Category Archives: ramogi fm

Jago moro manie kweth ma osebedo ka koto johala e boma ma Awendo omaki


Jago moro maja igni 30 ma en achiel kuom kweth ma osebedo ka koto johala esub county ma Awendo ne omaki odhiambo maka wuono.
Jakom mar community policing esub countyno ma Awendo Migosi Joseph Opole owacho ni jagono ma oyangi kaka Kevin, ne owuondore ni en supplier matiyo kod kambi moro mar chiemo kendo ne otemo koto ja ohala moro ebomano, emane omake.
Opole omedo ni jaohala mane itemo kotino ne ochich emane ogo othothoriyo kendo ne omak jagono ma okete lwete obila.
Jagono ne oyie ni en achiel kuom kweth ma osebedo ka koto johala ebomano ma Awendo.
Opole owacho ni gitiyo machiegni gi obila mar temo mako joma moko manie kwethno.




Jolupo okwa mondo mii obed motang kaluore kod kwan momedore mar monj mag rao to kod nyang


Jolupo okwa mondo mii obed motang kaluore kod kwan momedore mar monj mag rao to kod nyang e seche ma pige mag nam lolwe medore
Ma en kwayo mogol kod jakom mar dho wedhe e kenya mangima migosi Tom Guda mawacho ni jolupo onego koro yang makare kuonde ma monj ma kama thoro timore ka ikonyo gi kod jogo maoselupo kuom kinde malach mago maoyango kuondema lee gi thoro monjo e jolupo kotingo nyaka kuonde ma gunyuolie
kanotwak gi nyakalondo mar Ramogi migosi Guda ne bende okwayo bad migao motenore gi weche mag lee mondo mii omany kendo nego mago mathoro chando jodak ka olero ni nyang mantiere e dho wath ma dunga osekelo midhiero mathoth ne jodak




Jii 410 osemak kod apisas mag obila e county ma Homabay kotenore gi rem mar luwo chike moket ne gayo landruok mar mihusi mar Corona


Jii 410 osemak kod apisas mag obila e county ma Homabay kotenore gi rem mar luwo chike moket ne gayo landruok mar mihusi mar Corona
Kaluore kod kamati maotenore gi weche mag kedo gi midhusi no e county no jii 264 ne omak kaluore ni ok girwako abuog rombe ka 146 ne ok orito chik mar seche mag wuoth mano curfew ka giduto ne ochwal gi e nyim doho
County kamishna e county no migosi Moses Lilan wacho ni apisas mag obila bende ne omako nyamburko 16 kod pikipiki 27 ma weg gi ne o k orito chike mag okum mag wuoth
Ne oyango ni gibiro dhi nyime gi mako kendo chwalo e nyim doho jogo duto maok luu chike go




Jii 137 oyud kod midhusi mar corona e buo seche 24 mokadho kuom jii 1,641. manopim


Jii 137 oyud kod midhusi mar corona e buo seche 24 mokadho kuom jii 1,641. manopim mano ma en kwan atamalo 8.3 mar jogo mopim
ma koro kelo kwan jogo moseyud gi midhusi ni nyaka 160,559
kaluore kod migao mar thieth jii mamoko 216, ne ochango mano makelo kwan jogo maosechango nyaka 109,077
kata kamano jii 18 ne owito ngimagi mano makelo kwan jogo mosewito ngimagi nyaka 2,781




Dichuo moro imanyo bang’ rodho nyathi jirande


Obila ma Migori luwo ndach jago moro ma itudo gi ketho mar goyo kendo hinyo nyathi jirande ma jahigni 5 e kar dak ma rejareja mani e sub county ma Suna West.

Wuon nyathino ma nyinge stephen otieno olero ni jagono ma hike ni e kar higni 30, nyo ogoyo wuodeno wira ni nyo wuodeo kanyakla kod osiepene mamoko nyo jotugo machiegni kod ode ni kendo kidi moro nyo nyithindogo obayo e ode.

Diana Rose ma en jaked ne ratiro mar oganda, olero ni nyo gitero nyathino osiptal ma kaeto ochwal lipot ne obila ma sani koro pedho jagono manyo oringo.




Obala ma Homabay omako clinical officer moro mawachore ni ne obambo miyo moro ekar thieth ma St. Pauls Mission Hosptal


Obila ecounty ma Homabay omako clinical officer moro maja igni 32 mawachore ni ne obambo miyo moro maja igni 33 mane odhidwaro thieth ekar thieth ma ST. Pauls Mission Hospital mantie boma ma Homabay.
Achijno matiyo ekar thieth no oyangi kaka Laban Otieno Obor, ne omaki kod obila bang miyono goyo riport etesend obila ma Homabay.

Wachore ni achijno ne ochuoyo miyono gi yath moro nyadiriyo, yadhno mabende pod ok oyangi, ban’ge otere eroom moro mar kar thieth no ,kar saa achiel odhiambo ma obambe.

Miyono maja nyithindo 4 wachore ni ne odhidwaro thieth ekar thieth no kane owinjo ka kore rame, ema apisano onyise ni mondo opiele ekar kende mondo eka timne nonro.

Comanda mar obila ecounty ma homabay Esther Seroney oyango ni jagono nomaki kawuono kama otiyeno , kabende owacho ni miyono pache ne oduogo mana kar saa aboro otieno mar tarik 27 dweni emane oyudo mana ka achijno onindo ebadhe kanyo e otanda achiel.

Seroney bende owacho ni liport mar laktar nyiso ni miyono ne obambi nyadinuoya kendo achij no koro ibiro tere doho kod keth mar bembo.




Jatich machon ekambi mar Rural Electrification Authority otere doho kod keth mar tiyo kod obok mabandia eyudo tich


Lilian Akoth Ochieng ma en jatich machon e kambi mar piny owacho kawuone ne otere doho marango weche mag mibadhi eboma ma Kisumo kendo ne odonjne kod keth 8 , bang kane omake ni notiyo kod obok mag somo mag miriambo.

Akoth ma en jatich machon mar Rural Electification Authority wachore ni ne oloso obok mabandia ma oyudogo do tich ekambino kaka jalup jatelo eyore mag nyieo kata supplies.

Akoth mane otere nyim Chief Magistrate Peter Gesora ne odagi yie kethogo kendo ne oweye thuolo gi rambun mar sh 200,000.

Dohono ne onyisi ni Akoth ne ochiwo nonro ma miriambo ni en kod Diploma E Management-Purchasing and Supplies koa e kar tiegruok ma Kenya Institute of Management.

Kendo ne ondike tich mane ochamo osara mar elufu 81, 719 dwe ka dwe ka on’geyo ni ne oyudo tijno kotiyo kod obok ma miriambo.




Kommity mar thieth e county assembly ma Homabay dwaro ni mondo othich oko jatend migao mar yore thieth ecountyno Dr. Richard Muga


Kommity ma ochungne rango chenro mag thieth ecounty assembly ma Homabay ogolo paro mondo mi ogol jatend migao ma ochungne chenro mag thieth ecounty no , Ngire Richard Muga.

Kommityno ma otelne kod MCA ma Kojwach Ward, Joan Ogada , owacho ni mondo ogol Ngire Muga kaluore kod yuothruok echenro mag thieth ekar thieth maduong ma Homabay County, ma itudo kod yore mibadhi to kod koso yore makare mag tiyo kod jotich ekar thiethno.




Miyo moro olal egweng ma Sagenya , subcounty ma Nyatike bang ndiko oboke kaka odwaro mondo opog mwanduge.


Anyuola moro egweng ma Sagenya , Sub Location ma Makasa e subcounty ma Nyatike koro jodak gi luoro bang miyo moro ma watgi maja igni 40 wuok apoya otieno mar tarik 22 mar dweni.

Jalup ruoth ma gwengno Vincent Otieno wacho ni miyono ma oyangi kaka Jane Auma mabende osebedo kod gwandruok mag familia ne owuok otieno mar 22 mar dweni ka familia mare ne nindo kendo pok oduogo nyaka kawuono.

Otieno wacho ni anyualano osebedo kamanyo miyono , kamana odiochieng manyoro eka nyo giyudo oboke mane miyono ondiko kaka mondo opogi mwanduge.




Japuonjre maja class 6 odere bang chuonyore gi min mare ewi wach simu mar on’gwe yamo


Japuonjre moro maja class 6 eskund primary ma Sagegi , esuna east sub county odere bang chuanyore gi min mare ewach simu mar on’gwe yamo.

Jalup ruoth ma gweng no Silas Ogutu owacho ni ringre japuonjreno ma maja iga 13 ne oyud ka oliero etol machieng ni dalagi.

Japuonjre no ne oringo olal odhiambo manyoro bang kane mine mare ne odhaune kendo buogo mar chwade nikech ne oyude gi simo mar on’gwe yamo mane ok on;geyo kuma ne ogole.
Esechego bende en ni jatend youths e ward ma Kwa Migosi John Odera bende okwayo jonyuol mondo jorang yore makare mar loso gi nyithindo ponono weche maka mago onyiedhore.