Category Archives: chamgei fm

Bune kaimutik mengik kobun Marigat eng Baringo kosupkei ak beekab maranet kingobut ngekusiekchik nyanjosiekab


Tesetai kobune kaimutik mengik kobun Marigat eng county nebo Baringo kosupkei ak beekab maranet kingobut ngekusiekchik nyanjosiekab Baringo,Bogoria ak lake 94.

Kamwa Mp nebo Baringo murot tai Charles Kamuren kole kokomoronso sukulisiek eng komasatak ak kwongchin ngotos kotestai somanet yekiyat sukulisiek .

Kamwa Kamuren kole tesetai koyakitu ngalek eng kila betut kosupkei ak bechotok bo maranet.




Iiti asenet sigik ak kipsomaninik chebo Maemba Primary school eng Sigowet/Soin kangolaa usonet nekiim kesiegutab darososiek somok


iti asenet sigik ak kipsomaninik chebo Maemba Primary school eng Sigowet/Soin county nebo Kericho kangolaa usonet nekiim kesiegut nebo darososiek somok chebo sukulinotok.

Kamwa nebo ngecheret eng sukulinotok Robert Rono kole kabit notok kosupkei ak ropta neo nekaboto usonet nekaib ngemisionotok.

Agot kounotok komamite chi nekakikoten eng nyasutionotok.




Eng kasarta age ko korus inaat maget nebo keitchin agobo oret nekiboisie kepchechi rabinik serkalisiekab counties.


Tesetai serkalisiek chebo counties koboisie komatinye rabinik kongorus inaat maget nebo keitchin agobo oret nekiboisie kepchechi rabinik serkalisiekab counties.

Kikilewen committee nebo senetaek 12 asikocheng tokchinetabgei kobate tomo koitchin kayonchinet.

Koikoito committee inotok Reports oeng eng bunge ak komach kandoinatetab bunge kocheng oret nekisubi.

Mache alak eng senetaek President Uhuru Kenyatta kochutchi asikobit walutiet.




Kaibet sobonwekwak bik 2 kosupkei ak miondo nebo Corona ak kotes kaitetab bik chekikobet sobet agoi 574.


Kaibet sobonwekwak bik 2 kosupkei ak miondo nebo Corona ak kotes kaitetab bik chekikobet sobet kongete koit emoni miondo nebo Corona agoi 574.

Eng kasaratak ko katesak kaitetab bik chekikonam miondoab Corona eng emoni agoi elfu 34,057 kangenyor bik alak 263 chetinye Corona.

Kosupkei ak logoiywek chekaiyokchi sirikab logoiywek komwa minister nebo tililindo Mutahi Kagwe kole Tesetai kondoi county nebo Nairobi kangenyor bik 81 chetinye Corona ,Nakuru ko kakinyor 15,,Narok 3,Baringo 2 ak Bomet 2.

Kora ko kasopchi bik 98 chekotesetai konyoru kanyoiset kosupkei ak miondoab Corona ole 79 eng icheg ko kotesetai ak kanyoiset eng gaa ak alak 19 ko kokerotin eng siptalisiek cheterter.




Tesetai kowendi barak kurset koitchi CS nebo tililindo Mutahi Kagwe ak sirindet eng ministry inotok Susan Mochache koistogei eng boisiet


Tesetai kowendi barak kurset koitchi minister nebo tililindo Mutahi Kagwe ak sirindet eng ministry inotok Susan Mochache koistogei eng boisiet kosupkei ak chorset millionisiekab rabinik chekikitabonchi boriet nebo miondoab Corona.

Kamach rubeiywotab President William Rutto kandoik komatkoek kipkosopchigei kobate kokokochi boroindo netai magutikab bikab poror.

Kora komach alak eng MPs ak kibakengeit nebo Nurses eng emoni minister Kagwe koistogei eng boisiet kongemwa kele kitinyngei ak chorsetab rabinichotok asikokon boroindo nebo kotestai chigilisiet.




Nerekchin VC nebo Turkana University Prof. Thomas Akuja board nebo sukulinitok kosupkei ak kakwautiet nekoib kotelel ine eng boisiet.


Kakonerekchi Vice Chancellor nebo sukulitab barak nebo Turkana University Prof. Thomas Akuja board nebo sukulinitok kosupkei ak kakwautiet nekoib kotelel ine eng boisiet.

Ye kangongololi eng nganasetab Eldoret kangoitita kapkiruok kochenge tokchinetabgei komwa Prof. Akuja kole maisub ngatutik board inotok kongotelel ine eng boisiet.

Kora kokaesio logoiywek chebo asoya chekimwoitoe ine kale tetutik chechang cheboto aletab mbaret ko kikisuldoe komakilewen koek Vice Chancellor nebo Turkana University.




Magat eng polis kochokchi yaetab chigilisiet agobo baretab chito nekoyoe Mpesa nekobit betusiek somok chekokosirto eng Kapsoit, Kericho.


Nyalu eng polis kochokchi yaetab chigilisiet kotinyngei ak baretab chito nekoyoe Mpesa nekobit betusiek somok chekokosirto eng Kapsoit trading centre eng county nebo Kericho.

Kamwa MCA nebo Mogogosiek Ambrose Koech kole chichotok bunu komasta nebo Konoin eng Bomet kokotiegei familia nenyi ak kobar bik chemakingen.

Eng kasaratak kosom Koech chemungarainik chemite komasatak kobois ak polis eng chengset ak nametab bik chekiisuldoe rumisionotok.




Kaibet sobet bik 3 kangobet oret trelait neloe grubet ak koriach garisiek alak 9 chekamite tabandaab oret eng centre nebo Ndundori,Nakuru


Kaibet sobonwekak bik 3 eng yotok kangobet oret trelait neloe grubet ak koriach garisiek alak 9 chekamite tabandaab oret eng centre nebo Ndundori eng kebebertaab got nekingote ngatutik nebo Bahati county nebo Nakuru.

Ya kangoyani imandaab logoiywechu komwa commander nebo polis eng komasatak Jacinta Mwarania kole katokchingei trelainotok nganasetab Nakuru ak kaloe ketik chekibete komabit nyasutionotok.

Kamwa Mwarania kole kakimetochi kakotonosiek cheyachen bik alak 8 che eng nguni kotesetai konyoru kanyoiset eng siptalitab Nakuru Level Five ak nebo JM Memorial eng county nebo Nyandarua ak dereva nebo trelainotok koboto bik somok chekaibet sobet ak kakiib borwekwak koba got nekikonore borwek nebo siptalitab JM eng Ol Kalou.

[CLIP]OCPD

Kamwa bik chekabaoryonchi nyasutionotok kole some serkali kouto chemungarainik chemite tabandaab oranotok koba komasta age asikeistoegei kabetab sobonwek.




Tesetai emetab Japan kokochin toretet emetab Kenya eng kasari tesetai boriet nebo miondoab Corona.


Tesetai emetab Japan kokochin toretet emetab Kenya eng kasari tesetai boriet nebo miondoab Corona.

Kamwa kayoktoindetab emetab Japan eng emoni Ryoichi Horie kole kikomuch emetab Japan kokochi emoni rabinik silling million 340 asikokanapta sekta nebo tililindo missing eng kasari tesetai boriet nebo miondoab Corona.

Ye kangongololi eng kasarta nekakonu ministry nebo tililindo ngalalutik chebo kila betut kosupkei ak miondo nebo Corono eng emoni kotes komwa Horie kole kasirchin kayonchinet eng betutab rani ak minister nebo rabinik Ukur Yattani nebo kokochi emetab Japan emoni rabinik alak silling billion 8 chekiboisie eng kasuldaetab kanyoiset koitchi bik tugul notok ko Universal Health Coverage.

Eng komastanyi komwa toretindetab minister eng ministry nebo tililindo Dr.Rashid Aman kole iwekchin kongoi emetab Kenya emetab Japan kosupkei ak toretet netesetai kokochin emoni.

Kotinyngei ak miondo nebo Corona komwa Dr.Aman kole kakinyor bik alak 373 chetinye Corona eng emoni kangechigil bik 4,663 ak kotes kaitetab bik chekikonam miondo nebo Corona agoi elfu 33,389.

Tesetai kondoi county nebo Nairobi eng bik chekakinyorchi miondo nebo Corona kangenyor bik 117,county nebo Nakuru ko kakinyor bik 37,Uasin Gishu ko kakinyor bik 8,Narok 7,Kericho 3,Nandi 3 ak Bomet 2.

Agot kounotok ko kasopcho bik 72 chekotinye miondo nebo Corona ak kaibet sobet alak 3 kosupkei ak miondoab Corona ak koyai koit bik 567 chekikobet sobet kongete koit emoni miondo nebo Corona.




Nyalu keyochi walutik Katiba nebo emoni,kamwa kadoindetab ODM Raila Odinga


Kakorob eut kandoindetab chamaitab ODM Raila Odinga ngalalutikab President Uhuru Kenyatta nemwoe kole kokoit kasarta nebo keyochi walutik Katiba nebo emoni nekikisirto kenyisiek 10 chekikosirto.

Teleletab kandoichotok oeng ko kokokon keret neterter kobun kibakengeisiek cheterter che alak koesio maget nebo keyochi walutik Katiba nebo emoni.

Ak kou yeiarorwech sirindenyo Tabitha Rotich komwoe neo nebo kapkiruok eng emoni Chief Justice David Maraga kole kongete taunet kokikotestai matwet nebo kapkiruok koborchigei Katiba newendi kokanoptoi katiaknatet eng emoni.