Category Archives: bahari fm

Omare Lali awasilishwa mahakamani Leo.


Omar Lali mshukiwa wa mauaji ya Tecra Muigai,anatarajiwa kusomewa mashtaka ya mauaji hii leo katika mahakama kuu ya Garsen iliyoko kaunti ya Tana River .

Lali anatuhumiwa kumuuwa mpenziwe Tecra Muigai mwanawe mmiliki wa kampuni ya pombe na Mvinyo Keroche Breweries Bi Phyllp Karanja mwezi machi mwaka huuo.

Lali na Tecra walikuwa wakiishi katika nyumba ya kibinafsi eneo la Shella Kisiwani Amu kaunti ya Lamu,ambapo mwezi machi Tecra alianguka kutoka kwenye gazi za nyumba hiyo kabla ya kupata majeraha kwenye kichwa yaliyosababisha kifo chake baadae.

Hapo jana uamuzi wa mahakama ya Lamu ulisema, kulingana na ushaidi ambao umekuswanywa na kitengo cha upelelezi, polisi na kiongozi wa mashataka wameridhika kwamba wanaweza kuthibitisha mauaji ya makudusi yalitokea na wala haikuwa ajali ..

Ili waweze kuthibitisha hilo hakimu wa mahakama ya Lamu Allan Temba liwaamuru waende wapelekea ushaidi huo kwa jaji katika mahakama kuu ya Garsen ili atoe uamuzi kuhusiana na kesi hiyo.




Baba Mla mwanawe azuiliwa Lamu.


Mvulana wa umri wa miaka 13 adadaiwa kulawitiwa na babake mzazi katika eneo la Mokowe kaunti ya Lamu.

Habib Ali afisa mkuu wa shirika la MUHURI amesema mwanamume huyo amekuwa na desturi ya kumlawiti kijana huyo kabla ya kukamatwa baada ya mwathiriwa kuelezea majirani alipoanza kuhisi maumivu katika makalio.

Mwanamume huyo anazuiliwa katika kituo cha polisi cha Mokowe.

Shirika la MUHURI limelaani vikali vitendo vya watoto walio na umri mdogo kudhulumiwa kimapenzi eneo hilo.




Viongozi watishia kukaidi maagizo licha ya tishio la corona.


Huku sehemu za ibada kote nchini zikitarajiwa kufunguliwa hii leo na kuregelea huduma za maombi, baadhi ya viongozi wa kanisa la Kipentecosti kule Shanzu Mombasa wanasema kwamba itakuwa changamoto kutekeleza baadhii ya maagizo yaliyotolewa na serikali kulingana na imani yao.

Wakiongozwa na mwenyekiti wao Apostle Wiltone Odila wahubiri hao wanasema kwamba maombi yanaongozwa kiroho na hivyo kudhibiti idadi ya waumini wanaokuja kanisani kuwa 100 na kufanya maombi kwa muda usiozidi saa moja sawia na kuweka umbali wa mita moja kwa kila muumini kanisani ni jambo gumu kwao kutekeleza.

Wakati uo huo Rverend Kahuro Kamiri amesema kwamba kuna haja ya kamati iliopewa jukumu la kutoa mapendekezo kuhusu namna ya kudhibiti corona katika sehemu za ibada kuangazia upya mapendekezo yao kwa madai kwamba mengine yanakwenda kinyume na imani yao.




Makavazi ya Fort Jesus yakadiria hasara ya millioni 10.


Makavazi ya Fort Jesus imepoteza zaidi ya shilling millioni 10 kati ya mwezi Aprili na Juni mwaka huu ikilinganishwa na mwaka uliopita.

Hii ni kutokana na marufuku iliyowekwa mwaka huu kwa sababu ya virusi vya corona huku makavazi hii ikikadiria hasara ya mamaillioni ya pesa kutoka kwa wageni zaidi ya elfu 42 ambao wangetembelea makavazi hiyo.

Kulingana na msimamizi mkuu wa makavazi hiyo Fatma Twahir ni kuwa mwezi Aprili, Agosti na Disemba ndio wakati ambapo wanapokea idadi kubwa ya wageni.

Twahir akisema kuwa fedha hizo hutumika katika kushughulikia makavazi hiyo na maswala mengine.

Akisema wana mikakati ya kufungua makavazi hiyo na atayari mikakati kadhaa imewekwa kuhakikisha kuwa wanafuata masharti ya serikali na wizara ya afya.

 




Mwanamume azama baharini Lamu.


Mwanamume  mmoja mwenye umri wa miaka 40 hajulikani alipo baada ya mashua walimokuwa wakisafiria kuzama bahari hindi kati ya eneo la Ziwayu na Tenevi kaunti ya Lamu usiku wa kuamkia leo.

Ismail Hassan Lali alikuwa ameandamana na wenzake wanne wakiwa katika shughuli zao za kuvua samaki eneo hilo kabla ya mashua yao kuzamishwa na wimbi kali la maji ya bahari.

Watano hao waliokuwa kwenye mashua kwa jina Riziki baada ya kuzama,wanne walifanikiwa kuogelea hadi katika ufuo wa bahari huku mwenzao akishindwa nguvu na  maji ya bahari ambayo yalimsomba.

Adha juhudi za kumsaka mwanamaume huyo zinaendelezwa na vikosi mbalimbali vya uokoaji ikiwemo familia,NAVY sawa na maafisa wa maswala ya baharini.

Mkurugenzi wa shirika la maswala ya usalama wa baharini KMA Alex Munga amewasihi wakaazi kuchukua tahadhari pindi wanapoenda baharini kutokana na upepo unaovuma kwa kasi unaosababisha kushuhudiwa kwa mawimbi makali.




WANAOINGIZA MIFUGO WAONYWA TAITA TAVETA


Huku msimu wa kiangazi kaunti ya Taita Taveta ikitarajiwa kuanza hivi karibuni wachungaji mifugo wameonywa dhidi ya kuingia mifugo katika mbuga ya Tsavo.
Kulingana na mbunge wa Mwatate Andrew Mwadime anasema kuingizwa kwa mifugo kunafanya wanyamapori kutorokea katika maeneo ya binadamu na hivyo kufanya mizozo kudumu.
Mwadime wakati huo amewataka maafisa wa Kws kuwajibika ili wachungaji hao watolewe katika mbuga hiyo.
Mwadime ametaja maeneo ya Maungu sawa na Salaita kati ya maeneo ambako mifugo inaingizwa kwa wingi katika mbuga ya Tsavo



MATUMAINI KWA SEKTA YA MADINI


Wachimbaji madini wadogo katika kaunti ya Taita Taveta wameshauriwa kuendeleza shughuli zao baada ya rais Uhuru Kenyatta kufungua mipaka huku safari za ndege zikitarajiwa kuanza hivi karibuni.

Mshauri wa maswala ya uchumi na madini Stephen Mwakesi amesema ni muhimu kwa sekta ya madini kuimarishwa baada ya kuathirika kutokana na janga la covid 19.

Hata hivyo amesisitiza haja ya wachimbaji madini na wafanyikazi wote katika sekta hiyo kuhakikisha kuwa wanafuata kanuni za wizara ya afya wakati wa shughuli zao ili kujikinga dhidi ya kupata maambukizi ya virusi vya corona.




Barabara yafungwa Mombasa.


Barabara ya Miritini – Mwache – Kipevu imefungwa kwa muda wa saa 48, ili kufanyia marekebisho sehemu ndogo ya barabara hiyo.

Katika taarifa mamlaka ya barabara kuu KENHA imesema kuwa sehemu hiyo itafanyiwa marekebisho kutokana na unyevu jambo ambalo limefanya sehemu hiyo kuonyesha dalili za kuporomoka.




Familia Chonyi, yanyimwa haki ya kuzika mwili wa mpendwa wao.


Familia moja katika eneo la Ziani, Chonyi kaunti ya Kilifi inataka usaidizi wa kuruhusiwa kuzika mwili wa mpendwa wao baada ya kuzuiliwa kufanya hivyo na mahakama.

Mazishi ya marehemu Dorothy Mwamuye mwenye umri wa miaka 48 yalitibuka jumamosi baada ya jamaa aliyedaiwa kuwa mumewe kuwasilisha amari ya mahakama akitaka marehemu kutozikwa.




Wakaazi wa Watamu walilia ardhi yao inayodaiwa kunyakuliwa.


Hali ya taharuki imetanda katika eneo la Watamu kufuatia madai ya kuvamiwa kwa ardhi katika kijiji hicho na bwenyenye mmoja.

Kulingana na wakaazi wa eneo hilo jumla ya watu 3,000 wameathirika na uvamizi huo wa ardhi ambao huenda ukasambaratisha amani eneo hilo.