Category Archives: vuuka fm

Mudavadi: Uhuru yenyanga kuvunaga ivyama vya voteti


Umwimili wichama cha ANC, Omwami Musalia Mudavadi, yakudura Omwamishi Uhuru Kenyatta nindi Umwimili wa ODM, Raila Odinga, ku ryenya kogoyaanyia ivyama vyovoteti mukivara muno.

Namoromaa mukedonye cha Kiminini mu kaunti Bungoma, Musalia yakuvora aviimili vaviri yavo venyaa kuchuriza Kenya mu madiiku aga ichama kirara, kuvitira mu rivunaga ivyama ivijagaa kuviruuka ing’inga yiinu.

Namoromaa mu mukungano yiigwo, Seneta wa Bungoma, Moses Wetangula, yakuvora umupango ugwa ukuhambanyia avarusha si guradedekerizwa nindi avandu kutura ichoova.

 




Yiguli noho aleke? Linyang’ana lya Uhuru


Omwamishi Uhuru Kenyatta yenyoranga havundu ahahandalu, kurondekana nuvuruhu vwa Avakenya ndi ikivara chigurwi kandi kari niiva ivirusi vya Corona nivikiranda.

Avakenya avakumoroma nikirangilu kinu vakuvora genyekaa ikivara chigurwi kunangwa uvuchumi vuvuri kugwa zaidi, nitari avasingili ava uvwahiri mu Kenya vavoraa kwigura ikivara kunyara kujira Corona irande zaidi nokoreta amaduywa kase esekta iya uvwahiri mu Kenya ikiri novodedekere.

Yaga gazaa yiyi izikaunti 15 zyeng’ine niziveye nizyo iziveye nivitanda 300 vuri ndara ivya kwaliza avarwaye va Corona kuri Omwamishi Uhuru Kenyatta yaraga.




Limedeka lyavalwaye va Corona


Avandu 389 vakunyoreka nivirusi vya Corona mu vibiimu 4,829 ivikoreywi.

Isabu yeyo, nivaveye mu avikura 266 navakaye 123, idukizanga avandu 7,577 avaveye kuhamba Corona kujagira nidukira mu Kenya.

Irikura irya avandu avakunyoreka nivirusi yiivyo ni hagati ha umuhiga murara nindi imihiga 93.

Mu makuuva agatumiywi ku virangilu vyamageni, eserekari yakurandiza kugotiza avandu vandi 5 kuturana nuvurwaye vwa Covid-19 ovoretangwa na Corona, nukudukiza avandu 159 ava uvurwaye yivwo vwaveye kwiita mu Kenya.

Nitari avandu 88 vakurakurwa kutura mu sivitari inyiima wukusoosa kuturana na uvurwaye vwa COVID-19, nukudukiza 2,236 avandu vaveye kohona inyiima wukuhamba Corona.

Mu vandu 389 avanyoreki na Corona, 248 vaturaa Nairobi, 36 vaturaa KAJIADO, KIAMBU 27, MOMBASA 23, BUSIA 17 MACHAKOS 10, MIGORI 9, KITUI 6, MAKUENI 3, UASIN GISHU 3, NAKURU 2, KILIFI 2, ma umundu murara kutura mu vuri ikaunti ya GARISSA, MURANG’A nindi NAROK.




Avasigali vaakwiganihizwa valeke uvugaza.


Umulondelli wa Inspector umunene wavasigali Edward Mbugua,yakwiiganihiza avasigali vavuli kuvugula asooya navoola ndi vaziiza kuvugullwa ologendo.

yakoteva avakenya kuvuula avasigali vavasavanga ivyambeti.

Yakudinyiliza avakenya kwiilinda vavuli kuhambizana ulukuzu lwa Corona.




Avandu viigaliywi kulya imbwa India


Avahavini vizihaki zyi mitugu mulidala lya Nagaland mukivala cha Indian ,vavola ndi vakusangalla amalago giigalla uvugulizi vwi nyama yiimbwa .

Vavoola ndi amalago yaga gaziiza kokonyala muliinda iziimbwa iziimwa ihaki yazyo.
kali ndio avandu vaandi vaakovola ndi amalago yaga giima avaandi ihaki yukulya ikindu cha veenya.




Avana sigenyekana vatumikilwi kuguliza ivindu


Avayinzili vamatatu nizibasi mu county ya Migori ,viiganila ilimedeka lya vana mulidala yilyo avageendanga nukuguliza ivindu muzistendi zyi midoga.

Avayinzili yavo niviimillwa na George Rarieda, vakovoola ndi vaziiza kugimila avana yava nukuvahaana kuvasigali.

avoola ndi avana yava vanyala kuhambizwa covid 19 ,chigila vaagana navandu izing’ano lugano nalugano.

avoola avasigali genyekana vagimili kandi aviivuli vavugillanga avana vaavo kuzya kuguliza iviindu muzistendi zyi midoga.




Avandu veenya imiyinzi jiigulwi


Umwamishi wikivala kinu Uhuru Kenyatta ,yakovoola ndi yiiguli aikivala ku avandu vajage kuyinzila ,nivalondanga amalago gukwiilinda vavuli kuhambizana ulukuzu lwa Covid 19.

Avamenyi vi Luanda ,viigana ndi inzila iziiza kwiitila avandu hango.

avandi vavoola ndi iziisukulu zizizagilli kuhanwa ,ma avandu va Nairobi vahaniliywi yo vavuli kusiene ku yeengo chigila ilidala lya nailobi liveye navandu avanyingi avaave kuhambizwa ulukuzu lunu.




Izisuli zimaliyi avandu Emuhaya


Avamenyi volosoma lwa Em’mabwi mukedonye chi bunge ichi Muhaya mucounty yivishiga yinu viiganila kudambizwa ligali nizisuli .

mulondelli wa Chifu wa Em’mabwi Em’mabwi Josphat Okwako ,avoola ndi izisuli yizi zihulla ulunyasi dav




Umusaza yiisambili mukivala chi Vuganda


Umusaza wimihiga 29 mukivala chi Vuganda oveye umushili wa Bodaboda ,yakukuza ulwa yiisambili mukedeseni cha vasigali

Gvoleka avasigali vaali nivakugimila ikibigabigi cha Hussein Walugembe,mulosoma lwa Masaka,ma avasigali vaali nivakumuteeva atuungi izielefu 4 kuvamwiilanyili ikibigabigi chiiche.

umusaza oyu gavoleka yaanyolechi niyakugiinga umundu kukibigabigi yiichio hambeta namalago ma nichio ikivuni chaajili ikibigabigi chiiche nikigimilwa.

ikivala yiichio chayigala avandu va bodaboda kugiinga avandu kuli inzila yukwiigalla ililanda lyu vulway vwa Covid 19.

kulwumusaza oyo aloli ndi avula uvunyali vwukutunga amang’ondo gayali nateveywi atuungi yago,amanya navugula ologendo lwukwiisamba nakuza.




Mabese gukutunga vayinzili vuvwahili avatulizwa kumiyinzi gavula


Amabese si gaviikwa mu bajeti iya eserekari yikaunti yinu kutuunga avayinziri ava esekta iya uvwahiri, avaari nivang’odwa imiyinzi ma nivirana nivarekizwa imiyinzi zana.

Gavana Dr. Wilbur Otichillo, yakuvora ichiina kurondekana na avayinziri yavo chaveye nikikiri mu mayarizu na nicho ikivuni icha amabese gavo kuvura kovetwa mu ibajeti.

Ku roveega rwiirwe, Uwendeve uwa ikamiti iya ibajeti mu bunge yikaunti, Patrick Akwale, yakuvora amabese gukutunga avayinziri yavo gaza gaviikwi mu bajeti nguzuzu irangwaa Supplementary budget vwangu ndi.