Category Archives: chamgei fm

Kachupto kandoik eng kisii mburiet nekaiib neranik eng Kisii


Viongozi wakashfu rapsha ya asubuhi ya leo
Kakonerekchi kandoik cheruchinin eutab rubeiwotab president eng kaunti nebo Kisii banwekab oret chekayai neranikab chamaitab ODM eng karonet eng nganasetab kisii koesio rutoito rutoitab rubeiwotab president Dr William Ruto

Kamwa rubeiwotab Gavana, Joash Maangi ak Mp nebo Mugirango murot tai Sylivanus Osoro, ak neki women rep eng Kisii Mary Otara komwa kole kalilanet eng kandoikab bolatet kobaiien neranik koyai bonwekab oret.

 

Kamwa Maangi kole makat kotestai kayumanik asikobit konyor kelchin neranik chekwerie bodaboda ak chebo kwonyik

Tetaat kondochi rubeitab president kayumanikab eng kiwanjetab Nyanchwa ak nebo Nyamarambe.

Eng saisiekab, karoron kokaimongei neranik cheesio Ruto ak kobel tairinik eng oret ak komwa kole makiitchi ichek ak komach ketelel igoroto
Ends




tinyei chief officer nelel nebo tililindo kaunti nebo Uasin gishu.


koisirto kaunti assembly nebo Uasingishu lewenetab Dr Joseph Morogo koek, ofisayatab tililindo eng serkali nebo kaunti nebo Uasigishu.
Koikoitoi motioninoto, nebo ngecheretab komitii nebo tililindo eng kaunti assembly nebo Uasin gishu DR Hosea Some ole kamwa kole kongetepse ak keger kartaisiekchi chebo somanet komwa kole tinyei kamuget konom boroinoto ak koib walutik eng ministry nebo tililindo

kinget buch bororinoto kingoistoegei neki chief officer kingoyai boisiet eng kasarta nebo arawet agenge eng mwaet kole mamitei boroindo nemie eng ole yoen boisiet.

Ends




University students Leaders


University students Leaders
Machei katuiyetab kipsomaninik kobun skulisiekab barak eng emoni minista nebo somanet Professa George Magoha kobarasta tarikit nekiyotei skulisiekab barak.

kosupkei ak no kokochi minista kasarta nebo wikit agenge kongong ichek tarikit nemakat keyat skulisiechato amu kokongetio ichek komitei gaa.

kamwa ichek kole rorio kegerei tuiyosiekab bolatet kotesetai ak ketuptechinin batai somanet.

ends




Kaba bonwekab oret alak eng mengikab ngasetab Nakuru konerekchin bikab emoni.


Locals demo over leaders utterances

Kaba bonwekab oret alak eng mengikab ngasetab Nakuru konerekchinin ichek ngalalutik chebo kandoikab bolatet eng betusiek chebo kolekit eng kit nekamwa kole tinyei ichek maket nebo kowekta emoni let.

Kongalali eng nganasetab Nakuru kkondochinin kandoindetab chamaitab Kanu neindochinin neranik Kimani wa Kimani komwa ichek kle makat eng mps nebo Emurua Dikir MP Johana Ngeno ak nebo Kapseret MP Oscar Sudi konde tai emoni.

kamwa kwonyik chekamitei bonwekab oret ,komach kandoik koistoegei ngalalutik chemachei kopchei emoni
End.




machei gavana nebo Nandi stephen Sang kewek imbarenik chekikobek lease.


Sang warns absentee Land lords of repossessing Nandi lands.

Kakokon kaimuiset     gavana nebo  Nandi  Stephen  Arap  Sang    nebo kowekta kogeny  imbaret  nenamu bik   eng imbaretab       mokongem nebo  Chemelil Sisal Estate   nekokobeeeeekj  lease.

Kongalalchinin mengikab   komosta nebo  Chemutia  Tambul  ak  Potopoto  eng   location nebo  Chemelil  kobotogei  ak   ofisaekab  komision netelelchinin  imbaret ak  mca nebo warditab   Chemase chemelil   Hillary Serem,  ole  kamwa  Sang  kole mitei alak eng bik   chemwoe  kole namu  imbarenichto   kobate  makingen ichek  kobate   kigerei  kityo   squataek   chekolei    miwek  bandek , mosongik ak  kipsiongik.

Kasom   Sang    membekab kainti   assembly    kotoret  kocheng ichek  walutiet  eng  ngalekab imbarenik     eng kaunti  nebo  nandi    amu  machei mengikab Nandi   mokorek kowekta imbarenik chekireb.

Ends




kikikochi notice bik cheibotik imbaretab kenya railways eng Kipkelion.


Commissioner Denies Claims

Kakoesio commissioner nebo county nemingin nebo kipkelion Naiyoma Tobiko ngalek chekomwa mengik chekikingemei bandekwak chekimi mbaretap Kenya Railways kole, maikochi   serkali kateunet  nepo koistogei

Kamwa Tobiko kole kikimwochi mengik koistogei kotinygei ak tekset nepo kilelit oretap garitap mat neos eng komasatak.

Eng wikit konye kokimuch neranik  chepo national youth service  kotem bandek chekikakikol eng mbaranotok po Kenya railways kiit nekinerekchi mengik ak kandoik.

Ends




Kaketigon mengikab Nandi kotestai kosub ngatutik chekikon ministry nebo tililindo asikeboriet miondoab Corona


Kakokon kurset rubeiywotab county commissioner nemondoi nebo Nandi kongasis Mathias Rioba koitchi mengikab Nandi kotestai kosub ngatutik chekikon ministry nebo tililindo chetokchingei boriet nebo miondoab Corona.

Ye kangongololi kangotoche rubeiywotab county commissioner nelel Leonard Mkuthe komwa Rioba newendi koegu county commissioner nebo Tana River kole some mengichotok kotestai kobois ak kiboitinikab serkali chekiyoktoi koba komasatak ipkoboisiechi icheg.

Kailos Rioba mengikab Nandi eng mwaet kole kibois ak ine eng kibakenge eng kasarta nebo kenyisiek 4 komakiet ine koek county commissioner.




Mache Mp nebo Chesume Wilson Kogo President Kenyatta koipchi kakwautiet bik tugul chekitinyngei ak chorsetab rabinik chebo Corona


Kakokon kurset Mp nebo Chesume Wilson Kogo koitchi President Uhuru Kenyatta koipchi kakwautiet bik tugul chemwaat kele kitinyngei ak chorsetab rabinik chekikitabonchi boriet nebo miondo nebo Corona eng emoni.

Ye kangongololi eng Chemundu eng county nebo Nandi komwa Kogo kole nyalu keyotchi kiruoget bik tugul chekitinyngei ak chorsonotok amu manyalu keyae mungaret bik chemiandos eng emoni.

Kotinyngei ak terchinosiek chekibaoryonchin eng chamaitab Jubilee komwa Kogo nerekchin alak eng bik chekokochutchi chamainotok kotinye maget nebo kongem chamait kale nematiny komagoi komanda ine eng chamainotok bo Jubilee.




Kaibet sobonwekab bik 4 kosupkei ak miondo nebo Corona ak kotes kaitetab bik chekikobet sobet kosupkei ak mionotok agoi 581.


Kaibet sobonwekab bik 4 kosupkei ak miondo nebo Corona ak kotes kaitetab bik chekikobet sobet kosupkei ak mionotok agoi 581.

Kabit nitok eng kasarta nekatesak ak koit bik elfu 34,493 chekikonam miondoab Corona eng emoni kangenyor bik alak 178 chetinye miondoab Corona.

Kosupkei ak logoiyo kobun ministry nebo tililindo ko kamwa minister Mutahi Kagwe kole tesetai kondoi county nebo Nairobi kangenyor bik 48 chetinye Corona,Kericho 24 ,Nakuru 7,Bomet 4 ak 2 eng Narok.

Kora ko kasopcho bik 238 chekotesetai konyoru kanyoiset kosupkei ak miondoab Corona ole 187 eng icheg kokonyoru kanyoiset eng gaa.




Kateteonchigei CS nebo tililindo Mutahi Kagwe kotinyngei ak kamastaetab rabinik chebo Covid -19 eng kibakengeitab KEMSA


Kakomwochi minister nebo tililindo Mutahi Kagwe afisayat neo nebo kibakengeit neole ak koletoi kericheg nebo KEMSA DR.Jonah Manjari kolaa milenyi inegei kosupkei ak chorsetab rabinik chekikitobonchi boriet nebo miondoab Corona.

Kamwochi Kagwe committee netelelchin tililindo eng bunge nebo poror kole matinyngei eng oret agetugul ak chorsetab rabinichotok kale inendet nekisom matwet neyoe chigilisiet kotoi chigilisiet eng kibakengeitab KEMSA ak eng ministry neo tililindo.