Category Archives: mulembe fm

Polisi mu town ya Kakamega barumishiri tsingulu kkhunga bana nende bandu bahindira babere nibalola video


Polisi mu town ya Kakamega barumishiri tsingulu kkhunga bana nende bandu bahindira babere nibali mu inzu indala mu town eyo nibabola video.
Macheni kabola,polisi yabo babere ne vikongó nende vivoko bapomole muliango kwi inzu eyo kubere nikuikalwi khurula mukari nibashiri khuranga khushuta bandu yabo.




Boda boda mu Kipkaren mu subcounty ya Lugari,county ya Kakamega bachyai mwima kwa polisi vi shituo shya polisi shya Kipkaren


Bakholi ba boda boda mu shitonye shya Kipkaren mu subcounty ya Lugari,county ya Kakamega bachyai mwima kwa polisi vi shituo shya polisi shya Kipkaren khubanyashitsa buli khasee.
Baboli,khali niba balondi malako ka serikali itangasi,polisi yabo babachimira buchira mupango kwosi tawe hakali saubui iyi nibenya barunjwi tsishirinji tsielfu tsiranu khu balakhulwi.




Mupango ku khubura lunyasi lu khuikalila bulwale vwa Covid 19 buranji mu county ya Kakamega yaho mukolobo.


Mupango ku khubura lunyasi lu khuikalila bulwale vwa Covid 19 buranji mu county ya Kakamega yaho mukolobo.
Mulondi wa gavana wi county eyo Philip Kutima aboli,balabura lunyasi mu tsisoko tsyosi halala nende tsinzu tsi biashala iyi nareba bamenyi bahambane ne county.
Mukhongo wu bulamu mu county ya Kakamega Paul Manyasi naye arebi bamenyi vi county eyo batinnyi busafi manye injira yu khuikalila bulwale yobo.

Naye mukhongo wa malwale mu county eyo Richard Nyamai aboli,serikali yi county ya Kakamega ikhola kosi ka inyala khulinda bamenyi babuli khunyola bulwale yubu tawe.




Mukanda kwi tsikura mu shibala shya Ethiopia kusundi imbeli tsikura tsivere nitsipanjirwi kkhubwa mweri wu munane muhika kunu


Mukanda kwi tsikura mu shibala shya Ethiopia kutangasi khusunda imbeli tsikura tsivere nitsipanjirwi kkhubwa mweri wu munane muhika kunu shichira yi virusi vya Covid 19.
Kuboli,kwalatangasa litukhu lindi lya tsikura yetso tsitsa kkhubwa makhuva ka Covid 19 nikakhavwa.
Macheni khurula mu shibala esho kabola,mukanda yoko kuvere kupanji khuranga khuhandichitsa bakhubi vi ikura mweri kunu,ne vyama vi siasa vivere viranje tsikampein mweri kwitsanga.




Bandu bamenya ne virusi mu county ya Kakamega batuli polisi khulwa khubanyashitsa lwa batsitsa mu tsisivitali kkhaba tsinyasi.


Bandu bamenya ne virusi mu county ya Kakamega batuli polisi khulwa khubanyashitsa lwa batsitsa mu tsisivitali kkhaba tsinyasi.
Mukhongo wu mukanda kwa bandu bamenya ne virusi kwa Nephak mu county ya Kakamega Robert Amakobe aboli,bandu banyishi bamenya ne virusi banyala khukoritsa bulamu vwabo shichira bakhaiywa khutukha mu tsisivitali khubukula tsinyasi tsyabo.
Amakobe khandi aboli,bandu banyishi bamenya ne virusi basarritswi na polisi,likhuba lichiri nibakhaiywa khumira tsinyasi tsya baherwi na bahinziri vu mmatala bamanyikhane manye Community Health Volunteers.




Ba-MCA mu bunge yi county ya Kirinyaga baranji mupango ku khuenya khurulitsa khu kasi gavana Anne Waiguru.


Ba-MCA mu bunge yi county ya Kirinyaga baranji mupango ku khuenya khurulitsa khu kasi gavana Anne Waiguru.
Yaka karulana nende lwa muswada ku khuenya khurulitsa Waiguru khu shisoko kuhirwi mu bunge eyo nunu asuvui.
Nalakaya lwa ahiri muswada yoko mu bunge eyo,MCA wi ward ya Mutira Kinyua Wangui aboli,burumishi butamanu vwi iofisi nashyo shivuni shikali shichira nibenya khurulitsa Waiguru khu shisoko.
Ba-MCA yavo balahana tsinganakani tsyabo tsiu khuunga mukhono noho khali khupinga muswada yoko naye mukhaye Waiguru alaherwa vwiyangu vu khuitetea.




Musatsa wi mihika salasini na saba khurula mu subcounty yi Malava aremwi khu mukhono na amwabo wewe


Musatsa wi mihika salasini na saba khurula mu shitonye shya Harambee shili Teresia mu subcounty yi Malava atsirira khunyola bushirishi mu sivitali yi Malava khulondekhana nende lwa amwabo wewe uli mwiltwasi amuremi khu mukhono shichira ya mahingani ku mulimi.
Macheni kabola,Jonathan Sabuni Muchiliman uli mwilwatsi wi libukana liilala Malava arumishiri lupanga khurema amwabo wewe Jacob Athur Muchiliman ne shivuni vu,asundi lwakho lu mulimi kwe.
Khulondekhana nende mukhaye Regina Kendo uli mukhaye wa Jacob,kenyekhana polisi bachimiri mukhwasi wewe nende khumuhira mu koti.




Muruchi Uhuru Kenyatta nunu alakayi na Brenda nende Brian bahona khurulana ne virusi vya Covid 19.


Muruchi Uhuru Kenyatta nunu alakayi na Brenda nende Brian bahona khurulana ne virusi vya Covid 19.
Khubirra khu injira ya video,muruchi yiitsominyi babiri yabo hakali Brenda wi mihika shirini na saba wali mukenya wu khuranga khunyola virusi yibi iyi nareba bakenya balonde mufano kwe.
Muruchi khandi aboli,Kenya inyala khukura liihe li virushi yibi niba bakenya ballonda malako katangaswi na serikali.
Brenda nende Brian nabo nibabola kanu.

Khutukha isainu,isabu ya bandu bahoni khurulana ne virusi vya Covid 19 ne tsielfu mia moja na themanini na tatu,mia sita na sitini na tano.




Bamenyi va Kakamega barebi gavana wi county eyo Wycliffe Oparanya afuti mirungu chya balwale bali mu sivitali yi county ya Kakamega


Bamenyi vi county ya Kakamega barebi gavana wi county eyo Wycliffe Oparanya afuti mirungu chya balwale bali mu sivitali yi county ya Kakamega bashiri mu sivitali eyo ne bakhairwi khurunga mirungu khu balakhulwi.
Nibimirirwi nende Shiroko Shilenje,bamenyi yabo barebi serikali irumishiri tsishirinji tsiu khulwana virusi vya Corona khurunjira balwale mirungu mu tsisivitali manye injira yu khuchehitsa balwale mu tsisivitali.




Serikali itulwi khulwa khubula khuba nu mupango ku kkhonya bakenya barula ilwanyi wi shibala yishi khukalukha munu.


Serikali itulwi khulwa khubula khuba nu mupango ku kkhonya bakenya barula ilwanyi wi shibala yishi khukalukha munu.
Francis Luchivya uli mutangasi wi redio abola,kenyekhana serikali ibee nu mupango mulei manye lwa bakenya barula injirekha banyala khutengwa na bandi shichira yi virusi vya Corona.
Khandi aboli,bwakhabere bulei khu serikali khura bandu baruli injerekha mu tsihoteli tsya banyala khurunga mirungu,shichira shibali bandu bosi barula injerekha balinende tsishirinji tawe.