Category Archives: ramogi fm

Piny owacho mar County ma Kisumu dwa chungo wuodhe mang’eny madhi e headquarter mar Countyno


Piny owacho mar County ma Kisumu koro ong’ado ni gidwa duoko piny wuodhe mang’eny madhi e headquarter mar County ma Kisumuno kaka achiel kuom okenge mag nyago midusi mar corona

Magi ne oyangi kod jalup governor ma Kisumu kuno laktar Mathew Owili mane owacho ni giseng’iso jotij Countyno mondo jotii gie utegi maok gidhi e kuondegi ma gitiye e sechegi ma piny owacho mar County ma Kisumuno dhiye nyime gi rakruok kod muoch mar 3 mar tuo makochno mabende otisi gi dho ngere ni third wave

Kanomedowuoyo ewii wachno laktar Owili nowacho ni paro mar duoko piny wuodhe moko mang’eny ma dhano thoro dhigo e headquarter mar County ma Kisumuno en gimane owuok kuom governor ma Kisumu owuon ngire Anyang Nyong’o mane neno ni tamo jopiny kod jotich mag Countyno e thoro dhi e headquarter kuno kaka yoor geng’o landruok mar tuono

Nowacho ni chik ma oketino ibiro luwo nyaka e apise duto mag Sub Counties e County ma Kisumuno ma ibiro nenoe ni mana jii matin kende ema jowendo apisego maok dhano turi madhi dhungore kuondego

Kanowuoyo e boma ma Kisumu e seche mane osidhoe ayanga centre moro mar corona e kar thieth ma Kisumu County Hospital , laktar Owili nowacho ni mana bede migepe moko manok e bad migao mochungne yoore thieth e County ma Kisumuno ema birotiyo

 




Jobodaboda ma ok okendo idhi riembi e riwruok


Riwruok mar jobodaboda ma Kakaro bodaboda Riders Association koro ochiwo ndalo 7 kende ne jokanyo maggi ma onge ute, opande kod mago ma pok okendo mondo jonee ni obedo gi mago duto ma ka ok kamano to idhi riembogi lep lep e riwruogno.

Tend riwruogno wacho ni giyudo tich matek e riwo kanyakla gi jogo ma onge opande, mago ma pok ogedo kod ma pok okendo, nimar gikelo midhiero mathoth ne riwruogno.




Obila ma Kisumo timo apedha ne chukdar 6 kaluore kod kuo mar million 2.7 ekambi moro man Kibos


Obila ma Kisumo koro jotimo apedha ne chukdar 6 ma ichich godo ni jotudore kod kuo mar omenda maromo million 2.7 mane okwal factory moro man Kibos egweng ma East Kolwa.

Comanda mar obila ecounty ma Kisumo Samuel Anampiu wacho ni chuk dar 6 go rito ekambi mar Abbysinia Iron and Steel Factory mantie apaya ma Kibos.

Anampiu wacho ni apis mar factorino ne otur kawuono ma okwal omenda go mane otim ouso egiko odira. Kabende omedo ni achiel kuom manegers mane orik odhimana e apis kawuono mar rango chal mar office ne oyudo ka omendago onge ma obedo gi buok , ka oluwo ni achiche 6 go onge kata ekuondegi magidake ka kata simbegi bende olor kendo koro imanyogi kod ofwamb kich.




Jago moro ma ike nie diere ochodo wich dagi ma otin’go otere tesend obila ma Kisumo Central


Jago moro ma ike nie diere mawuoke gweng ma kilo, ei Nyalenda, esubcounty ma Kisumu Central ochodo wii dagi ban’ge oketo wijno e okapu ma otere tesend obila ma kisumu central.

Tim maka ma , nomako dhoo jogo mane nie tesend obilano ka ,jagono ne onyiso achiel kuom obila mondo oyau okapuno to ka obilano yelo to oyudo mana wich dhano ma oboo.

Achijno okau kod obila kendo gidoke gwenge mag Kilo kuma masira maka mano notimore mondo okau ringre dayono.
Pod ok oyangore gima omiyo jagono mawachore ni nie igni mag 20 gi badhe ne otimo tim maka mano ,magweno kuro.




Onge tin’go kata loro jowuoth e apaya manie chuny boma ma Migori


Jakom riuruok mar weg matatu ecounty ma Migori George Rarieda onyiso weg matatu duto ecountyno mondo joneni olure kod chike ma oketi makumo tin’go kata loro jowuoth echuny apaya mag boma ma Migori.

Rarieda wacho ni gisefwenyo ni weg matatu moko ok lure kod chikego mabende ne ogol kod riuruogno dwe achiel mokalo,ka omedo ni ok gibiyie kod weg matatugo.

Rarieda bende owacho ni gibiro tiyo machiegni kod apisas mag county kod mago mag piny owacho mamalo mar neno ni chikego oluruok kodo ka oluwo ni ok gibiriwo lwedo matatu mora mora ma oyud ka oketho chikno.
Romo mane otim tarik 3 mar dwe mokalo, mabende ne oyuore kod Gavana ma Migori Okoth Obado, County Komishona Boaz Cheriutich to kod tend riuruok mag weg matatu ecountyno, ne joyiere ni onge tin’go kata loro jowuoth e apaya manie chuny boma ma Migori.




Joma odak gi n’gol esub county ma Nyando ywak ni ojwang’ gi , gi piny owacho ma Kisumo


Jogo ma odak gi n’gol e ward ma Kabonyo Kanyagwal esub county ma Nyando wacho ni gin jogo ma koro wich owil godo kendo piny owacho mar county ma Kisumo ojwan’go gi echenro ma opogore opogore ma countyno timo.

Jagoro mar jogo ma odak gi n’gol e ward no Joseph Okoyo wacho ni koro ochuno mondo gilos riuruok mar neno kaka ginyalo chopo dwaro mag gi.

Okoyo wacho ni giseneno jwang maka mano kata mana emidhiero mag pii mamuomore mar ohula mane odaro jii egwenge go kaka jogo ma odak gi n’gol oseneno matek.

Okoyo mane oloso kod radio ramogi owacho ni migao ma ochungne jogo man kod n’gol bende oruuu mapiyo chenro mar ndiko jogo man kod n’gol ecountyno mondo gibed kod nonro manyalo konyo kata echenro mag budget




Ji ariyo ma ichich godo ni gin jonek onegi ma owang Got Ramogi Sublocation, Bondo sub county


Ji ariyo ma ichich godo ni gin jonek ne onegi ma owang kod jopiny egweng ma masiwo , mantie Got Ramogi sub location esub county ma Bondo.
Achiche ariyo go ma oyangi kaka Kevin Otieno kod Joshua Ooko ne owang kod jopiny mane nikod ich wang bang kane wachore ni ne ginego Paul Otieno Oyola.
Jalup ruoth ma gweng no Joachim Magowi , wacho ni achije ariyogo ne wachore ni ne onego Oyola mabende dalane ni machiegni kanyo eka giywayo ringre gitero mabor mita 200 gi dalane.
Magowi wacho ni ne oyudo wacho ni nitie ringre jal ma okwany ka otho ,to kane gitemo nono kanyakla kod obila mane otemo luwo , to ne oyud mana ka kido mag remo owuoke varanda mar jago mane onegino , ranyisi ni ne chal kagima onege edhode eka oter ringre mabor.
Jopiny mane nikod ich wan’g ne ohewo obila kod teko mane gidonjore kuom achije ariyogo mane wachore ni emane onego Oyola gi goch ma ginego gi kanyo gi kanyo.
Ringre jago mane onegino kachiel kod achije ariyo go ne otere kar kano ringre ma Bondo sub county hosptal esama nonro pod dhinyime.




Japuonj moro mapuonjo Ragana pri School otho e tesend obila ma Ragana, subcounty ma Suna West


Familia moro egweng ma Ragana , esubcounty ma Suna West koro dwaro mondo otimane nonro malon’go ewi tho mar japuonj moro mapuonjo Ragana primary mane othoo etesend obila ma Ragana mantie esub county no.

Risanela Akelo ma en min japuonjno wacho ni wuode majapuonjno manyinge Henry Wanga mabende pod ok on’geyo kaka ne ochopo etesend obilano otho eyo mapod ok oyangi kaka ka odwaro n’geyo gima ne okelo tho mar wuodeno.




Obila timo apedha ne japuonj moro mane puonjo Nyamaharaga sec. mawachore ni ne obambo japuonjre maja igni 15.


obila esubcounty ma Kuria West kajoriwore kod apisas e migao mag nyithindo koro jotimo apedha ne japuonj moro mapuonjo Nyamaharaga sec school mawachore ni ne obambo japuonjre maja igni 15 masomo bworera primar.

Apisa mar nyithindo esub county no Migosi James Omondi owacho ni japuonj no maja igni 30 wachore ni ne obambo japuonjre manyakono dwe 12 iga mokalo. Migosi Omondo wacho ni japuonjno ne oringo ma okalo boda modhi e piny limbamba ma Tanzania bang fwenyo ni ne imanye.

Omondo omedo ni ne gindiko oboke ne duol ma ochun’gne ndiko jopuonj epachoka TSC kendo gimor ni duondno ne ochungo japuonjno etich, kendo omedo ni gidwaro ni japuonjno omaki kendo otere doho.




Jii ariyo mane nie apiko owito ngimagi e apaya ma Kisumu –Ahero


Jii ariyo owito ngimagi bang kane otuomgi gi lorry e Namba Orongo e apaya ma Kisumu Ahero.

Jii ariyogo mane jonie apiko kochomo Kisumo owito ngimagi kanyo gi kanyo emasirano ma otimore kar saa achiel odhiambo, ka lorrino to neringo ka ochomo komachielo.

Obila mag traffik mane ochopo mapiyo piyo ekar masirano ne obedo kod tich matek mokalo kaluore kod dhungni mag nyambruko mane okwako apayono kaluore kod masirano.

Ringre jii ariyogo mapod ok oyangi otere kar kano ringre ma Jaramogi Oginga Odinga Teaching and Referal Hosptal.