Category Archives: egesa fm

Ewizara eyio yaikeraniri amaganio yewizara yobochenu igoro ya korona


omowaziri bwobosombi James Macharia otebire buna ewizara eyio yaikeraniri amaganio yewizara yobochenu igoro ya korona .

aya nigo akoba magega yomorai bwense Uhuru Kenyatta koraria buna chisabari chiechindege nchichikoiranerera 1st August.

macharia nigo atebire buna nigo kenya egochia goanchera abiria korwa chinse gete




Abanto 788 abayia batokire nebinyinyi bia korona


Abanto 788 abayia batokire nebinyinyi bia korona korwa rituko ria igoro korwa ase abanto bapimetwe 5521.

omokonyi bwomowaziri BWOobochenu Dr Rashid Aman, nigo aenekir buna omobaro baria bakunirwe noborwaire bwa koft 19 oikire 19,913.

Aman boigo otebire buna abanto 100 babwenire egati yabo 8 konyora bbakonyora obogwenia ase chinka chiabo

korende abanto14 bakure korwa ase oborwaire obwo na goikia 325.

aman nigo aboriri abakenya koria chindagera chiria chigoting’ia obonyamasi bwabo




440 abayia bakoenekigwa koambokerigwa ebinyinyi bia korona korwa igoro


ase ekero ekio ewizara yobochenu yaenekirie abanto 440 abayia bakoenekigwa koambokerigwa ebinyinyi bia korona korwa igoro

aya nmagega yabanto 3,197 gopimwa korwa igoro

boigo baria bakure kobwatekana nendwari eyio nigo oikire abanto 285 magega yanato bande 5 gosiria amagima abo korwa igoro

ase ekero ekio abanto 90 baigire buna na kobwatokwa gochia ase chinsobo




Kenyatta otuguteire are ogosaba kwa baria batagege eserekali esieke emepaka yechikaunty


omorai Kenyatta otuguteire are ogosaba kwa baria batagege eserekali esieke emepaka yechikaunty

Kenyattanigo atebire buna neribaga ria kera omonto koimokia egetambokero kia bene erio goetanga korwa ase korona na boigo kobarenda abanchwa babo

Kenyatta nigo aakire mbuya mono gochia ase chikaunty chiria chiaikeraniri ogochia arwa igoro ya Corona

Kenyatta nigo atebire bua okobwaterana gati yabagavana neserekali enen nokwengencho erio gotanga oborwaire obwo

boigo nigo arure ogokurera kwa bene gochia ase abasae koba ase omosatari o motwe kwerenda




Uhuru Kenyatta omentire amatuko 30 ase ogochika kwogotasoka isik


Uhuru Kenyatta omentire amatuko 30 ase ogochika kwogotasoka isiko nigo aboriri abanyanyimbo koenekia buna ogochika okwo ngokora kore emeremo

nigo arure ogokurera gochia ase abagambi nabanyanyimbo abwo bagochia gotoka buna chinsemo chiambo nchiri koigwera ogochia gweserekali igoro yogotanga okoranda gwa korona

omorai bwense nigo achikire ewizara yobochenu kobairania emeremo abanyagetari konyora bare ritaya emeremo erio gokonya abamwabo ase esegi mamincha ya korona




Omorai bwense Uhuru Kenyatta oraririe ebitambokero


omorai bwense uhuru kenyatta oraririe ebitambokero eserekali egochia koimokia erio goanga okoranda kwoborwaire bwakofit 19 aiga kenya

oboonia amarwa ase emebagani na boigo chibaa gwateneneniigwe ase egeka kiamatuko 30 gochakera rero

boigo ogosiekwa gwechibaa nigo kogochia gochaka chinsa 2 chia botuko ribaga ria saa 1 bona konyora

chibaa nigo chigochia gosiekwa ase egeka kiamatuko 30

omoinspekta omonene bwabanyanyimbo hillary Mutyambai ochikirwe kobaura abanyene chibaa chilicense ase chiria chiratoke chiigoire ekero ekio

boigo omorai bwense nigo arure ogochika abaobisa beserekali baratoke bakobuna amachiko aya koimokerigwa egetambokero egetindi

abanyanyimbo nigo bagochia koboria koenekia ogoikeranigwa kwamachiko ayio

uhuru nigo ayakwana ayio magega ya gokora egeikaro kia bene nabagavana bonsi aiga kenya




Omobaro omoke bwa abanto ebagenda chikanisa


Omobaro omoke bwa abegenwa be chikanisa ao ao imbaikerana ase chikanisa chiabo rituko ria rero aiga kenya chiwiki 2 nyuma ye chikanisa koigorwa.

Ase ekanisa ye Ekeanglican ime yo orogongo rwa Gusii, omoaskofu bwe ekanisa eyio ase orogongo orwo John omangi nigo ateba omobaro bwa abanto baikerana emisa rero nigo okeana kobwatekana no obwoba abanto babwate igoro yo okwambokerigwa ebinyinyi bia corona.

Gokwana magega ye emisa ye rituko ria rero ase ekanisa ya St philips ime yo omochi o kisii, omangi nigo ateba abanto abange ebaamua gokorera amasabo ase chinka chiabo ase korende abaenekeria abanto buna baikeraniri amachiko onsi abekire yo ogotanga okwambokera kwe ebinyinyi ebio.




Abanto bande 960 batokire na corona


Omobaro bwa abanto banyorekanire ne ebinyinyi bia corona ase ecounty ya kisii omentekanire goika abanto 25 magega yo omonto onde oyomo konyorekana ne ebinyinyi ebio gati ya abanto 960 bararigwa rero ne ewizara yo obochenu korwa ase abanto 8,261 barengetwe na igo goikia omobaro bwa abanto banyorekanire ne ebinyinyi ebio aiga kenya koba 17,603.

korengana na amangana atomwa no omowaziri bwo obochenu mutahi kagwe egati ya abanto abwo abayia 960 banyorekanire ne ebinyinyi ebio ecounty ya Nairobi nigo etangaine na abanto 510, kobwatigwa na kajiado na abanto 102, kiambu na abanto 100, machakos nigo ebwate abanto 58 mombasa abanto 48, Busia abanto 21, Garissa abanto 17, Uasin Gishu abanto 15, kisumu abanto 14, Nakuru abanto 12, Narok na abanto 10, Turkana na abanto 9, keriho na abanto 7, ase chicounty chia muranga , makueni ,na Laikipia chibwate abanto 5 kera eyemo, Embu na abanto 3, chicounty chia Bungoma , kakameg, Nyeri na Taita Taveta gotwara abanto 2 kera eyemo ase boigo chicounty chia kisii, Tana river, na Trans Nzoia chibwate omonto oyomo.

Nonya nabo abanto bande 2 bakure na igo goikia omobaro bwa abanto bakure gwetera ebinyinyi ebio aiga kenya koba 280, ase korende abanto bande 169 babwenire na goikia omobaro bwa abanto babwenire ebinyinyi ebio aiga kenya koba 7,743.




Matiangi okanire amangana buna nabwate corona


Omowaziri bwo oborendi Dr Fred matiangi okanire amangana agotebekana ase omotandao buna nigo atangire nyagitari korwarigwa ebinyinyi bia corona na goteba amangana ayio na ayo oborimo.

Gokwana ne Egesa Fm, matiangi nigo abamochia abanto bakomoganeria amabe na goteba nigo agendererete ne emeremo yaye buna botambe ase rituko ria rero arenge ase emesangererekano ao ao ye emeremo.

Natiangi nigo boigo abagania abanto kogenderera kobwatia amachiko abekire ne eserekari korwania corona na kobagania abanto gwanchana.




Omonto onyorekanire na corona Nyamira


Omobaro bwa abanto banyorekanire ne ebinyinyi bia corona ime ye ecounty ya Nyamira omentekanire goika abanto 6 magega yo omonto onde oyomo ore omonyagitari korwa ase eward ya township konyorekana ne ebinyinyi ebio egati ya abanto 667 bararigwa rero ne ewizara yo obochenu korwa ase abanto 5075 barengetwe na igo goikia omobaro bwa abanto bambokerigwe ebinyinyi ebio aiga kenya koba 16,268.

Gokwanera abariki amangana omogaso orero omokonyi bwo omowaziri bwo obochenu Dr mercy mwangangi nigo ateba buna egati ya abanto abwo ba rero banyorekanire ne ebinyinyi ebio ecounty ya Nairobi nero etangaine no omobaro omonene bwa abanto 387 kobwatigwa na kajiado na abanto 79, machakos na abanto 47, kiambu na abanto 40, chingaki Nyamira ebwate omonto oyomo gati ye chicounty chinde.

Boigo Dr mwangangi nigo araria ogokwa kwa abanto bande 11 gwetera ebinyinyi ebio na igo goikia omobaro bwa abanto bakure aiga kenya koba 274.