Category Archives: ramogi fm

Yedhe Covid-19 odonjo kowuok Denmark


Piny Kenya oyudo yedhe mag kedo gi midhusi mar coronavirus; yedhego mag kido mar Oxford Astrazeneca maromo dose alufu 360 owuok e piny Denmark.

Kontena moting’o yedhego nyo omolo e pachoka otieno ma piny orugo kawuono kendo nyo orwake gi jodito mag piny owacho kotelenegi gi jagoro mongirore e migao mar thieth susan mochache, jalup jatend migao mar weche ma oko migosi Ababu Namwamba, apisas mag riwruok mar thieth kod ngima oganda who e kind mamoko.

Mikayi Susan Mochache ma oloso e paw ndeke ma Jomo Kenyatta bang’ rwako yedhego e pachoka, okoo ni yedhego biro konyo mokalo e chiwo chanjo ne jopiny.




Ringre jariemb boda boda mane olal e subcounty ma Rongo oyud epuoth niang


Jariemb boda boda mane olal dwe achiel mokalo esub county ma rongo ne oyud ringre kawuono ka odong choke epuoth niang , egweng ma Kagoro , location ma East Kamagambo, e sub county ma Rongo.

Owadgi jariemb bodano , Erick Omondo Ogutu owacho ni owadgino ma oyangi kaka Fred Ochieng maja iga 39 ne olal tarik 30 dwe mar 4 igani kendo gisebedo kagimanye nyaka kawuono, emane oyud ringre epuoth niang.

Omondi wacho ni owadgino ne onee mogik eboma ma Rongo tarik 30 dwe mar 4 , kane odhinyime kod tije mar goyo boda boda kane pod ok olal. ka koro gichich ni ne onege kasto ringre ojwang epuoth niang kanyo ka kata apiko mare pod ok oyudi nyaka sani.

Ruoth ma gwengno migosi samwel magambo oyango wachno kendo owacho ni nonro osechak timo.




Obado ochopo e nyim senate


Gikone gavana mar county ma Migori Zachary Okoth Obado ochopo e nyim komiti mar od bura mar senate ma ng’iyo kaka itiyo gi omenda jopiny.

Migosi Obado nyocha oluongi gi komitino mondo mii ochopi kawuono ma ok olewo bang’ ka dwee mokalo ne orem ma ok ochopo kata bang’ kane osemiye milome.

Komitino nyocha nikod penjo ewii lipod odita jener ka achiel kuom weche nen ni tend county ma migori ne orem ma ok ochiwo oboke moko ma dwarore ne apis odita jener mondo mii ne non kaka itiyo gi omenda e piny owacho mar migori.

Gavana Obado kata kamano okoo ni ne oluwore gi okenge mag kedo gi midhusi mar coronavirus nimar hike thoth ne 58 kendo ne ok onyal chopo e apise dhii kawo obokego mondo mii ochiwgi.




Laktar Amoth ne oguel kaka jakom board maduong mar WHO


Riuruok mochungne weche mag thieth e bwo piny mangima -World Health Organization -WHO- kawuono ne oguelo Director makojolo e migao mochungne yoore mag thieth e pachoka laktar Patrick Amoth kaka jakom board maduong mar riuruok mar WHO no

Magi ne oyangi kod jatend migao mochungne yoore mag thieth e riuruogno laktar Harsh Vardhan mane otimo lendono e romo mar 149 mar board mar riuruok mar World Health Organizationno

E dwe mar 5 mar higa mokalo , laktar Amoth ne oyier kaka jalup ker mar board maduong mar riuruok mar World Health Organizationno – e lemo mane odhi bede kuom higni ariyo

 




Regional Commissioner ma Nyanza koro ne owuoyo ewii ikruok moseketi ne Madaraka Day


Regional Commissioner ma Nyanza migosi Magu Mutindika kawuono koro ne oyango ni giseketo okenge duto mag biro thiro landruok mar tuo mar corona e kinde nyasi mag Madaraka Day ma higani ma obiro bago e boma ma Kisumu -kowacho ni giketo okengego kaluwore gi wach jimbruok mag landruok mar tuono

Kanomedowuoyo ewii wachno migosi Mutindika nowacho ni gibironeno ni alap ma Jomo Kenyatta International Stadium man Mamboleo Kisumu ma ibiro bagoe nyasino obiro oluwo chike duto mag kedo gi tuono kod neno ni welo duto mabiro dhi kanyo chiengno jobiro oluwo chike mag kedo gi tuono bende

Kanowuoyo e boma ma Kisumu jatelono bende ne oyango ni yoore mag arita osehiki mogik tik e boma ma Kisumu kuno ka iikruok ne nyasino.

 




Apisas mag EACC kawuono ne omonjo apise piny owacho ma County ma Nyandarua


Duol makedo gi mibadhi e pachoka -Ethics and Anti Corruption Commission kawuono ne jomonjo apise piny owacho ma County ma Nyandarua man Ol Kalou mar manyo obok moko ma giduaro ni okonygi e nono wach mibadhi mar omenda maromo silings million 55 miwacho ni ne ocham kokalo kuom orage moko mane ochiu e yoore moko mogwenyore gi duaro mar dound chik

Obila mag okwach kich mag duol mar Ethics and Anti Corruption Commissiongo ne jomonjo apis governor ma Nyandarua kuno migosi Francis Kimemia , monjo apis jatend migao mochungne omenda e Countyno Stephen Njoroge kod apis jogoro mag Countyno mane gikawoe obok buora mag konyo timo nonro ewii wach mibadhino




Jodolo ma County ma Kisumu kawuono jokwedo lweny manyocha omuoch e yiero moko ma adundo mathurka


Moko kuom jodolo ma County ma Kisumu kawuono ne joseyo malit mokalo wach lweny manyocha omuoch e yiero moko ma adundo manyochane otim e thurka nyochani kagiwacho ni ok ginyal gombo kata matin mondo lwenje machal kamago obedie e pachoka

Jodologo mane rik joromo Kisumu kawuononi mar lalruok ewii weche mag nyayo kwee e County ma Kisumu kuno e sechegi makoro dhano jong’iyoe wach yiero maduong ma hik 2022ni ne jokwayo jotelo mapachoka mondo kik joyie Kenya odogi e lweny moko ma tok yiero mane giseayego

Arch-bishop Winnie Owiti mar kanisa mar Voice of Salvation and Healing Church nowacho ni ok onego jotelo mathurka joyie ni Kenya dok e lwenje moko machal gi mane bedo e yiero moko mokalogo

Kanomedowuoyo ewii wachno Bishop Owiti nowacho ni migao mochungne arita kwee e pachoka koro nyaka wuog oko mar neno ni arita mar oganda obedo makare kendo jogoo ombulu bende arita margi obiro obedo makare e yiero duto mapachoka

Jadolono nowacho ni yiero ma hik 2022no koro okayo maok onegobed ni iyie tulo moko machal gi manyocha omuoch e yiero ma adundogo ni birobedo e yiero maduong ma higa manyienno

Ne okwayo oganda jokenya ni jonegobed ni jotiyo kod mosruok mane obedo e kind jatend piny Kenya migosi Uhuru Kenyatta gi ogai mar ODM migosi Raila Amolo Odinga mabende ne okelo kwee e thurka e neno kwee obiro obedo e yiero ma hik 2022no maonge dok chien e ngima mamoko mag lweny ma higni moko mokalogo

 

 




Japuonj mar Manyonge Pri. sch e sub county ma Bondo , omadho sum ma otho.


Lit kod kuyo okwaKo jogweng kod skund primary ma Manyonge e sub county ma Bondo kaluore kod tho mar japuonj moro mapuonjo eskundno mawachore ni ne okao ngimane ka omadho sum.

Japuonj no ma oyangi kaka George Otieno Abor ne olalo ngimane kama ne odhinyime gi yudo thieth, Bondo sub hosptal bang kane oring kode ekar thieth kanyo kane wachore ni omadho sum.

Ruoth ma Bondo Townshiop location Migosi Walter Omolo , owacho ni japuonj no osebedo gi gwandruok gi min ode ma osebedo kan’gur ni japuonjno ok osebedo kasiro familia margi.

Omolo owacho ni nyadin’geny osetemo thego gwandruok ekind japuonjno gi min ode , ka omedo ni japuonjno bende ne oyangone ni en kod pek mag omenda , ka ochich ni mano ema omiyo nyalobedo ni okaone ngimane.
Omolo oyango masirano , kata kamano, owacho ni japuonjno ne ok oweyo oboke manyiso gima omiyo okao ngimane ka omedo ni nonro osechak timo ewi wachno.




Jagomoro ojuk randoo ka rocho ratiro mar nyathi moro maja iga 9 ekar dak ma Manyatta slums Kisumo


Jodak egweng ma Flamingo mantie e slums ma Manyatta eboma ma Kisumo kawuono ne joigi o wang mokalo bang kane gi juko jago moro maja igni 35 randoo , ka bambo nyathi moro maja iga 9 epuoth niang.

Jodak go mane jonigi mau mager ne joketo jagono ma ogo ogol ogol nyaka e apis ruoth ma Kosao.

Agnes Akinyi Ogweno ma e jalup ruoth ma Manyatta A sub location wacho ni ne giringo mapiyo piyo kod nyathino nyaka ekar thieth ma Jaramogi Oginga Odinga T eaching and Refaral , mar mondo otimne thieth kod nonro.

Akinyi wacho ni jopiny ne okelo jagono mabende oyang kaka evans otieno e pis ruoth no, kendo ne oyie ni otimo tim maka mano , ka obila ne okao jagono kendo olorne tesend obila ma Kondele esama nonro dhinyime.




Youths eod bura ma Gem onyis mondo kik giyie josiasa otii kodgi marach


Youths mawuoke od bura ma Gem onyis mondo jobed mabor gi josiasa ma oikore mar tiyo kodgi marach ahinya esama koro yiero maduong okayo machiegni.

James Oduor ma en jakanyo eriuruok mar yuoth ma on’gere kaka Borne International Conference onyiso youths mondo jonyaa kwee kendo kik giyie mondo otii kodgi ka omedo ni onge jasiasa mora mora mabiro rango chal margi kata kagiyudo hinruok kaluore kod yore mag siasa.

Oduor mane loso eboma ma Yala owacho ni en gino malit ni josiasa okao thuolo mar tiyo kod youths eyo marach kaluore kod onge mag tije, ka onyiso piny owacho mondo orang yore mag loso thuolo mag tije manyalo konyo kata youths bende.

Kor ka kore to jakom mar riuruog no Moses Owiti to okwedo mokalo tulo mar siasa mane otimore od bura ma Alego Usonga juma mokalo ka onyiso josiasa mondo jonee kaka ginyalo timo siasa ma ok gikelo tulo maka mago mondo ginyis ranyisi maber kata ne youths .