Bururi wa Kenya riu  ung’etheirwo ni mururumo wa keeri wa ngigi cia weeru, iria cirigiriirwo kuhobaniria bururi uyu kwambiriria  gatagati ka mweri twerekeire wa Disemba.

Ministry ya urimi niyo iheaniite uhoro ucio ikiuga  ni ihariirie kung’ethanira na ngigi icio,,minister Peter Munya  akiuga nimaigiite keheri-ini ciringi billioni 3.2 cia kugura dawa cia kuhuhiria ngigi icio, kugura ngaari na kwandika matereba a gutangikira  maundu ma hi na hi.