Category Archives: bahari fm

ONYO ,MACHIFU WASHIRIKIANE KUKABILIANA NA DHULMA ZA KIJINSIA TAITA TAVETA.


Machifu kaunti ya Taita Taveta wametakiwa kushirikiana katika juhudi za kukabiliana visa vya dhuluma sawa na mimba za mapema.
Kulingana na kaunti kamishna Rhoda Onyancha anasema kuna kesi za dhuluma ambazo wahusika huwajulikani ila jamii huwaficha hivyo kuwanyima haki waathiriwa.
Aidha Onyancha amesema kuwa yeyote atakayepatikana akishirikiana na wanaotekeleza dhuluma za aina yoyote  kwa lengo ya kuficha ukweli usijulikane atakabiliwa kisheria.



UA ZA UMEME KUZUNGUSHWA.


Wamiliki wa hifadhi za wanyamapori za kibinafsi katika kaunti ya Lamu wametakiwa kuzungusha ua za umeme kwenye hifadhi hizo ili kuepusha visa vya wanyamapori kuwahangaisha wananchi .

Haya yanajiri baada ya wamiliki wa Nairobi Ranch kudai umiliki wa simba aliyekamatwa na maafisa wa shirika la huduma kwa wanyamapori wiki mbili zilizopita baada ya wananchi kulalamikia kusumbuliwa na simba huyo ambaye anadaiwa kuuwa mbuzi zaidi ya 20 maeneo ya Lake Amu.

Mwakilishi wa wadi ya Hongwe James Njuguna Komu amepongeza shirika la KWS kwa kumuondoa simba huyo huku akisema alipaswa kuuliwa hasa kutokana na hasara ambayo aliifanya.

Aidha Njuguna amesema endapo shirikala KWS litamrudisha simba huyo kwa umiliki wa Nairobi Ranch na kuanza tena uvamizi kwa mifugo basi huenda wananchi wakachukua sheria mikononi na kumuangamiza simba huyo.




BUNGE LA KAUNTI LAAGIZA WAALIMU WA CHEKECHEA KURUDI KAZINI


Bunge la kaunti ya Taita Taveta limeagiza bodi ya uajiri kaunti hiyo kurudisha waalimu wa chekechea walioachishwa kazi mwanzoni mwa mwaka huu.
Kulingana na mwenyekiti wa kamati ya elimu Anselm Mwadime anasema serikali ya kaunti ilienda kinyume kuwaachisha kazi waalimu hao zaidi ya mia mbili.
Aidha kamati hiyo sasa inaitaka serikali ya kaunti kuwarudisha kazini bila vikwazo vyovyote.



MUUNGANO WA MAKANISA MOMBASA WATOA OMBI LA KUFUNGULIWA KWA SEHEMU ZA IBADA


Muungano wa wahubiri wa kikristo kwa jina Mombasa Pastors Fellowship umetoa shinikizo kwa rais Uhuru Kenyatta kuangazia mikaka ya kuhakikisha kwamba sehemu za ibada zinafunguliwa haraka iwezekanavyo.

Wakizungumza mjini Mombasa wahubiri hao wakiongozwa na Reverend Jane Kamau amesema jamii inazidi kupotea kwa kukosa mwongozo wa kanisa na hivyo kuitaka sehemu za ibada kupewa nafasi jinsi wanavyopewa wafanyibiashara.

Kwa upande mwingine muungano huo kupitia reverend Harun Kiriga umepinga vikali mswada wa kuavya mimba uliowasilishwa katika bunge la seneti na hivyo kutaka wabunge kuuangusha mswada huo kwa madai kwamba unakiuka haki za kanisa.




VITAMBULISHO VYASALIA WANANCHI WAKIOGOPA CORONA.


Takriban vitambulisho elfu 32 vimesalia katika afisi mbali mbali za usajili mkoani Pwani huku wenyewe wakikosa kuvichukua tangu kuanza kwa virusi vya corona.

Kulingana na mkurugenzi wa usajili Pwani Aggrey Masai ni kuwa wananchi wengi wamekosa kuchukua stakabadhi hiyo muhimu kaunti ya Mombasa ikiongoza na kufuatwa na Kilifi.
Masai amesema kuwa kuwepo kwa marufuku kumechangia kusalia kwa vitambulisho hivyo miongoni mwa sababu nyenginezo.
Aidha amesema kuwa kwa sasa wanaendelea na shughuli katika afisi hizo kikamilifu kinyume na siku za mwanzo za ugonjwa wa COVID 19 ambapo walikuwa wanatoa huduma chache tu huku akiwataka wananchi kujitokeza kuchukua vitambulisho vyao.
Hawa ni baadhi ya waliokuja kupokea huduma afisini humo.



Kunguni kero Kilifi kusini.


Baadhi ya wakaazi wa eneo la vipingo eneo bunge la kilifi kusini wamelalamikia uvamizi wa Kunguni kwa zaidi ya miezi mitatu sasa.

Wakaazi hao wanahoji kuwa kunguni wamekuwa tatizo kwa muda eneo hilo na kwamba wamekuwa wakihangaisha eneo zima la vipingo.

Tayari idara ya afya kutoka kaunti ya Kilifi imejitokeza na kupuliza dawa kwa wadudu hao ambao wamekuwa kero hivi sasa.

Maafisa hao wamepiga kambi eneo hilo chini ya uongozi wa David Vidosi kwa lengo kuangamiza wadudu hao.

Kulingana na afisaa huyo wakaazi wamekerwa mno na wadudu hao na kwamba kama serikali watafanya kila wawezalo kuwaangamiza.




Mwanamume anusurika kifo baada ya kujitupa Baharini.


Mwanamume mmoja mwenye umri wa makamo amenusurika kifo baada ya jaribio lake la kujitoa uhai katika kivuko cha feri kutibuka.

Mwanamume huyo ambaye anasemekana kuabiri feri ya MV Kwale alijitupa baharini baada ya feri hiyo kufika katikati.

Hata hivyo aliweza kuokolewa na maafisa katika kivuko hicho

Aidha alitolewa na kukamatwa huku akipelekwa katika kituo cha polisi cha Ferry.




Wakaazi wa kazamoyo Kinango wadai kutengwa na serikali.


Wakaazi wa kijiji cha kaza moyo katika eneo la Samburu Chengoni kule Kinango wanaendelea kuhangaika na kutengwa kutokana na ukosefu wa huduma za kimsingi ikiwemo hospitali, maji, chakula na nguvu za umeme.

Visa vya watoto wachanga kuaga dunia wanapozaliwa vinashuhudiwa katika eneo hilo kutokana na ukosefu wa hospitali.




Tanariver yapitisha bajeti ya mwaka 2020/2021


Wizara ya Fedha na Mipango ya kiuchumi  kaunti ya Tana River yatengewa shilingi bilioni moja nukta saba katika makadirio ya bajeti ya mwaka wa 2020/2021 ambayo imewasilishwa katika bunge la kaunti kuidhinishwa.




Wakaazi wa Mokowe, Lamu wataka kufidiwa.


Wito umetolewa kwa mwanakandrasi anayendeleza ujenzi wa barabara kuu ya Lamu Witu Garsen kuwafidia wakaazi wa Mokowe Lamu ambao nyumba zao zimebomoka kufuatia mafuriko yaliyosababishwa na ukosefu wa mabomba ya kusafirisha maji taka katika barabara hiyo.