Category Archives: bahari fm

MAAFISA WA USALAMA KUHUSU POMBE ZA KIENYEJI- TAITA TAVETA.


Maafisa wa polisi kaunti ya Taita Taveta wamesema kwamba ,hawatachoka katika vita vya kumaliza pombe za kienyeji hasa maeneo ya mashinani.

Wanasema katika Siku za hivi karibuni ,unywaji wa pombe za kienyeji umeongezeka ,huku wakitoa wito kwa ushirikiano na wananchi.

Haya yanajiri huku maafisa wa nyumba kumi wakisema kwamba, watashirikiana nao katika kumaliza visa hivyo.




WABUNGE WA KITAIFA WATAKIWA KUISOMA NA KUICHAMBUA RIPOTI YA BBI ILI KUREKEBISHA VIPENGEE TATA-LAMU


Wabunge wa kitaifa kaunti ya Lamu wametakiwa kuisoma ripoti ya BBI na kuichambua kwa makini ,sawIa na kurekebisha vipengee tata vinavyomkandamiza mwanachi kabla ya kuipitisha katika bunge la Kitaifa.

Hii ni kufuatia hisia zilizoko kwamba huenda kaunti ya Lamu ,ikapoteza fedha nyingi ikiwa mswada wa BBI utapita ,kutokana na idadi chache ya watu walioko Lamu ambao ni watu walio chini ya laki mbili.

Aidha wakaazi wametoa wito kwa viongozi wao kuwaelimisha zaidi , kuhusu mswada wa BBI kwani hadi kufikia sasa wengi wao ,hawajui hasara na faida watakazopata kutokana na mswada huo.




IDARA YA USALAMA NA MIKAKATI YA KUZUIA MAAMBUKIZI YA CORONA MPAKANI KENYA NA TANZANIA.


Idara ya usalama kaunti ya Kwale imeweka mikakati kabambe ya kuzuia maambukizi ya virusi vya corona katika mpaka wa Kenya na Taifa jirani la Tanzania.

Kamishena wa kaunti hiyo Joseph Kanyiri amesema kuwa ,ni sharti raia wanaoingia Kenya kupitia mpaka wa Lungalunga wachunguzwe na kupimwa virusi hivyo vya corona.

Wakati uo huo, kamishena huyo amewaonya vikali wakaazi hao ,dhidi ya kutumia njia za mkato katika maeneo ya mpakani kwamba watashtakiwa

 




BUNGE LA TANA RIVER LASHUTUMIWA KWA KUKOSA KUHUSISHA UMMA KABLA YA KUPITISHA RIPOTI YA BBI.


Bunge la kaunti ya Tana River lashtumiwa vikali kwa kupitisha mswaada wa kubadilisha katiba maarufu BBI bila kuhusisha umma, licha ya kuweka tangazo katika gazeti kwamba lingefanya vikao vya umma hapo kesho.

Ni hatua ambayo imepelekea baadhi ya wakazi kutishia kwenda mahakamani ,na tayari aliyekuwa mbunge wa Garsen, Danson Mungatana, amethibitisha kwamba kunao wakazi ambao wanataka wawasilishe kesi mahakamani kwa niaba yao ,dhidi ya kile wanasema ni bunge la kaunti kutofuata sheria.

Baadhi ya wanaharakati ambao wameongea na kituo hiki ,wamekashifu hatua hiyo na kusema bunge lingeandaa vikao vya umma, ili wananchi watoe maoni yao hata kama hawana uwezo wa kubadili chochote ,katika mswaada huo wa sheria.

Mwenyekiti wa kamati ya huduma ya umma na utawala katika bunge la kaunti, Mohammed Buya,ambaye mswaada huo wa shera umekuwa katika kamati yake ,hakuweza kutoa sababu maalum ya bunge kupitisha BBI ,bila kabla kufanyika kwa vikao vya umma.




MAENEO YA GANZE NA MALINDI KUFAIDIKA NA UFADHILI WA MIRADI YA MAJI NCHINI.


 

Shirika la kufadhili miradi ya maji nchini Water Sector Trust Fund ,limetangaza kutenga shilingi bilioni 6.5 kutekeleza miradi ya maji kote nchini.

Mkurugenzi mtendaji wa shirika hilo Ismail Shaiye anadai kuwa ,Ganze na Malindi ni miongoni mwa maeneo ambayo yatanufaika pakubwa na ufadhili huo.

Katika hotuba yake baada ya kuzindua mradi wa maji eneo la Bamba ,mkurugenzi huyo amemtaka mwanakandarasi ambaye alipewa kazi hiyo ,kuukamilisha mradi huo kwa wakati ufaao.

Kwa upande wake mkurugenzi wa kampuni ya usambazaji maji ya KIMAWASCO Hezekia Mwarua amesema, vituo vitano vya maji vitajengwa pamoja na matangi ya maji ya lita elfu tano, sehemu hiyo.

Aidha Mwarua amesema kuwa wafugaji pia ,watanufaika baada ya kujengewa sehemu kwa mifugo yao kunywa maji ,wakati wa ukame.

 




WAHUDUMU WA AFYA WAPEWA SIKU SABA KURUDI KAZINI- TAITA TAVETA.


 

Wahudumu wa Afya wanaoshiriki mgomo katika kaunti ya Taita Taveta wametakiwa kutekeleza agizo la Mahakama ,la kuwataka kutuma maombi yao kwa tume ya kuajiri wafanyikazi wa kaunti chini ya siku saba.

Kulingana na Waziri wa Afya wa Kaunti hiyo John Mwakima, Mahakama imeamuru Wahudumu hao kupeleka barua zao za maombi kwa tume ya kuajiri wafanyikazi wa kaunti ,kabla ya siku saba kukamilika.

Waziri huyo pia anasema kuwa katika uamuzi huo, serikali ya kaunti haijapewa masharti mapya na wanatarajia Wahudumu hao wa Afya kutekeleza agizo hilo la Mahakama .




Wakaazi walalamikia mapenzi ya jinsia moja Kwale.


Baadhi ya wakaazi wa Kijiji cha Mwangulu kaunti ya Kwale wamelalamikia ongezeko la tabia ya wanaume kushiriki ngono ya jinsia huko lungalunga

Wakiongozwa na Mohammed Mwakuyala wakaazi hao wamesema vitendo hivyo vimekithiri pakubwa kuwafanya wanawakwe kuwa wapweke.

Wakaazi hao sasa wameilani tabia hiyo wakiwataka wanaume wanaondesha biashara hiyo kukoma.

 

Hata hivyo wakaazi hao wameonyesha hofu ya kwamba tabia hiyo huenda ikaathiri vijana wadogo na kizazi baada yao.

 




Kampeni kufufua utalii yaanzishwa Kilifi.


Wadau wa sekta ya utalii kule watamu kaunti ya Kilifi kwa ushirikiano na wasanii mbali mbali wameanzisha kampeni kabambe ya kufufua utalii ambao umesambaratika kabisa katika siku za hivi karibuni.

Wadau hao wanadai kuwa lengo la hatua hiyo ni kufufua uchumi ambao umesambaratika hata zaidi hivi sasa.

Kulingana na Nicola Traldi, amaye ni mkurugenzi mkuu wa Solo Grano ambayo ni kampuni ya kupanga ghafula mbali mbali amesema wanapanga kongamano kubwa kule Watamu litakalo waleta Pamoja wadau mbali mbali wa sekta ya utalii.

Ni Kongamano ambalo linatarajiwa kufanyika mnamo mwexzi machi mwaka 2021.

Hatua hii inajiri juma moja baada ya ghafula kama hiyo kuandaliwa na wasanii katika hoteli moja eneo hilo.




Bunge la Kaunti ya Lamu lapitisha BBI.


Bunge la kaunti ya Lamu hatimaye limekuwa miongoni mwa mabunge mengine humu nchini kupitisha mswada wa BBI mapema leo katika makao makuu ya bunge eneo la Mokowe kaunti ya Lamu.

Wawakilishi wadi wote 18 miongoni mwao wabunge wateule wanane kwa kauli moja wote wameunga mkono ripoti ya BBI kabla ya kupitishwa mwendo wa saa tano kamili na Spika wa bunge Abdul Kassim Ahmed.

Aidha Mwakilishi wadi ya Shella Mbarak Azhar ametoa wito kwa wabunge wa kitaifa kuona kwamba baadhi ya vipengee ambavyo vinakandamiza wakaazi wa Lamu waweze kuvijadili katika bunge la kitaifa.

 




Gavana wa Mombasa awasuta wanaokosoa azma yake ya urais.


Gavana wa Mombasa Hassan Joho ameendeleza mashambulizi dhidi ya wakosoaji wake wanaosema kuwa hawezi kushinda kiti cha urais.

Joho amesema kuwa ni jambo la kusikitisha kuona kuwa baadhi ya viongozi hata kutoka Mombasa wanamrushia makombora na kumkebehi kuwa hawezi kuwa rais bila kutoa sababu za maana.

Gavana huyo akiwaonya wakosoaji wake kujitayarisha kwani anaendelea kupasha misuli moto kuhakikisha yuko katika kinyang’anyiro hicho cha mwaka 2022.

Akizungumza mjini Mombasa Joho amesema kuwa yuko tayari kupambana katika kuwania urais na wote watakaokuwa debeni.

 

Ni jambo ambalo mbunge wa Mvita Abdulswamad Nassir na mwenzake wa Likoni Mishi Mboko wamesema kuwa kila eneo la nchi linaweza kuzalisha kiongozi latina ngazi za kitaifa.