Bunge ya Senate umunthi yiikwatiw’a kwithiwa na kikalo ki mwanya kuneenanisya na kuvitukithya mutalatala wa uaania wa kinandu.


Bunge ya Senate umunthi yiikwatiw’a kwithiwa na kikalo ki mwanya kuneenanisya na kuvitukithya mutalatala wa uaania wa kinandu.

Mbunge isu, ila inalasimikie kuthi uthyumuoni kumana na miao ila inatangaasiwe ni Musumbi Uhuru Kenyaata kusiyiiya kunyaiika munango kwa uwau wa ikua ya Corona, yineenanisya mutalatala usu, ula uungu waw’o, kinandu kiaanaw’a kati wa silikali nene na silikali sya mutiuuko.

Mutalatala usu nutumite vethiwa na ngusanisyo kwa ivinda, indi kwianana na utwiiyo wa korti, mutalatala usu nuuvitukithw’a bajeti ya mwaka uu itambite kuneenaniw’a na kuvitukithw’a mbungeni.

O ingi syikalo isu sya Umunthi,syiikwatiwa kutumika kuithya kithitu kya wia, seneta mweu wa kaunti ya Garissa Abdul Haji, ula unavitie atemuvinge, kwoseleela kuma kwa ithe wake mututua Yusuf Haji.