Category Archives: ramogi fm

Ruto kawuono ne odhi nyime gi kidho BBI


Jalup jatend piny Kenya laktar William Ruto kawuono ne odhi nyime gi kidho BBI kane owacho ni BBI ok en gima ochuno ahinya e piny Kenyaka gie sechegi

Kanomedowuoyo ewii wachno laktar Ruto nowacho gima ochuno e piny Kenyaka gie sechegi ma onegobed ni jotelo ma Kenyaka joketoe maino margi en wach dongruok kanowacho ni dongruok ema onegobed ni iketo nyime moloyo e pachoka gie sechegi maok wach BBIno

Kanowuoyo e County ma Embu kucho laktar Ruto nowacho ni nikech gombo nitie mar chiero ochumi mapachoka bang tuo mar Corona ketho ochumi ma piny Kenyaka onegobed ni jotelo mathurka joketo maino margi e weche mag dongruok kende gie sechegi maok dich gi goyo campaign ne BBI

Kanowuoyo e kanisa mar Moore Catholic Church Kairuri Parish mabende ne odhi yuagoe familia mar jatend oganda jokopere mapachoka Cardinal John Njue kuom tho mar nyamin Njue nogono laktar Ruto nowacho ni wach sieko mar BBIno osemono piny owacho mar Jubilee e timo chenro meke mag dongruok ne jopiny kabende ne osingo ne oganda ma Embu kuno ni piny owacho ohikore mar biro tieko wach gedo mag apaya makono

 




Magoha kawuono ogolo siem ni onge janyuol moro amora kata jafuamb weche ma ibiro yiene nyono skunde mathurka gi tiegi


Migao mochungne yoore mag somo kawuono ne ogoo dhoge piny kamedo lando ni onge janyuol kata jafuamb weche moro amora ma ibiro yiene nyono school moro amora e pachoka gitiende gie sechegi maok oyudo thuolo mowuok kuom apisas mag migao mochungne somo

Magi ne olandi kod jatend migao mochungne yoore mag somo e pachoka ngire George Magoha

Kanowuoyo e romo mane obedo godo gi jofuamb weche ngire Magoha nowacho ni ne gichopo e paro mar tamo jonyuol gi jofuamb weche e nyono skunde gi tiegino kaka yoor geng’o landruok mar midusi mar Coronavirus kod bende geng’o weche mag kuo mag penj kanowacho ni jofuamb weche ibiro mana yienegi nyono skunde gitiegi kagitenore kod apisas mag migao mochungne yoore mag somo




Miyo othoo e pii


Miyo moro othoo e pii e Nam Lolwe gi e dhoo wath ma Dunga mani e sub county ma Kisumu central e county ma Kisumu kane rik otemo goyo abal.

Miyono ma nonro mare pok oyangi malong’o, yangore ni nenore ni omer e seche manyo ochopo e dhoo wadhno ei otieno ma piny orugo kawuono.

Benard Oluoch ma en janeno, okoo ni miyono ochikore ei nam okinyi ma kawuono kendo temo goyo abala ma kaeto teko pii odhi ohewe mothung’e.




Buche mag kunyo goldi mago maosejwang kelo luoro mathoth e sub location ma Kanyasrega sub county ma Awendo


Buche mag kunyo goldi mago maosejwang kelo luoro mathoth e sub location ma Kanyasrega sub county ma Awendo

Ma en kaluore kod jalup ruoth e gwenge  go migosi Ezekiel Omire Okeyo mawacho ni jodak e gwenge go nigi luoro kaluore ni odiochieng achiel kende mokadho miyo moro ma jahigni 26 maoyang  kaka Rose Awino ne owito ngimane e buchego e kinde manotemo manyo goldi.

Migosi Okeyo wacho ni mosenindo ne oyudo wuotho e buche go ka omanyo kite manyalo bedo kod goldi kama ne okier kendo lwar e achiel kuom buchego maneosejwang

Ne odhi nyime gi kwayo jodak mondo mii obed mabor gi buchego ka gin mago mabiro kelo midhiero mathoth .




Abuog Rombe ne Jopuonje to kod Jotich mag skunde


Jaohala to kendo director mar Omega Foundation laktar Joshua Oron ochiwore mar chiwo abuog rombe manono e skunde duto mantiere e kar chung od bura ma kisumu central e kindeni ma skunde oyaw

laktar Oron oyango ni abuog rombe gi ibiro chiwo ne jopuonje to kod jotich mag skunde e primar duto to Kod sekondar kaka yoo mar gengo landruok mar midhusi mar corona

Ne odhi nyime gi kwayo jotelo maoyier mondo orure mapiyo mar neno ni omenda mag bursary ochiw ne nyithindo ka oyango ni ma e seche ma owinjore chiw gi ka gibiro konyo jonyuol e chulo fees bang midhusi mar corona tucho ofuke mathoth e kinde ni ma ochumi okethore




Jodak ma boma ma Rongo okwaa mondo jokony e keto ler e bomano


Apisa mochungne weche mag loo kod chano chenro mag dongruok e muspal ma Rongo e County ma Migori migosi Craft Otieno kawuono ne okwayo jodak ma boma ma Rongo kod jo ohala makuno mondo okony piny owacho e yoore mag choko taka

Kanomedowuoyo ewii wachno migosi Otieno nowacho ni keto boma ma Rongono mondo mi obed maler ok en tij piny owacho kende kowacho ni kata mana jopiny bende jonegobed ni jokao mano kaka ting margi mar neno boma margino obedo maler

Nowacho ni jopiny bende jonegobed ni joneno ni taka ma gigolo e utegi kata e kuondegi mag ohala owiti kuonde mowinjore witgie kata terogi kuonde ma onegobed ni iterogie

 




Jii maromo 130 ne joyudo midusi mar Coronavirus ei kawuononi


Jii ma kwan gi romo 130 oyudi kod midusi mar Coronavirus ei kawuononi makoro kelo kwan jogo duto ma joseyudo tuono e pachoka chopo jii 95,843

Magi ne oyangi e tuak mane oorne ute fuambo gi keyo gi migao mochungne yoore mag thieth e pachoka mabende nowacho ni jii 130 go ne oyudi bang pimo jii ma kwan gi romo 1,973 ei seche 24 moko mokalo

Bende ne olero ni nitie jii 2 moko mane tuono onego ei kawuononi makoro kelo kwan jogo duto ma tuono osenego e thurka chopo jii 1,655




Oganda ma Kisumu omi chik mager ni kik jotem ketho chike mag Corona e kinde nyasi mar Christmasni


Jalup governor ma Kisumu laktar Mathew Owili kawuono ne ogolo siem mager ne oganda ma County ma Kisumu kuno ni kik jotem ketho chike mane oketi mag kedo gi midusi mar Coronavirus e sechegi makoro nyasi mar Christmas kiny chakoreeni kaeto ibiro luwe gi nyasi mag yao higa manyien mar 2021

Kanomedowuoyo ewii wachno jatelono nowacho ni giseketo akicha jothieth mabirobedo kawuotho e kor gwenge kendo puonjo jopiny ewii ber rito chike moketi mag rakruok gi Coronago




Jatend obila ma County ma Siaya Francis Kooli okumo thumbe mag disco kod chokruoge mag alam motieno


Jatend obila ma County ma Siaya migosi Francis Kooli kawuono koro ne olando ni ok gibi yie mondo dhano jogoo disco e County ma Siaya kuno e kinde nyasi mag Christmasni kaachiel bende gi lando ni kata mana chokruoge mag alam ma otieno bende gikumo e Countyno e kinde nyasigo

Kanomedowuoyo ewii wachno migosi Kooli nowacho ni ng’ata ng’ata ma ibiro yudo ei kanisa gotieno ibiro mako kendo ibiro donjone gi ketho chike mag curfew

Bende jatelono nowacho ni katamana nyasi moko ma ibago ma jii yuoroe mang’eny bende okum kowacho ni kuonde machalo kamago ema tuo mar Corona nyalomedo landoree




Governor Nyong’o kawuono ne oyao ayanga chiro ma Kombewa


Governor ma Kisumu ngire Anyang Nyong’o kawuono koro ne oyao ayanga chiro ma Kombewa ma geto ting’o malo yoore mag ohala e gwenge mag Kombewa kuno

Kanowuoyo e seche mane oyawoe ayanga chirono mabende gedo mare omuonyo omenda maromo silings million 35 , ngire Nyong’o nowacho ni chirono mabende ne ogone budget mar gero kendo gedone iwacho ni ne oduog okwamo e kinde governor mokuongo migosi Jack Ranguma igeno ni biro konyo ting’o malo ohala ma gwenge mag Seme kono

Kanomedowuoyo ewii wachno Nyong’o nowacho ni chirono en achiel kuom chenro mag dongruok mane osingo ne oganda e manifesto mare ni obiro timo -mano e kinde mane ogoye campaign mage

Jatelono newuoyo Kombewa kuma bende ne owachoe ni chiche machalo kamago ibiro gero e bombe mamoko ma County ma Kisumu kuno kaka Ahero , Maseno , Katito kod Muhoroni