendeve wumuganda  gwa African Union  oveye kandi  umwamishi wikivala cha Africa  yisavalu  Cyril Ramaphosa  ,vakudula ligali  ekekolwa che selekali  yikivala cha Mali  kugilung’anywa namajeshi yiyi umwami wikivala yiichio  Ibrahim Boubacar Keita nagimilwa.

Umwamishi wikivala  kinu  Uhuru Kenyatta,avoola ndi  inzila yavwangu genyekana enyoleke ,kutwekiza uvudunduvane voveye mukivala yiichio.

Naye umwamishi wikivala cha DRC  Felix Tshisekedi ,avoola amang’ana gavanajeshi kugilung’anyianga iziselekali  gagoyanyianga e democracy  mu Africa.

Avimilli yava vamolomanji ilidiku lya Mugolova lwa vaali mumukung’ano ugwa kokolekela kumutandao ,umukung’ano yiigwo kandi gwakomolomela ku kandi  kulilanda lya covid 19 mu Africa.

Umwami Uhuru ,yakoteva ivivala vya Africa kuva muvwiyangu vwiimbili  kweenya amadamiku gukwahila Covid 19 ,kuvivuli kutigala inyima lwivivala viindi vyeenyanga ulunyasi yilu




Waiguru yaakwenyola muvudinyu kandi


Governor wicounty ya  Kirinyaga ,yakohevwa enotii ya amdiku 7,atuungi avayinzili  vicounty yeyo nigataveye ndio  akubilwi ikula yukuvula kuva nilisuvila naye.

Avabunge viziwadi mubunge yicounty ya kirinyaga  nivimillwa  numulangilizi munene  Pius Njogu ,avoola kumieli jivili  avayinzili mucounty yyo vakikili kutuungwa.

Uwendeve wumusee  gwi budget mubunge yicounty  David Mathenge  avoola vaavitiza I budget yibilioni 1.5 ,nitali avaashi vakikili kutuungwa.

Avabunge viziwadi   25 kutula  ku  33,vavola vetegeka kukunga Waiguru kutula kondeve.

Vavoola vageliza komoloma na gavana nitali chaave kuvula.




Panyako yeenya avagaza vahevwi amageli


Umungodi munene wumuganda gwa  vadelesa mukivala kinu umwami Seth Panyako ,yakoteva selekali nene  ,kuhana amageni kuvayinzili muwizara yuvwashi ,aviiva amang’ondo gukulwana  corona.

Namolomela mulidala lya  kakamega, panyako  avoola sivaziiza kuchiling’ana  lwuvugaza vuziizagilla muwizara yeyo.

Panyako yakodula kandi avasenator kolondekana  neengoyane eveye ho  muvugavuli vwa amng’ondo  muzicounty ,yakotula umumolomi wi chikallo ce senate ken Lusaka uwaavola genyekana atuli kondeveye chigila amanyi ichaakola dave.  .




Ichama cha ANC kiziizagilla kwelohiza.


Umung’odi wichama cha ANC ,mucounty yivishiga yinu umwami Wiliam kaisha ,yakovoola ndi icma yiichio kiziizagilla  kwidinyiliza amazyambili wovotovoli voonene uvuuzanga.

Yakovoola ndi kuli ichama vaziiza kwiikala nokotovola ,umungg’ondi   uundi umunene ,inyima wa BARACK OKWARO MULUKA koleka imiyinzi yiijio muchama.




Imiganda juvuzirilli konyola ovokonyi


Eselekai yicounty yivishiga ,evoola ndi yaave koveta  izimilioni 7  umuhiga gunu ,amang’ondo genyekana kokonyana muligiingula imiganda juvuzirilli.

Gavana dakta Wilbur Khasilwa Otichilo ,avoola ndi imiganda juvuzirilli ijialange ho kali kuli  ugwuvuzirilli vwi kahawa ,jaagwa  chigila uvwimilli uvudamanu.

Umwami Otichilo,avoola ndi  imiganda juvuzirilli ,jimanya jiveezanga ijovokonyi ,na jiziiza kokonyeka namang’ondo yago.




Uvwonogonyi vwakomedeka mumadala


Umulondelli wa chifu wi Jepkoyai  Harun Sote ,yiiganila ndi koveye  yo numwana muyayi mulla yoonogonywa  numundu musaza nitali umwana oyo yaavula konyola ihaki chigila avaloleli genyekana vazyi kuhana ovololeli vwavo mumayalizu ,vasuula kuzya  mumayalizu,iliiva yili avoola nilyo ilijilanga  ivikolwa vyavandu kwonogonywa nivimedeka chigila avasigu sivaheevangwa amageli.




Uvwonogonyi mumadala vyaakili


Umulondelli wa chifu wi Jepkoyai  Harun Sote ,yiiganila ndi koveye  yo numwana muyayi mulla yoonogonywa  numundu musaza nitali umwana oyo yaavula konyola ihaki chigila avaloleli genyekana vazyi kuhana ovololeli vwavo mumayalizu ,vasuula kuzya  mumayalizu,iliiva yili avoola nilyo ilijilanga  ivikolwa vyavandu kwonogonywa nivimedeka chigila avasigu sivaheevangwa amageli.




Uvulwani vwulushili vudambiza


Avandu 13 vaakwitwa mukivala cha  Democratic Republic of Congo,inyima wukulaswa izindolio numwanjeshi ovolek yaali niyakuhambika.

Ekekolwa yiki chaakwekolekela  mulidala lya Uvira ,kuvaakwitwa yava navakali na vaana.

Avandu vaali nivakuviihillwa vakuzala niveenya ,umusingilli wamajeshi  izimbega yiizyo agilung’anywi,na avandu vaviiko vaavo viitiywi genyekana v aatungwi,na avakusallizwa vatungili imitungu juvwashi na selekali.

Nulwavee vuzwa lwilidala yili  lya gotizi avandu 40 ,avayiitiywi niimbula yimigela ,yiyi avandu vaandi avanyingi nivang’anya mumigizi jiavo chigila amazi gaatelema muzinyumba.