Category Archives: sulwe fm

Mp Mkwe Ford K


Kaba kamakhiha khu gavana wa ebungoma Wycliffe Wangamati khwicha abuwanga nakhubulilila mbo kaba mulalakho khubviongozi babarengekha khumutimania seneta Moses Wetang’ula khuba anga kiongozi wa esiama sia Ford K.
Kano kali khulondekhana nende omujumbe wa ekabuchai James Lusweti Mkwe obulililer a li luno luri gavana asili omuele ne akhaba omwangu khukhakhanila bibindu bia siasa tawe.

Nalomaloma musipindi sia endekhelo, Lusweti lundi abele nekeluila khulikhwekhwesani lilikhonelichilila muserikali ya ecounty ya ebungoma nilio abulilile ali kamatunda kalio kacha khuba kamalulu khuwananchi nakhubela miradi kiosi kia serikali ye mucounty kilema.
Kumulomwa kwewe kwamanana ne likhwekhwesani akari wa barangilisi ba muchingongo niyo khuli nende abo bali lubeka lwa Wetang’ula ne babandi lubeka lwa gavana Wangamati liliakilile balalakho nebarusibwa khubweyangu bubwaukhane mbunge ye ecounty.




Wetang’ula/ Ford K


Esina ekhongo musirimba sia Nairobi yasendisie ebweni sisikhasio sia khurusia bukhalaki niba eli ne bulekhule bwa khurekeresia kumusango kwailwa ne seneta wa ebungoma Moses Masika Wetang’ula khupila khungaki kumukhosi kwa khumurusia anga kiongozi wa esima sia Ford K.

Sisikhasio sino nono sicha khurengekhwa umwesi kwa tisa nakuli 25 kumwiko kuno.
Wetang’ula arusibwa khubweyangu mumukhung’ano kwa bajumbe ba esiama esio kukwemelelwa ne bajumbe Wafula Wamunyinyi wa Kanduyi alala ne owasie wa Tongaren David Simiyu Eseli nesifuno mbo kakhalabane khumiko kimikali sibacho ne ekatiba ya esima esio.
Wetang’ula khulubeka lwewe kacha musina khukhingilila eofisi ya omunyikhinyi wa bibiama Anne Nderitu khurengekha bukalukhasi obwo alala nekhureba esina khubakhingilila Wamunyinyi nende Eseli khukhola liosi liosi musiama.




Kakamega ng’ali che babana


balalakho khuviongozi ba kamatembeli nono benya kamalaka kakemelela ng’ali che babana mwirambo khukalukhasibwa anga engila ndala ye khwebanda ne bisombo bia khwinyoela.Nebemelelwa ne askofu John Kusimba wa litembeli lia African Church of the lord mulisasa lia bujumbe lia malava kakamega abola mbo kuli kumwima kumumayanu kukukila babana nebanyola bisombo.

Mundengekharengekha cha khufungula kamatembeli, abulilile ali khabachilila khukhola kakenyibwa.

Naye  mama assembly mwitembeli lia banamae balokole jeshi la wokovu grace chepkurui yesi naulilila mbo khabachilila khurao mipango kikikhoyele.

 




Bungoma ulemavu


Bamenywa khwama mu county ye Bungoma bali ne babana bamenyile ne buleme bama khuba nebarebwa khulekha khukisa babana babwe nekakhali babare abuwanga nio mbo babe nebaebwa buyeti.

Kano kali khulondekhana nedne omurangilisi we lukongo lwa Ndivisi Webuye east Martin Wanyonyi wama khuba naloma nali mubukhalabani bwe khuana chindebe ye kimikuu khubamenywa bamenyile ne buleme khumibili kiabwe mumbeka echo nekhulimo omwana omukhana we kimiko 14 niye babebusi bama khubola mbo acha khuba nanyola buelelo mukhurumikhila endebe eyo

Pepela abele narumikhila bise ebio khuana birumikhwa bie khwekhinga ne birusi bia covid19 khubamenywa nio mbo bakhanyolwa ne birusi ebio tawe.




Bachonwake babele nende bulwani bamakhuatula esoko ya lusheya enyolekhana musubcounty ya Mumias East nekhukhonya watchman


Bachonwake babele nende bulwani bamakhuatula esoko ya lusheya enyolekhana musubcounty ya Mumias East nekhukhonya watchman obele khumilimo . Mubuatuli obwo lundi bandu babili banyolile majira kamabi po eyi  majamazi ako nekeba emali engali po.Omubunge we lisasa lino Benjamin Washali kamakhwikicha sikhola esio eyi nareba bapolisi khutasa bulindi.

 




Oparanya/ Eugene luyha unity


Gavana wa Kakamega Wycliffe Oparanya alala nende waziri wa serikali che mucounty Eugene Wamalwa bekanile nende kamebasio ka balalakho khubiongozi mbo khabarumikhwa khubalaisia likabukhana akari wa viongozi ba ebuluyha.
Nebalomaloma mumukhung’ano kukurerire alala bamela mbuchi khukhuama mukholo chichaukhane mucounty ya trans- nzoia kukuchilile musisomelo sia bufundi sia kitale, wamalwa ne oparanya babulilile mbo sikhongo sia kimikhung’ano kiabwe ne basakhulu sili khubona kamatunda ka serikali ekhongo nekolela babandu babamenyile mucounty cha ebuluyha.

Kulomwa kwabwe kumetilwe busiro ne bagavana wycliffe wangamati wa ebungioma, patrick khaemba wa trans- nzoia alala nende omujumbe wa saboti caleb hamisi.

 




Basomi babili khunyolekha mungonelo


Babana babili basomi ba sikhana bali ne kimiko 13 ne 16 khabapokolela chimoni murumande enyuma wa musituo sia polisi sia kabras malava kakamega enyuma wa khunyolekhana nebetuba mungonelo ne basani babili munju ndala ya khukotesia .

Bamenywa babola mbo babili bano babeilwe ne basani babili babekhupile mubilaa.
Omulondelela wa chief wa kakunga jacktone ambulwa eyamane nende sikholwa sino nakhureba bamenywa khuria ng’ali che bamenywa lukali bise bia corona bino.

Afisa ba polisi bachakisie bumenelesi nakhulonda lukele bwa basani babelukhe.

 




Esabu ya  balwale ba COVID-19 khumetekha


 

Esabu  ye    balwale  ba  Covid 19  yolile    7, 188 enyuma  wa  babandu babandi   247   khunyoekha ne  bulwale obwo khumasaa  24  kakawele.

Kano kama  khurwa  abuwanga ne  waziri omuyeti musikuka    bulamu  rashid  aman   obulilile  ali  akari wa  esabu yino   153 bama   Nairobi  ne    babandi   35 khukhuama  Mombasa

Balwale  babandi  39  baonile  nekhulekhulibwa  khucha  engo  nakhumeta esabu ye babandu babaonile khukhuola  2148 eyi esabu   ya abo babafwile nemetekha khukhuoa   154 enyuma  wa  balwale  babandi babili khufwa.




Ebunge ye Bungoma yanyolile lisaba khukhwama khumikanda kikhubanila haki che babandu khukhwenya khutimania khumilimo gavana welijimbo lie Bungoma Wyclif Wafula


Ebunge ye Bungoma yanyolile lisaba khukhwama khumikanda kikhubanila haki che babandu khukhwenya khutimania khumilimo gavana welijimbo lie Bungoma Wyclif Wafula .lisaba elio liamakhurwa mubunge khubirira khu mca wa khalaba oli lundi owendebe we kamati ya public adminstratiom mubunge omwo.kano kecha busa eyi serikali  ye Bungoma nechilila nende mupango kwe khufuna serikali yino.




Etimu ya Nzoia yanyolile etekesi ebya khukhwama khumuruki Uhuru


Omuruki we lirambo Uhuru Kenayatta kakanisie etimu ya Nzoia fc etekesi embya n’ga mumulukha kukwatubilemo viongozi bababukhane khukhwama western kenya nekhulimo gavana wa akakamega, wyclif oparanya, wa bungoma wyclif wangamati, wa Transnzoia Patrick khaemba , wa busia sospeter ojamong alala nende waziri we sikuka sia devolution eugen wamalwa. etekesi eyo yanyolekhane khubirira khulisaba lia waziri eugen wamalwa waba nareba omuruki uhuru kenaytta khuyeta etimu eyo. nalomaloma nende emeza yefwe ye kamakeni waziri wamalwa arebire viongozi khukhwama ebulhya khura sinani mu agenda cha maendeleo badala yekhurangisia siaza.wamalwa kalomile kano enyuma wa viongozi abo khuba nende kumukhungano muofisi yomuruki ya harambee house