Category Archives: ramogi fm

MALOYO SIKUNDE 176 NIGI MIDHIERO


 

MALOYO SIKUNDE 176 MAG JII GIWEGI E KUONDE DAK MONGOHORE MA KIBRA  KOD LANGATA, NI E MUDHO KOTUDORE GI WACH YEPO MAR SIKUNDE KALUWORE GI CHIKE MANYIEN MA SANI OKETI GI PINY OWACHO  KAKA YOO MAR KEDO GI LANDRUOK MIDHUSI MAR CORONA.

KALUWORE GI JAKOM RIWRUOK SIKUNDEGO CHARLES OCHIEL,  SIKUNDEGO OSEKONYO MOKALO E DONGRUOK MAG SIKUNDE MA THURKA. ERIC OWENGA KETOWA E LER.




JII233,000 OSEWITO TIJEGI NYAKA NE KORONA CHAKRE


KWAN JII MOHING 233,000 NOWITO  TIJEGI E BUO DWEVHE AUCHIL MOKALO NYAKA NE TUO MAKOCH MAR CORONA NYNYRE E PACHO KAE. MAERI EN KALUWORE GI JATEND MIGAO MAR LEBA SIMON CHELUGUI

KANOLOSO GI RADIO RAMOGI, CHELUGUI NOWACHO NI OKENGE MOWINJORE IBIRO KAWO MAR NENO NI JOK MANOWITO TIJEGIO OYUDI KENDO.

NOWACHO NI EN GI GENO NI SECTOR MAR LIMBE KOD MAMOKO MANONDIKI JII MATHOTH BIRO CHIER MAPIYO KAPONI KAKA LANDRUOK MAR TUONO OSECHAKO DOK PINY E THURKAENI NYALO DHI NHYIME

NOKWAYO KEMBE MA BENDE NOSENGADO OSACH JOTICH KOD MAGO MANOCHUNGO JII E TICH NI MONDO ONDIK JOTIJGO KENDO KOWACHO NI  GIMANY YORE MAMOKO MANYALO YAWO THUOLO MAR TIJE.




NODAGI NDIKO DUOND BUCH TANGATANGA


JANDIK DUOND BUCHE MAG SIASA E THURKA WACHO NI NODAGI NDIKO DUOND BURA MAR TANGA TANGA NIKECH NYING CHAMANO GALAGALA KENDO NI KENDO KALUWORE GI CHIKE, NE OK ONYAL NDIKO CHAMANAO KAOK NE OLOK NYINGNO.

BENDE OLERO NI NODAGI NDIKO DUOND BURA MAR COAST PEKEE NIKECH PEND CHIK NAMBA ABORO OTWEYO LWETE E NDIKO DUOND BURA MOTENORE E ALUORA ACHIEL KOWACHO NI NYAKA DUOND BURA BED MANO MA ONYWAKO KENYA MANGIMA.

 

NOKWAYO JOSIASA MAGETO NDIKO DUOND BUCHE MAG SIASA NI MONDO JOSOM CHIKE MATAYO NDIKRUOK MA KAMANO MAOK NI NGATO BET TO CHUOGO NYIK MAOK ONYISO ACHIEL MAR JOKENYA.

NOWACHO NI BENDE DUOND BUCHE MADWA DHI E YIERO E TWECH ACHIEL NYAKA LOS MANIFESTO ACHIEL MA GIN DUTO GIDHI LUWO.




MIYO MORO OROCH RATIRO MARE MMBASA


MIYO MORO MANYOCHA CHUORE OGOYO MOMUKO LAKE E KAR DAK MONGOHORE MA KIDOGO BASIE EOD BURA MA NYALI MOMBASA KORO KWAYO PINY OWACHO MONDO MI OJOLE MONDO MI KAW OKANG NE CHUORENO.

MAGI NE OWACHO BANG RINGO KENDO NINDO EKO E THUOLONMAR NDALO ABICH GI NYATHINE MATIN MAJADWECHE ADEK MOKONI CHUORE NO MAJAKONGO NE DWARO DEYO.




ngA’TO ODERE BANG NYUOMO CHIEGE TAMORE


JAL MORO MA JA HIGNI 36 BANG OMIN MARE TAME USO BATH LOPGI MANYODWA USO MONDO MI OYUD OMENDA MAR DHI NYUO,O CHIEGE E GWENG MA CHIGA, EI KANYACH KACHAR LOCATION E SUB COUNTY MA HOMABAY TOWN.

MOSENINDO MOSEYANGI KAKA PETER OTIENO NODERE GI TOND TUORO E YADH MAWEMBE MORO E DLAGI KANYO BANG OMIN MARE TAMORE WINJO KWAYO MARE. RUOTH MA KONO BERNARD OMUGA, NLERO NI MOSENINDO NOSEWINBJORE GI MIN MARE NI MONDO OUS BATH LOPNO MONDO MI ONYUOM JAODE BANG KAOCHE SUNDE MONDO ONYUOM NYAKONO MANOSEBEDO GODO HIGNI 10.

OMUGA WACH NI JALO JAODE NOWUOK ODOK THURGI GI NYINDO ADEK TO KANODUOGO TO NYOWACHO NI JONYUOLNE DWARO NI MONDO ONYUOME MAPIYO , OKANG MANOMIYO MOSENINDO OLOSO GI MIN MARE OPOGNE BATH LOO MONDO OUSI ONYUOM GODO JAODENO.

RUODHNO WACHO NI JALO NOSEYUDO JANGIEWO MANYOBIROGO DALA NYORO EMA KAETPO OWADGI NORIEMBO JANGIEWONO GINO MANIMIYO JALO OJOK OKAW NGIMANE.

MOTELO NE DERE, JAL NYODHI IR MIN MARE GI ICHWANG KOKONEGI NI OWEYO NEGI LOPNO GIDAGIE. RINGRE NOTER HOMABAY MORTUARY.




JODAK MOMBASA WACHO NI DHENGRUOK NITIE E KEDO GI KORONA


 

Jodak e kaunti ma Mombasa koni mijingo manyocha oketi e kauntino mar kedo gi midhusi mar corona chalni odok chien malich mokalo kipimo kod kinde mane midhusino ochakore e pachoka.

Gikoni masinde mag kuoyo yath mane okwor kuonde mathoth ei Mombasa kaachiel kod tanks kod mfereji mag logo sani thothgi okethore kendo onge ngama dewo losogi.




MENYO MAR NYATHI MANYOTHO E PII AORA KUJA CHAKORE KENDO OKINYI


MENYO MAR RINGRE ACHIEL KUOM NYITHINDO ARIYO MA NYIMEGE MANYOGADO PII E AORA KUJA E GWENG MA ONDITI EI KOGUTA LOCATION E SUB COUNTY MA NDJIWA NYORO, CHAKORE KENDO OKINYI MA KAWUONO.

CHENRO MAR MANYO RINGRE NYOCHUNGI ODHIAMBO MOKALO KALUWORE GI MUDHO MANYODONJO KAACHIEL BENDE GI KOTH MANYOMEDO GOYO ALUORANO GODHIAMBO.

JANET AKOTH MA EN JAPUONJRE MA GRADE ONE ONDATI PRIMARY SCHOOL,  NYOGADO PII EN KAACHIEL KOD NYAMIN MARE  WINNIE AWINO MA JA HIGNI 15, E SECHE MANYO GIDHI LUOK E ALORANO BANG LAGO JAMNI , TO KATA KAMANO RINGRE WINNIE NYODOK OYUDI MANA E SAMA MENYO NYOCHAORE KA MANO MAR JANET TO POK NYOYUDI.

RUOTH MA ALUORANO MIGOSI GEORGE AWUOCHE, NOLERO NI JODAK MA KONO JOGOO TACH E DHO AORANO KA MENYO MA KAMANO OSECHAKORE KENDO.

NOLERO NI NOCHUNO NI ANYUOLA MAG NYITHINDO ARIYOGO MONDO ONIND OKO E KOYO E DHOO AORA KANYO KALUWORE GI KAKA CHIK DWARO  NYAKA YUD RINGRUOK MOLAL E PII NO.

WUON NYITHINDGO NYORO OLERONWA KAKA MASIRANO NYOTIMORE.




RAILA ROMO GI JOTELO MAG ODM MOMBASA


OGAI MAR DWOND BUCH ODM MIGOSI RAILA ODINGA KAWUONO BIRO BAGO ROMO GI JOKANYONO MAG DWOND BUCH ODM E BOMA MA MOMBASA. E ROMONO MA IBIRO BAGI WILD WATERS CENTER MIGOSI RAILA MA IBIRO TEN GI GAVANA MA MOMBASA HASSAN JOHO IGENO NI BIRO LOSO EWI WECHE MAG DWOND BURANO TO KOD WACH BBI.

MAA TIMORE BANG MIGOSI RAILA BAGO ROMO MAKAMAGO E KAUNTI MA TAITA TAVETA KOD KAUNTI MA KWALE KUMA BENDE NE OCHAKO TIMO KAMPEN MAR GOYO DEBE NE WACH BBI.

ROMO MA MOMBASA IGENO NI BIRO CHAKORE KAR SAA ABICH MOKINYI EODIOCHIENG MA KAWUONONI.




PIDHURU RECH MATINDO MIUSO NE JOPITH


JOPUR KOD JOPITH MA SIAYA OKWA MONDO JONE NI OCHAKO PITH MAR RECH MATINDO MIUSO NE JOPITH MAR NENO NI NWENGO MARGI OMEDORE KALUWORE GI DWARO MA JATEND MIGAO MAR PUR E COU NTY MA SIAYA DR. ELIZABETH ODHIAMBO, OWACHO NI BEDO NI NITIE CAGES MOHINGO 2,000 E ALUORANO, DWARO MAR RECH MATINDO MIPIDH KORO NI MALO MOKALO.

NOMEDO NI KWAN JOPUR KOD JOPITH MA SNAI USO RECH MATINDO POD NI PINY KA KUOM MANO DWARO NITIERE MAR NENO NI OMED KWANNO.




KUONDE SOMO MA MALO POK OIKORE NE YEPO–MAGOHA OLERO


MANA COLEGES ADEK KENDE MAPUONJO TIJE MAG LWEDO EMA OSEIKORE NE YEPO KENDO . ADEKGO GIN NYERI NYERI NATIONAL POLYTECHNIC, RIFT VALLEY TECHNICAL TRAINING INSTITUTE KOD THE ELDORET POLYTECHNIC.

KALUWORE GI JATEND MIGAO MAR SOMO NGIRE GEORGE MAGOHA, MANOTIMO LIMBE MAR NONO CHAL MAR IKRUOK E KAR TIEGRUOK MA NYERI, , NOWACHO NI ATA MALO 40 MAR KUONDE TIEGRUOK MAPUONJO TIJE LWEDOGO OSEGIK CHOPO E RANGINY MIDWARO MAR YEPO KENDO.

KATA KAMAN MAGOHA NOWACHO NI SIKUNDE MAG PRIMAR KOD MAG SECONDAR IKRUOK MAR YEPO MARGI POD NI MABOR.
MAGOHA NOWACHO NI POD OBIRO MEDO TIMO LIMBE E KUONDE TIEGRUOK E SECHEGI MA PINY OWACHO MEDO TIMO IKRUOK MAR YEPO MAR SIKUNDE MA THURKA.