Category Archives: bahari fm

WANAFUNZI WAZINGATIE MASOMO


Mwenyekiti wa wazazi katika shule ya upili ya wasichana Kisiwani Amu , Khalifa Abdul Kadiri,ametoa wito kwa wanafunzi wa Lamu ambao wamerudi shuleni kuzingatia masomo yao kikamilifu.

Kulingana na Khalifa muhula huu ni muhula mfupi mno ,hivyo basi kuna haja wanafunzi kusoma kwa bidii ili wapate kufaulu vyema ,kwani wao ndio viongozi wanaotegemewa na jamii katika siku za mbeleni.

Aidha amewataka wazazi ambao wanafunzi wao bado wako majumbani ,baada ya kushereheka siku kuu ya Eid, kuona kwamba wanafunzi hao wanawapeleka shuleni ,kuendeleza masomo yao.




VISA VYA WATU KUJITOA UHAI KUONGEZEKA HASA MSIMU HUU WA JANGA LA CORONA.


Serikali imetakiwa kubuni njia mwafaka ,za kukabiliana na ongezeko la visa vya watu kujitoa uhai humu nchini.

Takwimu zimeonyesha kuwa jumla ya watu 10 wamefariki kupitia njia ya kujitoa uhai ,kuanzia mwezi januari hadi sasa.

Ni hali ambayo imedaiwa kuongezeka hata zaidi wakati huu wa janga la Corona ,na kupelekea mashirika ya kijamii kuingilia kati.

Kulingana na shirika la Kijamii la Kilifi Mums ,visa hivyo vimeongezeka kwa kasi na kuwaacha Watoto wengi mayatima hususan katika kaunti ya Kilifi.

Hata hivyo taarifa kutoka kwa mwanasaikolojia Dr Dorcus Juma, mila na desturi za kiafrika zimedaiwa kuchangia pakubwa swala hilo.

 




ZAIDI YA WATU 5000 WAPOKEA CHANJO YA CORONA .


Zaidi ya watu 5000 kutoka kaunti ya Kilifi wamepokea chanjo ya kujikinga dhidi ya maambukizi ya virusi vya Corona.

Kulingana na waziri wa afya kaunti ya Kilifi Charles Dadu , wahudumu wa afya ambao wamepata chanjo hiyo ni 1,555, huku idadi ya waalimu ikiwa jumla ya 712.

Waziri huyo anadai kuwa serikali yake imeweka mikakati ya kuhakikisha kuwa, wakaazi ambao hawakuorodheswa kupata chanjo hiyo kwa awamu ya kwanza wanapokea.

Dadu amehoji kuwa wamewapa kipaumbele wazee wenye umri wa zaidi ya miaka 58, ili waweze kujikinga na maambukizi hayo, na kwa sasa kuna jumla ya chanjo 1,710 ambazo zimesalia katika maabara ,ambapo wanaendelea kuzipeana kwa wakazi wa kaunti ya Kilifi.




MWEKEZAJI MWATATE ATAKIWA KUHESHIMU WAKAAZI.


Wawakilishi wadi wa kaunti ya Taita Taveta wanashinikiza kuchukuliwa hatua za kisheria ,dhidi ya mmiliki wa kampuni ya mkonge eneo la Mwatate ,kwa madai ya kuwakamata kila mara wakaazi wa eneo hilo. .

Wakiongozwa na mwakilishi Abednego Mwanjala wanasema ,mmiliki huyo anakiuka haki za wakazi wa kaunti ya Taita Taveta, kwani kumekuwa na ripoti kuwa wanaotiwa mbaroni ni wapita njia ambao hawana makosa.

Aidha wanatoa wito kwa taasisi za kiserikali kufanya hima kuhusu tuhuma hizo, kwani hata ukarabati wa nyumba karibu na shamba hilo umekuwa vigumu kuendelezwa.




Wafanyikazi 100 wa bandari wapikea mafunzo kuhudumu katika bandari ya Lamu.


Wafanyikazi 100 walioajiriwa na mamlaka ya bandari nchini KPA wanaendelea kupokea mafunzo bandarini Mombasa kabla ya kupelekwa katika bandari ya Lamu watakapotarajiwa kutoa huduma zao pindi tu baada ya bandari hiyo kufunguliwa rasmi.

Taarifa iliyotolewa na mamlaka ya bandari nchini KPA inasema kwamba zoezi la kuajiri wafanyikazi hao lilianza mwaka wa 2019 ambapo kati ya watu 3,426 waliotuma maombi, ni watu 1,114 walioteuliwa na kisha 100 kati yao kufanikiwa kupata nafasi za ajira baada ya kuhojiwa.

Mia moja hao waliotuma maombi kutoka kaunti ya Lamu wanatarajiwa kwenda katika bandari ya Lamu kuanza kazi rasmi kabla ya tarehe 20, mwezi huu Mei, 2021.




Uhaba wa wauguzi changamoto katika utoaji wa huduma za afya.


Uhaba wa wauguzi katika kaunti za ukanda wa pwani na nchi nzima kwa ujumla umetajwa kama changamoto kuu katika utoaji wa huduma za afya.

 

Katibu wa muungano wa wauguzi tawi la Taita Taveta Joseph Chege amesema upungufu wa wauguzi unalemaza huduma za afya zinazotolewa hasa kwa wakaazi walioko mashinani.

 

Ameongeza kuwa kutokana na upungufu huo wauguzi wamelazimika kuhudumia wagonjwa wengi kinyume na matakwa ya shirika la afya duniani WHO hasa wakati huu wa covid 19.




Kenha kukabiliana na msongamano wa magari wakati wa upanuzi wa daraja la Makupa.


Huku awamu ya kwanza ya shughli za ujenzi wa daraja la Makupa zikianza mjini Mombasa, Mamlaka ya kitaifa ya barabara kuu nchini KeNHA imesema kwamba inaendeleza mikakati ya kuhakikisha kwamba watakabiliana na suala la msongamano wa magari.

Kwenye taarifa iliyotolewa na naibu mkurugenzi wa mawasiliano kwenye mamlaka hio Charles Njogu, miongoni mwa mapendekezo yaliyotolewa na washikadau ni ujenzi wa barabara mbadala karibu na eneo hilo ilikupunguza msongamano ambao huenda ukashuhudiwa.

Njogu hata hivyo amesema kwamba majadiliano yangali yanaendelea miongoni mwa washikadau kuhusu njia mbadalaya kuhakikisha kwamba shughli za uchukuzi wa magari yanayoingia na kutoka kisiwani Mombasa yataendelea bila hitilafu wakati wa ujenzi wa daraja hilo.




Baadhi ya waumini wa dini ya kiislamu washerehekea sikukuu ya Eid leo.


Baadhi ya waumini wa dini ya kislamu hii leo wamekusanyika katika uwanja wa Tononoka na kufanya ibada ya kusherehekea siku kuu ya Eid Ul Fitr.

 

Haya wamayafanya licha ya kadhi mkuu Amed Muhdhar kutangaza hapo jana kwamba ibada hio itafanyika hapo kesho siku ya Ijumaa baada ya mwezi kukosa kuonekana hapo jana jioni.

 

Akizungumza baada ya ibada hio iliyohudhuriwa na mamia ya waumini, Sheikh Abu Qatada amekashifu visa vya uhalifu na mashambulizi yanayotekelezwa na makundi ya vijana mjini Mombasa na hivyo kuvitaka vitengo vya usalama kuimarisha doria.

 

Waumini wengine wakiislamu wanatarajiwa kufanya ibada hio hapo kesho kama alivyotangaza kadhi mkuu.




Mbaroni kwa ulawiti Lamu.


 

Mwanamume mmoja wa umri wa miaka 28 ametiwa mbaroni na maafisa wa polisi eneo la Hindi kaunti ya Lamu kwa tuhuma za kumlawiti mvulana wa umri wa miaka 16.

 

OCPD Kisiwani Amu Joe Lekuta amethibitisha kisa hicho akisema wawili hao wameishi kwa muda wa wiki saba wakishiriki tendo hilo la aibu mara kadhaa kabla ya kijana huyo kuhisi maumivu makali katika sehemu zake za siri na kuamua kupiga ripoti kwa maafisa wa polisi.

Lekuta ameeleza kwamba Kijana huyo mkaazi wa Kisumu alijuana na mshukiwa kupitia mtandao wa kijamii wa facebook,ambapo alimuhidi kumpa kazi kijana huyo kabla ya kujipata katika uovu huo.




Tetesi za wafanyikazi wa sekta ya Mkonge Taita.


Changamoto imetolewa kwa wizara ya leba nchini kuingilia kati ili wafanyikazi katika sekta ya Mkonge kaunti ya Taita Taveta waweze kulipwa fedha zao.

Kulingana na Richard Juma ambaye ni mshirikishi wa chama cha kutetea wafanyikazi Cotu anasema wafanyikazi wengi hawajalipwa mishahara yao huku watoto wao wakitakikana shuleni.

Aidha Juma anasema kuna haja kwa idara ya mahakama kufikiria jinsi ya kuanzisha mahakama ya leba kwani wafanyikazi wengi wanapata shida kusafiri hadi jijini Nairobi kwa ajili ya kuwasilisha kesi zao.