Category Archives: bahari fm

Wabunge wa kaunti ya Taita Taveta sasa wanatoa wito kwa wananchi kujitokeza na kutoa maoni yao, kuhusu mswada wa kupinga ubakaji ambao utawasilishwa katika bunge la kaunti.

Kulingana na wawakilishi wadi kaunti hiyo wanasema ,kutokana na ongezeko la visa vya ubakaji miongoni mwa jamii ,kumewafanya kufikiria jinsi ya kukabili jinamizi hilo.

Kwa sasa wanasema watahusisha wananchi katika kuchukua maoni,ili kuhakikisha sheria watakayounda inafata katiba.

Wakaazi wa Mwatate wamelalamikia hatua ya mwekezaji wa kibinafsi eneo hilo ,kuanza kupima ardhi ya shamba licha ya shamba kuwa na kesi mahakamani.

Wakaazi hao wakiongozwa na mwanaharakati Mnjala Mwaluma anasema ,masorovea wa kibinafsi wamekuwa wakipima ardhi ,licha ya kwamba kesi inayokabili shamba hilo, itasikilizwa mwezi wa tano mwaka huu.

Kwa sasa wanatoa wito kwa viongozi wa serikali ya kaunti ya Taita Taveta, kuingilia kati mzozo huo ambao umesababisha wakaazi zaidi ya elfu moja kuwa maskwota.

Maafisa wa usalama kule Changamwe Mombasa wamewatia nguvuni washukiwa saba waliofumaniwa wakiiba nyaya za umeme kwenye barabara kuu ya kutoka Mombasa kuelekea Nairobi.

Akizungumza wakati wa oparesheni hio naibu kamishana wa kaunti huko Changamwe Peter Sironka Ole-Masaa amesema kwamba saba hao wamefumaniwa na mirundo ya nyaya za stima aina ya Copper zinazopitishwa ardhini ambazo wamekuwa wakikata.

Polisi katika eneo la mkaowamoto Malindi wamewaonya wakaazi eneo hilo dhidi ya kuchukua sheria mikoni mwao, wakati kunapo tokea tukio la kihalifu.

Haya yanajiri baada ya afisa mmoja wa polisi kwa jina Stephen Mwema kuuwawa na wakaazi wa eneo hilo mwishoni mwa juma hili.

Wahudumu wa mabasi ya abiria katika barabara kuu ya Lamu Witu na Garsen kaunti ya Lamu wametoa wito kwa serikali ya kitaifa kuiondoa Escort katika barabara hiyo.

Kulingana na wahudumu hao Wamesema wanachukua muda mwingi barabarani kusubiri Escort, magari ya maafisa wa polisi kuwasindikiza kwa minajili ya usalama wa abiria na Mizigo yao.

Mwanaharakati Okiya Omttatah amefika mahakamani na kuwasilisha kesi ya kupinga kuwa mamlakani kwa gavana wa kaunti ya Taita Taveta Granton Samboja akidai hana makaratasi halali ya kuwa uongozini, juma moja tu baada ya mahakama kuu kutupilia mbali kesi kama hiyo kwa kukosa ushahidi wa kutosha.

Kulingana na Omtatah mnamo mwaka 2017 tume ya maadili na kupambana na ufisadi EACC iliifahamisha tume ya kutathmini mipaka na uchaguzi IEBC kwamba, gavana Samboja ana vyeti ghushi ikiwemo shahada.

Tume ya ardhi nchini imetakiwa kutatua tatizo la ardhi eneo la Bura kaunti ya Taita Taveta, ambapo jumla ya watu elfu moja wanaishi kwa hofu ya kuondolewa sehemu hiyo.

Wenyeji wa eneo hilo wanasema maafisa wa tume hiyo wameshindwa kutatua mzozo huo, kwani mara si moja wamesema watasuluhisha ,lakini hakuna matumaini ya mzozo huo kumalizika.

Aidha wakaazi hao wanatoa wito kwa serikali ya kaunti ya Taita Taveta ,kupitia bunge la kaunti kuunda kamati maalum kuchunguza masaibu ya wakaazi hao.

Gavana wa Kwale Salim Mvurya amewasuta viongozi wanaompinga naibu wake Fatuma Achani, kutokana na azimio lake la kumrithi katika nafasi ya ugavana kaunti hiyo mwaka 2022.

Mvurya ameitetea hatua yake ya kumuunga mkono Achani akisema kuwa ,wanawake wana haki ya kuwania nafasi za uongozi katika serikali.

Wakati uo huo, Mvurya amekemea vikali siasa za ukabila anazodai kuwa ,zinatumiwa na wapinzani wao wanaokimezea mate kiti cha ugavana wa kaunti hiyo.

Hata hivyo, kiongozi huyo amewataka wakaazi wa Kwale kutokubali kugawanywa na wanasiasa ,wasiokuwa na sera kwa misingi ya kikabila.

Changamoto imetolewa kwa serikali ya kaunti ya Taita Taveta ,kuhakikisha inatumia vyema fedha zinazotolewa na serikali kuu, kwa ajili ya maendeleo.

Kulingana na mtaalam wa masuala ya ugatuzi Stephen Mwakesi anasema ,wananchi wana matumaini makubwa ya kufanyika miradi ya maendeleo, na sharti viongozi watilie maanani suala hilo.

Mwakesi aidha anatoa wito kwa viongozi kuacha kulumbana ,na badala yake kuhudumia wananchi.

Idara ya usalama katika kaunti ya Mombasa imezindua kampeni ya zoezi la msako wa dawa za kulevya ikiwemo pombe haramu mashinani.

Operesheni hiyo inalenga kuwatoa mafichoni watumizi wa dawa za kulevya kutokana na ongezeko la utumizi wa dawa hizo katika kaunti ya Mombasa.