Category Archives: radio citizen

NCCK yatilia shaka ‘zawadi’ kwa MCAs


Baraza la kitaifa la makanisa nchini NCCK limeelezea kutoridhishwa na hatua ya serikali ya kuwatengea waakilishi wadi nchini mgao wa pesa za magarai wanapojadili mswada wa mabadiliko ya katiba kupitia BBI.

Baraza hilo likiongozwa na katibu mkuu askofu chris kinyanjui linasema kuwa hatua hiyo iko sawa lakini imetekelezwa wakati usiofaa.

Licha ya hayo baraza hilo limehimiza mabunge ya kaunti nchini kuhusisha wananchi kikamilifu katika kujadili mswada huo.

Baraza hilo pia linashinikiza makamishna wa tume huru ya uchaguzi na mipaka nchini IEBC kubadilishwa sawa na kusafisha sajili ya wapiga kura kabla ya kura ya maamuzi kuandaliwa.




Kaunti 11 zapitisha mswada wa BBI


Kaunti ya Laikipia imekuwa kaunti ya kwanza eneo pana la Mlima Kenya kupitisha mswada wa mabadiliko ya katiba kupitia BBI.

Waakilishi wadi wa kaunti hiyo kwa kauli moja wamepitisha mswada huo wakielezea umihimu wake kwa wananchi kupitia mapendeekzo yake.

Kaunti ya Nairobi jioni hii pia imepitisha mapendeekzo ya mswada wa mabadiliko ya katiba kwa kauli moja.

Ni uamuzi ambao umeshabikiwa pakubwa na seneta wa Nairobi Johnson Sakaja,mbunge wa Makadara George Aladwa na mbunge mteule Maina Kamanda.

Kaunti hizo sasa zinajiunga na kaunti zingine kama vile Vihiga, Kisii, Trans Nzoia, West Pokot, Busia, Homa Bay, Kisumu na Siaya ambazo tayari zimepitisha mswada huo.




Rais azindua idara ya utekelezaji wa mtaala


Rais Uhuru Kenyata amesema kuwa serikali imeunda idara maalum serikalini itakayokuwa na jukumu la kuangazia mageuzi katika mtaala wa elimu nchini.

Idara hiyo itakuwa chini ya wizara ya elimu nchini.

Rais Kenyatta anasema kuwa idara hiyo itashirikiana na wadau husika ikiwemo tume ya kuwaajiri walimu nchini kufanikisha utekelezaji wa mtaala mpya wa elimu ikiwemo kuwapa mafunzo zaidi walimu nchini.

Ameelezea haja ya wanafunzi kupewa elimu zaidi hasa kuhusu ubunifu ili kuwa na nafasi bora ya kutemba maishani.

 




Wanahabari waliokuwa wamekwama Kapedo wanusuriwa


Tume huru ya uchaguzi na mipaka nchini IEBC inasema mfanyikazi wake mmoja alikuwa kati ya waliouawa katika eneo la Arabal Tiaty kaunti ya Baringo.

Katika taarifa, mwenyekiti wa tume hiyo wafula Chebukati amesema kuwa afisa msaidizi wa utawala katika tume hiyo eneo bunge la Tiaty Brian Silale alichukuliwa na watu wasiojulikana wakiwemo watu wengine 5 katika kituo cha kibiashara cha Chemolingot Tiaty saa tisa za mchana wa siku ya Jumanne lakinimwili wake ukapatikana hapo jana.

Chebukati amevitaka vyombo vya usalama nchini kuharakisha uchunguzi kuhusu mauaji hayo ya kinyama ili washukiwa wakabiliwe kisheria.

Hayo yanajiri huku wanahabari watatu waliokuwa wamekwama katika eneo la Kapedo kufuatia utovu wa usalama kunusuriwa.

Wanahabari hao wanaojumuisha Emmanuel Cheboit wa Radio Citizen, Peter Warutumo wa NTVna Mike Ekutan wa Radio Maisha wanasema wamekuwa wakijifungua ndani ya nyumba moja eneo la Kapedo kwa siku 7 baada ya hali kuwa mbaya.

Walilazimika kujificha baada ya wahalifu kumuua afisa wa ngazi ya juu wa kikosi cha GSU punde tu baada ya kukamilika kwa mkutano wa amani eneo hilo katika barabara waliyofaa kutumia.

Wamesema haya katika eneo la Kabarnet kaunti ya Baringo baada ya kuokolewa na maafisa wa polisi.




Washukiwa wa pembe za ndovu kizimbani


Wanaume wawili wamefikishwa katika mahakama ya Narok na kushtakiwa kwa kosa la kupatikana na pembe 3 za ndovu zenye uzani wa kilo 30 na dhamani ya shilingi milioni 3 bila idhini kutoka kwa shirika la KWS.

Wanaume hao Simon Kipng’eno na Laban Sibilai wakishirikiana na wengine ambao hawakuwa mbele ya mahakama walipatikana na pembe hizo tarehe 5 mwezi huu wa Januari katika eneo la Oloolaimutia  kaunti ndogo ya Narok magharibi.

Wakiwa mbele ya hakimu mkuu wa mahakama hiyo George Wakahiu wote wamekana mashtaka hayo.

Hakimu mkuu Wakahiu ameagiza kesi hiyo kusikizwa tarehe 11 Januari mwaka huu ambapo mahakama itatoa mwelekeo ikiwa wawili hao wataachiliwa kwa dhamana au la.

Hata hivyo, upande wa mashtaka umeomba mahakama hiyo isiwaachilie wawili hao huku ukidai kwamba itakuwa vigumu kuwakamata waliotoroka wawili hao watakapoachiliwa.

 




Maafisa wa kliniki kurejelea mgomo


Chama cha maafisa wa kliniki kimetangaza kurejelea mgomo wao kuanzia saa sita usiku wa leo baada makataa ya saa 48  waliokuwa wamelipa baraza la magavana kutamatika.

Viongozi  wa chama hicho wakiongozwa na  Katibu George Gibore na mwenyekiti Peterson Wachira wamesema kuwa  baraza la magavana limekosa kutii mkataba wa kurejea kazini ambao ulitiwa saini tarehe moja mwezi huu.

Gibore anasema magavana hawana nia ya kuboresha sekta ya afya nchini kwani baadhi wameanza kuwafuta kazi na kuwatishia wahudumu wa afya ambao hawajarudi kazini.

Wanasema  mgomo wa sasa utaendelea hadi pale baraza la magavana litakapokuwa tayari kutia saini mkataba huo ambao unaonyesha wameafikiana kuhusu masuala 17 ambayo walikuwa wameibua.




Viongozi wa kiislamu walalamikia mauaji ya kiholela


Viongozi wa jamii ya kiislamu nchini imemtaka rais Uhuru Kenyatta kuingilia kati kuzima visa vya watu wanaouawa kiholela sawa na kupotea kwa njia tatanishi.

Viongozi hao kutoka mashirika kadha ya kiislamu wanadai kuwa baadhi ya watu nchini hasa waislamu wamekuwa wakitekwanyara na maafisa wa usalama kisha baadaye kupatikana wakiwa wameuawa suala linalowahuzunisha.

Vile vile wanaishinikiza serikali iangazie upesi maslahi ya wahudumu wa afya.




Wanamgambo 3 wa Alshabab wauawa


Kikosi maalum cha wanajeshi, kimefanikiwa kuwauwa kwa kuwapiga risasi washukiwa watatu wa kundi la kigaidi la Al Shabaab katika msitu wa Boni, Lamu

Aidha wanajeshi hao walifanikiwa kumkamata mmoja, walipovamia kambi yao karibu na eneo la Bothia huko Lamu

Wanajeshi hao wanatoa ulinzi kwa wakazi wa lamu hasa wanaopakana na msitu huo wa Boni, u naoaminika kuwa maficho ya wanamgambo hao wa kutoka taifa jirani la Somalia

 




Madaktari waanza rasmi mgomo wa kitaifa


Chama cha madaktari nchini KMPDU kimanzisha rasmi mgomo wa kitaifa katika kaunti ya Kisii.

Katika mkao na wanahabari, kaimu katibu mkuu wa chama hicho Dk Chibanzi Mwachonda amesema kuwa wamekuwa katika mazungumzo na serikali kwa muda wa siku 36 lakini hakuna lililoafikiwa.

Chama hicho kinashinikiza masuala 11 wanayotaka yaangaziwe kuu ikiwa bima ya afya,marupurupu zaidi sawa na kuajiriwa wka madaktari zaidi.

Wameapa kuendelea na mgomo wao hadi pale matakwa yao yatakapoangaziwa licha ya tishio la kupigwa kalamu kutoka kwa waziri Mutahi Kagwe.




Magoha aonya walimu watakaowatimua wanafunzi wasio na karo


Waziri wa usalama wa kitaifa Dk Fred matiang’I anasema kuwa mikakati mahsusi imewekwa kuhakikisha kuwa wanafunzi wote wanarejea shuleni tarehe 4 mwezi Januari mwaka ujao.

Akizungumza katika shule ya upili ya wasichana ya Ogande kaunti ya Hoamabay, Matiangi amesema kuwa machifu wote wameagizwa kuhakikisha wanaweka rekodi ya wanafunzi wote wanaoenda shuleni wakiwemo wajawazito.

Naye waziri wa elimu prof George Magoha ameonya kuwa walimu wote watakaowarejesha nyumbani wanafunzi wasio na karo wataadhibiwa vikali.