Category Archives: sulwe fm

Basilikhi 11 bafunikhililwe mwikangilo lititi mukaunti ya Trans-nzoia enyuma we khutubana alala nende omundu wafwile khukhwamanana ne bulwale bwa korona


Basilikhi 11 bafunikhililwe mwikangilo lititi mukaunti ya Trans-nzoia enyuma we khutubana alala nende omundu wafwile khukhwamanana ne bulwale bwa korona.nara kano abuwanga khubanamakhuwa musirimba sie ekitali omukhalabani omukhongo musikuka sie bulamu muserekali ye ekaunti ya trans-nzoia robert musundi lundi amakhubola ali baboe 120 mulumale lwe ekitali babele nebafunikhililwa enyuma we khukhwokesia bimanyisio bie bulwale bwe khaukha kha korona.musundu abola ali khubandu 1,320 babakelilwe bulwale bwa korona,babandu 13 babele nebanyolekha ne bulwale obwo. musundi nono alikhalangilila bamenya mukaunti eyo khulonda mubuterefu kamalaka ka serekali kali ne sifuno sie khuyeta khukhingilila khulanda khwe bulwale bwa korona.




LATEST SULWE FM NEWS

MCA khukhwama chikaunty chibiala kimiba benya serikali ebukulile hatua babandi basikula eskari khukhwama mumarambo kenje nekhukhwonakaka ebei ye balimi mulirambo lino


Barangilisi be muchingongo babama mumbeka chirakwamo kimiba kie esukari mukaunti ye ebungoma ,uasin gishu ne busia bechile alalala ne khureba omuruki we sibala uhuru kenyatta alala nende basibayi peter munya we bulimi nende Fred matiang we bulindi khubona mbo lilaka lia serekali lie khukhwimekha khukhwingisia mwirambo esukari ne kimiba khukhwama mumarambo kenje litinyililisibwa mubuterefu. babami abo babola bali engila eyo niyo echa khukhusia bulimi bwe kimiba kie esukari mwirambo lino.




LATEST SULWE FM NEWS

Balimi musirekere sia triangle mulukongo lwa teldet mwisasa lie bujumbe lia saboti mukunti ya trans-nzoia banyolile litoma libofu enyuma we chinjofu angaki we 20 khukhwonakaka bimelwa nibio baraka mumaloba kali enje ne mukari mwe kumusiru kwa sikulu sia elgo


Balimi musirekere sia triangle mulukongo lwa teldet mwisasa lie bujumbe lia saboti mukunti ya trans-nzoia banyolile litoma libofu enyuma we chinjofu angaki we 20 khukhwonakaka bimelwa nibio baraka mumaloba kali enje ne mukari mwe kumusiru kwa sikulu sia elgon asi we chindengekha rengekha cha serekali che khukhwiyamanila babandu khulimo mumaloba ke kimisiru cha – shamba system.

fred nandasaba mulala khubalimi abo abola ali bukhalabani bwabwe bwe khutimania chinjofu echo mukhukhong’ona kamabati ne khukhupa buyoka bwabele ne bukhalangila aatikha ne nono bamenya mumbeka echo bali ne buri khubulamu bwabwe.

nandasaba nono alikhalangilila kumukanda kukwimelela chisang’i che mundaaa khukhwingilila akari ne khubona mbo chinjufu echo chikoboswa mulukoba lwe chisang’i mumusiru kwe sikulu sia elgon khukhingilila balimi abo khutibia kimiandu kiabwe kimikali.




LATEST SULWE FM NEWS

Serikali ye Bungoma erusia mashariti khubamenywa khukhwenya khukhwikhingilila virus bya corona


Nga eyi bukali bwe babandu baambisibwe bulwale bwe khaukha kha korona nebuchilila khunina buli ndalo mwirambo,nono bakholi muserekali ye ekaunti ye ebungoma barebirwe khuba ebweni we lunyilile mukhulonda kamalaka ke sikuka sie bulamu kali ne sifuno sie khukhingilila bulwale bwe khaukha kha korona.khubirira khumulondela wo omunyikhinyi we ekaunti ye ebungoma isaac mukenya,serekali ye ebungoma ebola buli omukholi abele we musikuka namwe enje we sikuka enyekha afwale sitambaa sie mubweni ,khusaba kamakhono buli lwosi ne lundi enae babasie.nalomaloma khunakhalondo yino mukenya lundi amakhubola ali mbao omumenya we ekaunti ye ebungoma ocha khwiyamwanwa musikuka siosi siosi sia serekali ye ekaunti ye ebungoma nakhefwalile sitambaa sie mubweni simanyikhane mulunjaru nga emask tawe. khulondekhana nende mukenya buli omumenya we ekaunti ye ebungoma enyekha eyaye ne khukhwilinda nio mbo akhecha aambisibwa bulwale obwo nibwo abola ali bubwiri




LATEST SULWE FM NEWS

Mwambu kenosia khuchibarabara Ebumula


Omujumbe wa ebumula Mwambu Mabonga karebire bamenywa khuba nende liliekhaliha eofisi yewe asi wa CDF ne KeRRA nechilila khurao mipango kia bichoachoani bibiuakhane sibacho nekhwetuba mubukhangarani bukhayeta tawe.
Nakobosia lirebo lia omurekeresi mulala wa Nakhalondo yino khunanu okhoyele ang’one ebarabara yama Mareba- Miyanga- Kimaeti, abulilile ali eli asi wa kumukanda kwa KeRRA ne tayari banyolile contractor orakikhe bukhalabani.

[CLIP]

Roads
Mwambu lundi abulilile ali banulile contractor Waebwa bukhalabni bwa khung’ona ebara bara yama Musikoma- Buyofu- Mungachi khukhuamanana nekimilimo kimimayanu.

Achilile nakhubola mbo khuli ne chibara bara chichindi anga eyo yama Nasianda- Kimwanga- Kibabii nende

Mukhuma- Mateka Tulumba chili asi wa KeRRA.

Khumakhua ka busomi abele nekenosia khumaroro ya khuba nende sisomelo sia bubwekesia TTI.

 

Amalilile  nakhwinosia ali asi wa buruki bwewe bukilile Bumula yanyoilile ecounty engekhe ya Kimaeti .




LATEST SULWE FM NEWS

Kamanda wa polisi Bondo khufwa


Khuli ne birengo musituo sia polisi sia bondo khulondelela lifwa lia omulondelela wa kamanda wa polisi Anthony Wafula.
Wafula afwile silo sibirire bise bikekhe enyuma wa khutimakisibwa mwikangilo likekhe lia bondo.
khulondekhana ne polisi atimakisibwe mwikangilo elio enyuma wa khuhaywa khuela alala nende khuba ne bubile bwa angaki bwa kumubili.

Alomekha khuobosia babana bewe musirimba sia nairobi nakhukobola bondo chindalo ngekhe chibirire mala kachaka khulwala.
Kamanda wa polisi mucounty ya siaya francis Kooli eyamane ne lifwa liewe nakhubulilila mbo babukule chisampuli khukhuama khumulambo kwewe khuila kemri kisumu khumanyilisia sina sina khuba nesiakilile lifwa liewe.




LATEST SULWE FM NEWS

Basangi khwibanda nekamasaba


Kamatembeli chimbeka ne chimbeka kachilile khunyikhinya esabu ye asi ye basangi khukhuamanana ne virusi bia corona.Bumenelesi bwa binamakhua, bwokesiane mbo basangi bebandile khucha mumatembeli yakhaba serikali neyalakile kamasaba khuchilila neli jumapili ya khabili.

Khulomalome nende mulalakho khubelwachi ba litembeli lilala mwirobi.

Akari wa kamalaka kano kali ibada khuchilila esaa ndala, basangi emia ndala bong’ene, basabe kimikhono nebakhengila mumatembi tawe, bikhale sinao, abo bali angaki wa kimiko 58 ne babana bali asi wa kimiko 13 bosi bakheyamannwa khucha  tawe.




LATEST SULWE FM NEWS

Bungoma/ papa asamba omwana wewe


Bamenywa ba khubukembe mulisasa lia bujumbe lia Kanduyi mucounty ya ebungoma benyokhele sikholwa sia khuukia enyuma wa papa mulala oli fundi wa chingubo khusoko okhwo khukhuosia omwana wewe omukhana wa kimiko 16 nende epasi khumarango alala ne bukhasi bwewe nesifuno mbo kelukhe engo khukhuama kibochi ekabuchai.




LATEST SULWE FM NEWS

Kakamega   makaburi


 

Kumukhosi  nikwo   gavana wa  Kakamega Wycliffe  Oparanya  karere abuwanga     mbo bakulile   kumukunda  kucha khurumikhwa    khuyabila kimilambo kia     babandu  bacha khulota ekombe  khulondelela virusi bia  corona     kwachilile khuburusia   chinganakani chichaukhane.

Omujumbe wa  likwe lia  Mumias    Ben Washiali     alala nende owaba seneta   Bonny Khalwale    babola mbo andi  Oparanya  kekekhe  kamapesa  ako  mubuhalabani bwa khuyeta bamenywa  khwekhinga  khunyola virusi ebio




LATEST SULWE FM NEWS

Balondi be kumukanda kwa Ford k mwisasa lie bujumbe lia Tongaren bali lubeka lwo omukarani wa ford k dr eseli simiyu nende omujumbea wa kanduyi wafula wamunyinyi bamakhukhola bukalukhasi mubwimelesi bwe kumukanda okwo mwisasa lie bujumbe lia tongareni.


Balondi be kumukanda kwa Ford k mwisasa lie bujumbe lia Tongaren bali lubeka lwo omukarani wa ford k dr eseli simiyu nende omujumbea wa kanduyi wafula wamunyinyi bamakhukhola bukalukhasi mubwimelesi bwe kumukanda okwo mwisasa lie bujumbe lia tongareni.mubukalukhasi obwo babemelesi bali lubeka lwa seneta we ebungoma moses wetangula bamakhumwatwa enjie nga eyi bali lubeka lwo omwami wamunyinyi olomekha khubukula bubwimelesi bwe kumukanda okwo nebaebwa chindebe echo.omurangilisi we lukongo lwa tongaren mayi elizabeth tindi nende barangilisi baroborwa fred musebe nende jerusha waswa bamakhunulwa chindebe chabwe mubwimelesi bwe kumukanda okwo mumbeka echo.




LATEST SULWE FM NEWS