Category Archives: inooro fm

Andu angi 4 gukua kumana na covid-19


Nginyagia riu bururi wa Kenya wandikithiitie aruaru 93,405 a murimu wa covid-19, thutha wa andu angi  552 kuonekana na murimu ucio ihinda-ini ria mathaa 24.

Na county ya Nairobi noithiite na mbere na gutongoria hari namba nene ya aruaru a murimu ucio, umuthi ikiandikithia aruaru 222,yumiitwo thutha ni county ya Mombasa na aruaru 46, county ya Homa Bay aruaru 33, county ya Nakuru aruaru 25, county ya Nyeri aruaru 18 nayo county ya Kiambu yandikithia aruaru 14.

Ihinda-ini riu onayo namba ya ndu aria makuite kumana na murimu ucio niyongererekeete na gukinya andu  1,618 thutha wa andu angi 4 gukua kumana na murimu ucio ihinda-ini ria mathaa 24.

Ndumiriri kuri nyumba cia mohoro ministry ya ugima wa muiri yugiite andu angi  596 nimahonete murimu ucio, oriri angi 843 maratangikirwo thibitari-ini itiganiite guku bururi-ini,49 magithaitirwo ward-ini cia andu aria mahatiririo ni ndwari kana ICU.

 




Thogora wa maguta kuhaicha.


 

Ruhonge rwa kuramata thogora wa maahinya ma kuhuthika guku bururi-ini EPRA nirwaniriire mathogora mweru ma  maguta ma petrol ma diesel na maguta ma tawa.

Kurumiriira mathogora macio riu maguta ma petrol nimahaiciite na thendi 97, maguta ma diesel mahaicha na ciringi 1 na thendi 12 kuria namo maguta ma tawa mahaiciite na ciringi 1 na thendi 93.

Ruhonge ruu rugiite thogora ucio wambatiriite kurumiriira kuhaicha gwa thogora wa maguta matari mathambie mabururi-ini ma nanja, hamwe na kumocha gwa ciringi ya Kenya.

Mathogora macio meru mekwambiriria guthingatithio umuthi thaa thita cia utuku nginyagia tariki 14 mweri-ini wa January mwaka-ini ukiite.




Andu angi 6 kuuragwo ni covid-19


Andu angi 6 nimakuite kumana na murimu wa covid-19 na gukinyithia 1,593 namba ya andu aria oothe mathinikanitio ni murimu ucio guku bururi-ini.

Nao aruaru 960 maratangikirwo thibitari-ini itiganiite guku bururi-ini 49 magithaitirwo ward-ini cia andu aria mahatiriirio ni ndwari kana Iciu.

No onakuhana uguo namba ya andu aria mahonete murimu ucio guku bururi-ini niyambatiriite na gukinya 73,452 thutha wa andu angi 424 kuhona murimu ucio.

Ndumiriri-ini kuri nyumba cia mohoro ministry ya ugima wa muiri yugiite nginyagia riu bururi wa Kenya wandikithiitie aruaru 92,055, thutha wa andu angi 163 kuonekana na murimu ucio ihinda-ini ria mathaa 24.

Na county ya Nairobi umuthi noyo itongoretie na aruaru 94 yumiitwo thutha ni county ya Kiambu na aruaru 15, county ya Uasin Gishu aruaru 7 nayo county ya Nakuru yandikithia aruaru 6.




Ataramu kuga murimu wa covid-19 waya kuihiriria hindi ya mambura ma Christmas


Ataramu a maundu megii ugima wa muiri guku bururi-ini nimarutiite mukana makiuga akenya maga kwimenyerera wega hindi ya mambura ma Christmass na mwaka mweru namba ya aruaru a murimu wa covid-19 yaya kuongerereka na gikiro kinene makiria guku bururi-ini.

Ataramu acio onakuhana uguo nimataririe njira iria andu mangihuthira kuigitira kumana na murimu ucio hindi ya mambura macio




Umuthi niguo muthenya wa muthia wa mucirithania munene David Maraga gukorwo wabici-ini


Mucirithania munene bururi-ini David Kenani Maraga arehera wabici-ini umuthi, mbere ya ahurukite wira.

Watho wa bururi wendekithitie mucirithania munene agathii rutha, mweri umwe ihinda riake ria kuhuruka wira ritanakinya.

Na Maraga arakinyia miaka mirongo mugwanja tariki ikumi na igiri January ya mwaka ukite, ukuru uria acirithania maagiriirwo gutiga wira.

Egutuura aririkanagwo niundu wa guteaniria maumirira ma githurano gia President mwaka wa 2017, na arairikia wira thutha wa gutungata kwa ihinda ria miaka.




Bamiri iria ciahamurithirio mwena wa Kariobangi, Nairobi guthii na mbere gukumithia thirikari


Andu aria maahamurithirio mwena wa Kariobangi guku Nairobi ni mathiite na mbere gutetia thirikari makiuga ni yakirukire ihooto ciao cia umundu.

Matongoretio ni ikundi cia gutetera ihooto cia muingi, maugite mari na title cia mugunda ucio uria wirikanaga waamuriirwo mihang’o ya kuunithia maai ma giko.

Gukiri uguo ni mathaganitie gitumi kiao guthutukanio, oriri andu aria meetahiire mutitu wa Ngong mauniirwo maitho ni watho.

Bamiri icio iria ni hamwe na atumia akuru ciahamurithirio na utuku, ona kuri na murimu wa Covid 19.




Mehariria ma githurano kinini wondi-ini ya Kahawa Wendani merekeire gukinyanira


Mehariria ma githurano kinini wondi-ini ya Kahawa Wendani mwena wa Ruiru, Kiambu mari ikereka-ini ria muthia.

Giturwa kiu kiguciriirie ahuraniri ikumi na ana, aria merugamitie na tigiti wa ciama ngurani na angi mari ahuraniri kiumbe.

Wondi ya Kahawa Wendani iri na aikia a kura matanyihiire ngiri ikumi na ithano, aria makaamurania ahurani acio tariki ikumi na ithano Dithemba ino.

Githurano kiu kinini kiratabanio kurumirira gikuu kia uria waari MCA wa itura riu Cyrus Omondi ari icera-ini ria kiwira bururi-ini wa India.




Andu angi 16 gukua kumana na covid-19


Namba ya andu aria makuiite kumana na murimu wa covid-19 guku bururi-ini niyambatiriite na gukinya andu 1,568, thutha wa andu angi 16 gukua kumana na murimu ucio ihinda-ini ria mathaa 24.

Namba iyo yongererekeete oriri aruaru 994 maratangikirwo thibitari-ini itiganiite guku bururi-ini, 55 magithaitirwo ward-ini cia ICU, onagutuika kuri na muihoko munene thutha wa andu angi 1,060 kuhona murimu ucio.

Na ndumiriri-ini  kuri nyumba cia mohoro ministry ya ugima wa muiri yugiite andu angi 644 nimonekaniite na murimu ucio ihinda-ini ria mathaa 24 na gukinyithia 90,305.

County ya Nairobi noithiite na mbere na gutongoria, umuthi ikiandikithia aruaru 158 yumiitwo thutha ni county ya Kiambu na aruaru 69, county ya Mombasa aruaru 67 nayo county ya Muranga yandikithia aruaru 56.




Igoti gwatha ambunge na maseneta marihi ciringi millio 2 omundu


Ambunge oothe na maseneta riu mekubatarwo gucookia ciringi million 2 omundu, iri marakoretwo makiamukira na njoherera cia nyumba,thutha wa igoti kuuga makoretwo makiamukira njoherera icio mugaru wa watho.

Itua riu riheanirwo ni ndundu ya acirithania 3 ciira-ini uria wahandirwo ni kamiti ya guthingicira micara ya aruti wira a muingi bururi-ini SRC hamwe na muhuraniri wa ihoto cia muingi  Okiya Omutata.

Acirithania acio maugiite kamiti ya utungata wa mbunge ndiri na uhoti wa kiwatho wa guthukira ambunge njoherera icio  itegukuruhania SRC, kuria riu kamitiya utungata wa mbunge yathiitwo irenge mbeca icio micara-ini ya ambunge.

No onakuhan auguo karani wa mbunge ya bururi Micheal Sialai augiite ambunge acio marihirwo mbeca icio ihinda ria mieri 5 tu mbere ya igoti rirugamiitie njoherera icio,akiuga o mumbunge arabatarwo kuriha ciringi million imwe.




NCIC kuruta mukana kuri ateti


 

 

Muikariri giti wa kamiti ya guthingatithia urumwe na wuiguano bururi-ini NCIC  Samuel Kobia, ni arutiite mukana kuri ateti akiuga aria mekunyitikana magicogera muingi mwerekera-ini wa ithurano nene cia mwaka wa  2022 nimekungethanirwo nao.

Kobia augiite kamiti yake niiheaniite gutigiriira akenya nimaikarania na thayu mbere na thutha wa ithurano icio.

Hamwe na uguo nioriitie andu a nduriri itiganiite guku bururi-ini mekiriire kunyitanagira na gutukana kugerera magongona ma kinduire niguo mathii na mbere na kumenyana makiria na kwendana.